ក្រុមបាល់ទាត​«Villarreal» នៃក្រុង«Vila-Real»ដ៏តូចមួយ ភាគខាងកើតប្រទេសអេស្ប៉ាញ បានលើកពាន​«Europa League» ជាលើក​ដំបូងរបស់ខ្លួន បន្ទាប់ពីបានបំបាក់ក្រុម«Manchester United» ដោយ​គ្រាប់បាល់​កាត់សេចក្ដី ១១-១០ នៅក្នុងការប្រកួតផ្ដាច់ព្រ័ត្រ​ដ៏ស្វិតស្វាញ​រវាងក្រុមទាំងពីរ ក្នុងយប់ថ្ងៃពុធទី២៥ ខែឧសភា ឆ្នាំ២០២១នេះ នាកីឡដ្ឋាន«Energa» ដែលស្ថិតក្នុងភាគខាងជើង នៃប្រទេស​ប៉ូឡូញ។

ក្នុងការប្រកួត៩០នាទីដំបូង ក្រុមបាល់ទាត់ទាំងសងខាង រកបាន១គ្រាប់ស្មើគ្នា ដោយកីឡាករ«Gerard Moreno» របស់ក្រុម«Villarreal» បានទាត់បញ្ចូលទី នៅនាទីទី២៩ មុននឹងកីឡាករ«Edinson Cavani» របស់ក្រុម«Man U» រកគ្រាប់បាល់​បានស្មើមកវិញ នៅនាទីទី៥៥។

បន្ទាប់មក ក្រុមទាំងពីរបានទាត់បន្ថែមម៉ោង ចំនួន៣០នាទីទៀត (១៥+១៥) តែរកមិនបានគ្រាប់បាល់បន្ថែមទេ និង​តម្រូវឲ្យទាត់បាល់​កាត់សេចក្ដី នៅទីបញ្ចប់ដើម្បីកំណត់​រកអ្នកឈ្នះ (និងអ្នកចាញ់)។ ជាអកុសល​​សម្រាប់ក្រុមមែនយូ គ្រាប់បាល់​របស់កីឡាករ​ចាំទី «David De Gea» របស់ក្រុមបីសាចក្រហម​​អង់គ្លេស ត្រូវបាន​ទះចេញ ដោយកីឡាករ​ចាំទី «Geronimo Rulli» របស់ក្រុម«Villarreal»។

ជ័យជំនះរបស់ក្រុម«Villarreal» បានធ្វើឲ្យគ្រូបង្វឹករបស់ក្រុម លោក​«Unai Emery» លើកពាន​«Europa League»​បានដល់ទៅបួនលើក ដែលមកដល់ថ្ងៃនេះ មិនទាន់មានគ្រូបង្វឹកណាម្នាក់ មានលទ្ធភាពដូច្នេះ​នៅឡើយ។ ក្នុងពេលកន្លងមក លោក​«Unai Emery» បានលើកពាន«Europa League»ជាមួយនឹងក្រុម​«Seville FC-អេស្ប៉ាញ»​បីលើក​ជាប់ៗគ្នា (ឆ្នាំ២០១៤ – ២០១៥ និងឆ្នាំ២០១៦)៕



លំអិតបន្ថែមទៀត

កីឡា និងបច្ចេកវិទ្យា

រ៉ូណាល់ដូ និងក្រុម មែនយូ ឈានដល់ផ្លូវបំបែកជាថ្មី

ចប់សព្វគ្រប់ហើយ រវាងកីឡាករ គ្រីស្ទាណូ រ៉ូណាល់ដូ (Cristiano Ronaldo) និងក្រុម មែនយូ (Manchester United)។ កិច្ចសន្យារវាងកីឡាករម្ចាស់បាល់មាស ៥ជំនាន់ និងក្រុមបីសាចក្រហមអង់គ្លេស ...
កីឡាករ ទីចាហ្គោ ស៊ីវ៉ា (បែរខ្នង) និងកីឡាករ អេឌីសុន កាវ៉ានី នៃក្រុមប៉ារីស (បារាំង)។ (រូបថតទ្វីសធើរ)
កីឡា និងបច្ចេកវិទ្យា

ចប់ពីក្រុមប៉ារីស កាវ៉ានី ចុះកិច្ចសន្យា លេងឲ្យក្រុម​មេនយូ

ខ្សែប្រយុទ្ធដ៏ល្បី កីឡាករ អេឌីសុន កាវ៉ានី (Edinson Cavani) បានសម្រេចចុះហត្ថលេខា លេងឲ្យក្រុម​មេនយូ (Manchester United) សម្រាប់រយៈពេល១ឆ្នាំ និងអាចបន្ត១ឆ្នាំបន្ថែមទៀត។ ការចុះកិច្ចសន្យានេះ ...
កីឡា និងបច្ចេកវិទ្យា

រវាង មែនញូ និងមូរីញ៉ូ ចប់​ជាស្ថាពរ​ហើយ!

លោក ចូហ្សេ មូរីញ៉ូ (José Mourinho) លែងជាគ្រូបង្វឹករបស់ក្រុម មែនឆេស្ទ័រយូណាយធីត (Manchester United) ទៀតហើយ។ ក្រុមបាល់ទាត់ នៃចក្រភពអង់គ្លេស បានប្រកាសឲ្យដឹងនៅមុននេះបន្តិច ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.