កីឡា និងបច្ចេកវិទ្យាបាល់ទាត់

ចប់ពីក្រុមប៉ារីស កាវ៉ានី ចុះកិច្ចសន្យា លេងឲ្យក្រុម​មេនយូ

កីឡាករ ទីចាហ្គោ ស៊ីវ៉ា (បែរខ្នង) និងកីឡាករ អេឌីសុន កាវ៉ានី នៃក្រុមប៉ារីស (បារាំង)។ (រូបថតទ្វីសធើរ)
កីឡាករ ទីចាហ្គោ ស៊ីវ៉ា (បែរខ្នង) និងកីឡាករ អេឌីសុន កាវ៉ានី នៃក្រុមប៉ារីស (បារាំង)។ (រូបថតទ្វីសធើរ)

ខ្សែប្រយុទ្ធដ៏ល្បី កីឡាករ អេឌីសុន កាវ៉ានី (Edinson Cavani) បានសម្រេចចុះហត្ថលេខា លេងឲ្យក្រុម​មេនយូ (Manchester United) សម្រាប់រយៈពេល១ឆ្នាំ និងអាចបន្ត១ឆ្នាំបន្ថែមទៀត។

ការចុះកិច្ចសន្យានេះ ធ្វើឡើងក្នុងយប់ថ្ងៃចន្ទទី៥ ខែតុលា ឆ្នាំ២០២០ ក្នុងនាមជាកីឡាករទំនេរ ដោយហេតុថា ខ្សែប្រយុទ្ធអាយុ​៣៣ឆ្នាំ​ខាងលើ បានចប់កិច្ចសន្យាជាមួយក្រុម ប៉ារីស (Paris Saint-Germain) តាំងពីចុងខែមិថុនាមកម្លេះ។

ប៉ុន្តែកីឡាកររូបនេះ នឹងត្រឡប់មកប្រកួត ទល់នឹងក្រុមប៉ារីសវិញ ក្នុងប៉ុន្មានសប្ដាហ៍ខាងមុខ (ថ្ងៃទី២០ ខែតុលា) ដោយហេតុថា ក្រុមមេនយូ ស្ថិតក្នុងពូលតែមួយ «Group H» ជាមួយនឹងក្រុម ប៉ារីស នៃក្របខណ្ឌប្រកួត «Champions League»

កីឡាករ កាវ៉ានី នឹងពាក់អាវលេខ៧ ដែលធ្លាប់ជាលេខអាវ របស់កីឡាករល្បីៗពីមុន របស់ក្រុមបីសាចក្រហម។ នៅលើគេហទំព័រផ្លូវការ របស់ក្រុមមេនយូ កីឡាករខ្សែប្រយុទ្ធ ត្រូវបានស្រង់សំដី មកចុះផ្សាយថា៖

«ក្រុមមេនយូ ជាក្រុមមួយ ក្នុងចំណោមក្រុម​បាល់ទាត់​យក្សទាំងឡាយ នៅក្នុងពិភពលោក។ ដូច្នេះ វាជាកិត្តិយសមួយដ៏អស្ចារ្យ ដែលមានវត្តមាននៅទីនេះ។ ខ្ញុំបានហ្វឹកហាត់ខ្លាំងក្លាណាស់ នៅក្នុងរយៈពេលវិស្សមកាលកន្លងមក ហើយខ្ញុំពិតជាចង់ត្រឡប់ មកកាន់ទីលានប្រកួតវិញ ដើម្បីតំណាងឲ្យក្រុម ដ៏អស្ចារ្យមួយនេះ៕»



You may also like

កីឡា និងបច្ចេកវិទ្យា

ម៉េស៊ី បានសម្រេចចាកចេញ ពីក្រុម​អ្នកមានបុណ្យ

ជាដំណឹងដែលធ្លាក់ចុះមក ដូចផ្ទុះភ្នំភ្លើង ក្នុងពិភពបាល់ទាត់។ កំពូលខ្សែប្រយុទ្ធ កីឡាករ លីយ៉ូនែល ម៉េស៊ី (Lionel Messi) បានសម្រេចចាកចេញ ពីក្រុម​អ្នកមានបុណ្យ (FC Barcelone ...
កីឡា និងបច្ចេកវិទ្យា

ស៊ែរជោ រ៉ាម៉ូស នឹងចុះកិច្ចសន្យា​ទាត់ឲ្យក្រុម ប៉ារីស

កំពូលខ្សែការពារជាតិអេស្ប៉ាញ កីឡាករ ស៊ែរជោ រ៉ាម៉ូស (Sergio Ramos) កំពុងត្រៀមចុះកិច្ចសន្យា លេងឲ្យក្រុម ប៉ារីស (Paris Saint-Germain) បន្ទាប់ពីបានព្រមព្រៀងគ្នារួចរាល់ ក្នុងរសៀលថ្ងៃចន្ទនេះ។ ...
កីឡាករ ទីចាហ្គោ ស៊ីវ៉ា (បែរខ្នង) និងកីឡាករ អេឌីសុន កាវ៉ានី នៃក្រុមប៉ារីស (បារាំង)។ (រូបថតទ្វីសធើរ)
កីឡា និងបច្ចេកវិទ្យា

ទីចាហ្គោ ស៊ីលវ៉ា និង កាវ៉ានី នឹង​ចេញ​ពីក្រុម ប៉ារីស នៅចុង​រដូវកាល

លោក ឡេអូណាដូ (Leonardo) នាយកទទួលបន្ទុកកីឡា​នៃក្រុម ប៉ារីស (Paris Saint Germain – បារាំង) បានបញ្ជាក់ជាផ្លូវការថា តារាបាល់ទាត់ពីរនាក់ ដែលបានចូលរួម​បង្កភាពល្បីល្បាញ​ឲ្យក្រុម ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...