កំពូលខ្សែប្រយុទ្ធខ្ញីចាស់ របស់ក្រុមមីឡង (AC Milan – អ៊ីតាលី) កីឡាករ ស្លាតាន អ៊ីប្រាហ៊ីម៉ូវិច (Zlatan Ibrahimovic) បានរកបាន​គ្រាប់បាល់​«ទី៥០០»​របស់ខ្លួន នៅថ្ងៃអាទិត្យទី៧ ខែកុម្ភៈ ឆ្នាំ២០២១នេះ រាប់តាំង​ពីកីឡាករ ចុះកិច្ចសន្យាទាត់​​ឲ្យបណ្ដាក្រុមបាល់ទាត់​អាជីព តាំងពីអាយុ១៨ឆ្នាំមក។

គ្រាប់បាល់ខាងលើនេះ ត្រូវបាន​កីឡាករវ័យ៣៦ឆ្នាំ ទាត់បញ្ចូលទីរបស់ក្រុម​«Crotone» ក្នុងការប្រកួតរវាងក្រុមនេះ និងក្រុម​មីឡង់ ក្នុងកីឡដ្ឋាន​«San Siro»​នៃក្រុងមីឡង់។

តាមពិតទៅ គ្រាប់បាល់ទី៥០០ គួរតែត្រូវកីឡាកររកបាន តាំងពីចុងសប្ដាហ៍កន្លងទៅ ក្នុងការប្រកួតរវាងក្រុម មីឡង់ របស់ខ្លួន ទល់នឹងក្រុម «Bologne»។ តែខ្សែប្រយុទ្ធដែលតែងតាំងខ្លួន ជា«សត្វតោឈ្មោល»រូបនេះ បានខកខាន​ការទាត់បាល់​​​ពិន័យ១១ម៉ែត្រ ដោយត្រូវ​កីឡាករ​ចាំទី របស់ក្រុម«Bologne»ទះបាល់ចេញ។

កំពូលខ្សែប្រយុទ្ធ ជាតិស៊ុយអែដ បានចាប់ផ្ដើមអាជីពរបស់ខ្លួន ក្នុងអាយុ១៨ឆ្នាំ ដោយបានហ្វឹកហាត់ និងចុះ​កិច្ចសន្យា​ដំបូង នៅឆ្នាំ​១៩៩៩ ជាមួយក្រុម«Malmö»​នៃប្រទេសស៊ុយអែដ។ កីឡាករបានទាត់ឲ្យក្រុមប៉ារីស (Paris Saint Germain – បារាំង) រវាងពីឆ្នាំ២០១២ មកទល់ឆ្នាំ២០១៦ និងរកបានគ្រាប់បាល់​បានច្រើនជាងគេ បើធៀបនឹង​ពេលនៅជាមួយក្រុមផ្សេងទៀត (១៥៦គ្រាប់ ពីគ្រប់ការប្រកួត​ទាំងអស់)។

បើទោះមានវ័យចំណាស់ម្ដេចក្ដី តែកីឡាករ ស្លាតាន់ នៅតែបង្ហាញពីថ្វីជើង​ក្នុងកម្រិតដ៏ខ្ពស់ ជាមួយក្រុម មីឡង់ ដែល​កីឡាករ​ធ្លាប់បាន​ទាត់ឲ្យម្ដងហើយ រវាងពីឆ្នាំ២០១០ មកទល់នឹងឆ្នាំ២០១២ (៥៦គ្រាប់ ពីគ្រប់ការប្រកួត នៅ​ពេលនោះ)។ ពេលត្រឡប់​មកចុះ​កិច្ចសន្យាជាថ្មី ជាមួយក្រុមមីឡង់ដដែល រាប់ពីខែមករា ឆ្នាំ២០២០ រហូតមកដល់​ថ្ងៃនេះ កំពូល«តោឈ្មោល»រកបាន​គ្រាប់បាល់​២៦គ្រាប់៕



លំអិតបន្ថែមទៀត

កីឡា និងបច្ចេកវិទ្យា

«Greenwood» ខ្សែប្រយុទ្ធក្រុម មេនយូ រងការឃុំខ្លួន ពីបទរំលោភ

ខ្សែប្រយុទ្ធវ័យ២០ឆ្នាំ របស់ក្រុម មេនយូ (Manchester United) កីឡាករ «Mason Greenwood» ត្រូវបាននគរបាលចាប់ឃុំខ្លួន ជាបណ្ដោះអាសន្ន ក្រោមបទសង្ស័យ ថាបានប្រព្រឹត្តិអំពើហិង្សា និងរំលោភ។ ...
កីឡា និងបច្ចេកវិទ្យា

សារព័ត៌មានអេស្ប៉ាញថា លីយ៉ូនែល ម៉េស៊ី នឹងទៅទាត់​ឲ្យក្រុម ប៉ារីស

បន្ទាប់ពីចាកចេញ ពីក្រុមបាសឺឡូន (FC Barcelone) កំពូលកីឡាករ លីយ៉ូនែល ម៉េស៊ី (Lionel Messi) ម្ចាស់​បាល់មាស​៦ជំនាន់ អាចនឹង​បង្ហាញខ្លួន នៅក្រុមបាល់ទាត់​នៃរដ្ឋធានី ប៉ារីស ...
កីឡា និងបច្ចេកវិទ្យា

Covid-19 ៖ ណីម៉ា ធ្វើតេស្ដិ៍​មានផ្ទុក​មេរោគ

Covid-19 ៖ កំពូលខ្សែប្រយុទ្ធពិភពលោក ជាតិប្រេស៊ីល កីឡាករ ណីម៉ា (Neymar Jr) ស្ថិត​ក្នុង​ចំណោម​កីឡាករបីនាក់ របស់ក្រុម ប៉ារីស (Paris Saint-Germain ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...