កំសាន្ដសួគ៌លោកីយ៍

ផ្ទះ​​ជំរុំ​កណ្ដាល​ភ្នំ​ក្រវ៉ាញ ជាប់​ក្នុង​រមណីដ្ឋាន​ទាំង​៥០ ដែល​គួរ​ទៅ​លេង​​ឆ្នាំ២០១៩ របស់ទស្សនាវដ្ដីអាមេរិក

ប្រសិនជាបណ្ដា អ្នកទេសចរណ៍បរទេសទាំងឡាយ បានឮពីប្រទេសកម្ពុជា គេច្បាស់ជានឹកឃើញភ្លាម ទៅដល់ប្រាង្គប្រាសាទខ្មែរ នៅក្នុងទឹកដីខេត្តសៀមរាប។ ប៉ុន្តែនៅក្នុង​ប្រទេស​ដ៏តូចច្រឡឹង​មួយនេះ មិនមែនមានត្រឹមតែប្រាសាទ ដែលជាដួងព្រលឹង និងជាសម្បត្តិវប្បធម៌​របស់​ខ្លួនប៉ុណ្ណោះទេ។ សម្បត្តិធម្មជាតិ ក៏ជាផ្នែកមួយដ៏សំខាន់​នៃប្រទេស ដើម្បីទាក់ទាញអ្នកទេសចរណ៍ទាំងឡាយ ឲ្យចង់មកទស្សនាដែរ។

ហើយនេះ ជាអ្វីដែលទស្សនាវដ្ដីអាមេរិក ឈ្មោះ  «Travel + Leisure» បានអះអាង ដោយលើកយកផ្ទះសំណាក់ បែបជាការបោះជំរុំមួយប្រភេទ យកមកបង្ហាញ។ ផ្ទះសំណាក់នោះ មានឈ្មោះ ជាភាសាអង់គ្លេស «Shinta Mani Wild (ព្រៃស៊ីនតាម៉ានី)» ស្ថិតនៅកណ្ដាលជ្រោះជ្រង ជ្រលង​ដងអូរ នៃជួរភ្នំក្រវ៉ាញ (មួយចំហៀងទៀត នៃរមណីយដ្ឋានគីរីរម្យ) ហើយជាជម្រើសមួយ ពីក្នុងចំណោមរមណីយដ្ឋានទាំង៥០ ដែលទស្សនាវដ្ដីខាងលើ ផ្ដល់យោបល់ទៅអ្នកអានខ្លួន ថាជាកន្លែងដែលគួរ ឲ្យទៅទស្សនាកំសាន្ដ ក្នុងឆ្នាំ២០១៩។

ផ្ទះសំណាក់ «ព្រៃស៊ីនតាម៉ានី» លាតសន្ធឹង នៅ​តាម​បណ្តោយស្ទឹង និង​ទឹកជ្រោះ ​ប្រមាណជា ២ គីឡូម៉ែត្រ ជាគម្រោងមួយរបស់ «Bensley Collection» ដឹកនាំនិងគ្រប់គ្រង ដោយលោក «Bill Bensley» កំពូលអ្នក​រចនា​តុបតែង ជំនាញខាង​រមណីយដ្ឋាន​ប្រណីត ​សណ្ឋាគារ រីហ្សត និង​រាជវាំង ​នៅ​ជុំវិញ​ពិភពលោក។

ទិដ្ឋភាពមួយ នៃផ្ទះសំណាក់ «ព្រៃស៊ីនតាម៉ានី»។ (រូបថតលើហ្វេសប៊ុក)
ទិដ្ឋភាពមួយ នៃផ្ទះសំណាក់ «ព្រៃស៊ីនតាម៉ានី»។ (រូបថតលើហ្វេសប៊ុក)

ផ្ទះជំរុំ ដែលសង់នៅលើផ្ទៃដី ១០០ម៉ែត្រការេ មានបន្ទប់ស្នាក់នៅ (ឬផ្ទះដាច់ដោយ​ឡែកៗ) ចំនួន ១៥ បន្ទប់ ខណៈបន្ទប់នីមួយៗ ត្រូវបាន​តុបតែង​លម្អ​ ប្រកបដោយផាលសុខភាព ដោយ​ផ្តល់​នូវ​ទេសភាព និង​បទពិសោធ​ ខុសប្លែក​ពី​រមណីយដ្ឋាន ផ្សេងទៀត។

ទស្សនាវដ្ដី «Travel + Leisure» បានលើកឡើងថា ផ្ទះជំរុំខាងលើ មានចងាយផ្លូវដោយជិះរថយន្ដ ប្រមាណ​ជា៣ម៉ោង ពីរាជធានីភ្នំពេញ។ ផ្ទះសំណាក់នេះ នឹងផ្ដល់សេវាកម្ម ទទួលទានអាហារ (ដែលចិញ្ចឹម និងដាំដុះក្នុងតំបន់) ស្ប៉ាបន្ធូរ​អារម្មណ៍​បែបធម្មជាតិ បង្ហាញផ្លូវ (មគ្គុទេសក៍) សម្រាប់ភ្ញៀវ​ទេសចរណ៍​ទាំងឡាយ ដែលចង់ដើរកំសាន្ដ និងចង់ដឹងចង់ឃើញ អំពីអ្វីៗនៅក្នុងតំបន់ជុំវិញ ដោយធ្វើដំណើរ ដោយថ្មើរជើង ឬជិះទូក។

«ផ្កាយបីកន្លះ»

គេឃើញ ផ្ទះជំរុំ «ព្រៃស៊ីនតាម៉ានី» មានចុះឈ្មោះ នៅក្នុងគេហទំព័រកក់សណ្ឋាគារ ដ៏ល្បីៗមួយចំនួន ដូចជា «Booking.com» «Expedia.com» ឬ «Hotels.com» ជាដើម។ គេហទំព័រទាំងនោះ បានចាត់ «Shinta Mani Wild – Bensley Collection» ទៅក្នុងចំណោមសណ្ឋាគារ ដែលមានចំណាត់ថ្នាក់ ផ្កាយ៣កន្លះ។ គួរឲ្យស្ដាយ គេមិនបានឃើញថា រមណីយដ្ឋានមួយនេះ អនុញ្ញាតឲ្យទេសចរណ៍​ទាំងឡាយ អាចកក់បន្ទប់ស្នាក់នៅ​ដោយផ្ទាល់ ចេញពីគេហទំព័រ​ទាំងនោះឡើយ។

យ៉ាងណា លោក «Bill Bensley» បានថ្លែងប្រាប់សារព័ត៌មានក្នុងស្រុកថា អតិថិជនត្រូវចំណាយប្រាក់ (ចាប់ពី) ១៥០០ដុល្លា ក្នុងមួយយប់ ដើម្បីអាចចូលទៅស្នាក់នៅ ក្នុងផ្ទះជំរុំកណ្ដាលព្រៃភ្នំនេះបាន៕

ទិដ្ឋភាពមួយ នៃគម្រោងសាងសង់ ផ្ទះសំណាក់ «ព្រៃស៊ីនតាម៉ានី»។ (រូបថតលើហ្វេសប៊ុក)
ទិដ្ឋភាពមួយ នៃគម្រោងសាងសង់ ផ្ទះសំណាក់ «ព្រៃស៊ីនតាម៉ានី»។ (រូបថតលើហ្វេសប៊ុក)


You may also like

ទិដ្ឋភាពខាងក្នុង នៃសណ្ឋាគារ «វីរតន៍» ក្នុងក្រុងសៀមរាប។ (រូបថតហ្វេសប៊ុកសណ្ឋាគារ)
កំសាន្ដ

សណ្ឋាគារ​«វីរតន៍»​នៅសៀមរាប ជាប់​លេខ១​ជាថ្មី ក្នុង​​ពិភពលោក​ឆ្នាំ២០២០

កម្រមានណាស់ សម្រាប់បណ្ដាសណ្ឋាគារទាំងឡាយ ដែលទទួលពិន្ទុ ៥/៥ ពីអតិថិជន​រាប់​ពាន់​​នាក់​របស់​ពួកគេ។ តែពិន្ទុនេះ ត្រូវបានអតិថិជន នៃសណ្ឋាគារ​«វីរតន៍» (Viroth’s Hotel) នៅ​ក្រុង​​សៀមរាប ផ្ដល់ជូន​គ្រឹះស្ថាន​មួយនេះ រហូតធ្វើឲ្យ«វីរតន៍»​ទទួលបាន​ចំណាត់​​ថ្នាក់​​លេខ១ ...
ដំណឹង

ក្រឡាប់​រថយន្ដ​ទេសចរណ៍​នៅ​ម៉ាឌែរ៖ មនុស្ស​ស្លាប់​ ២៩នាក់

តុល្យភាពនៃជនរងគ្រោះ បានកើនឡើងរហូតដល់ ២៩នាក់ នៅក្នុងគ្រោះថ្នាក់ក្រឡាប់រថយន្ដទេសចរណ៍មួយ នៅលើកោះម៉ាឌែរ (Madère ក្នុងមហាសាគរអាត្លង់ទិក) នៃប្រទេសព័រទុយហ្គាល់។ ស្ត្រីម្នាក់បានផុតដង្ហើម នៅពេលត្រូវបានបញ្ជូន ទៅដល់មន្ទីរពេទ្យ។ ជនរងគ្រោះដែលបានទទួលមរណភាព នៅនឹងកន្លែង ...
របាយការណ៍

ឈ្មោះ​ប្រទេស និង​រដ្ឋធានី នៅ​ជុំវិញ​ពិភពលោក ជា​ខេមរភាសា

ដើម្បីអនុញ្ញាតឲ្យអ្នកសរសេរ និងអ្នកអាន ឯកភាពគ្នា ក្នុងការហៅ​ឈ្មោះប្រទេស ឬរដ្ឋធានីនានា នៅជុំវិញ​ពិភពលោក​នោះ គណៈកម្មការជាតិភាសាខ្មែរ (ហៅកាត់ គ.ជ.ភ.ខ ស្ថិតក្រោម​ឱវាទទីស្ដីការគណៈរដ្ឋមន្ត្រី) បាន​ចេញ​បញ្ជី​មួយ សរសេរឈ្មោះប្រទេស និងរដ្ឋធានី ...

Comments are closed.

កំសាន្ដ

ចិនអួតអាងថា រថភ្លើង​ថ្មីមួយនេះ រត់បានលឿន​ជាងគេ ក្នុងពិភពលោក

កំសាន្ដ

វ្លាឌីមៀ ពូទីន ចុះងូតទឹកកក ដែលមាន​សីតុណ្ហភាព -២០ដឺក្រេ

ចុះងូតទឹកកក ដែលមានសីតុណ្ហភាព -២០ដឺក្រេ តើអាចទៅរួចឬទេ? ក្នុងថ្ងៃអង្គារទី១៩ ខែមករានេះ លោក វ្លាឌីមៀ ពូទីន (Vladimir Poutine) ប្រធានាធិបតីនៃប្រទេសរ៉ុស្ស៊ី បានចុះងូតទឹកកក ...
កំសាន្ដ

ចំណងស្នេហ៍​«Ben Affleck»​និង​«Ana de Armas»​ចប់ហើយ

កំពូលតារាភាពយន្ដទាំងពីររូប លោក «Ben Affleck» និងនាង «Ana de Armas» បានបញ្ចប់ចំណងស្នេហ៍ ដែលមានអាយុ​ជិត១ឆ្នាំ​របស់ពួកគេ។ នេះ បើតាមការលើកឡើង របស់បណ្ដាញផ្សព្វផ្សាយអាមេរិក ...