ខ្សែប្រយុទ្ធ របស់ក្រុម «Borussia Mönchengladbach» កីឡាករ «Marcus Thuram» ត្រូវបានបណ្ដេញចេញ ពីការប្រកួត បន្ទាប់ពីអាជ្ញាកណ្ដាល បានមើលតាមរយៈវីដេអូ ឃើញកីឡាកររូបនេះ ស្ដោះទឹកមាត់​ដាក់គូប្រកួត។

ហេតុការណ៍កើតឡើង ក្នុងការប្រកួតជុំទី១៣ ក្របខណ្ឌ «Bundesliga» របស់ប្រទេសអាល្លឺម៉ង់ រវាងក្រុមបាល់ទាត់ខាងលើ ទល់នឹងក្រុម «Hoffenheim» ក្នុងយប់ថ្ងៃទី១៩ ខែធ្នូ ឆ្នាំ២០២០នេះ។

នៅខណៈការប្រកួត កំពុងប្រព្រឹត្តិទៅ មកដល់នាទីទី៧៩ ហើយក្រុមទាំងពីរ មានគ្រាប់បាល់ស្មើ់គ្នា ១-១ នោះ ជម្លោះទាស់ទែងគ្នា រវាងកីឡាករ «Marcus Thuram» ជាតិបារាំង និងកីឡាករ «Stefan Posch» ខ្សែការពារ​ជាតិអូទ្រីស របស់ក្រុម «Hoffenheim» បានកើតឡើង។

តែការឆ្លើយឆ្លងគ្នានោះ បានរីករាលដាល កាន់តែខ្លាំង ព្រោះកីឡាករ «Marcus Thuram» បានស្ដោះទឹកមាត់ ទៅលើគូប្រកួតខ្លួន។ អាជ្ញាកណ្ដាល លើទីលាន ដែលត្រូវបានអន្តរាគមន៍ ដោយអាជ្ញាកណ្ដាលវីដេអូ បានឃើញរូបភាពនេះ ហើយបានដកកាតក្រហម បណ្ដេញខ្សែប្រយុទ្ធជាតិបារាំង ចេញពីការប្រកួត។

ក្រៅពីរងការបណ្ដេញចេញរួច ក្រុម «Borussia Mönchengladbach» ដែលមានចំណាត់ថ្នាក់ លេខ៨ បានទទួលបរាជ័យថែមទៀត ព្រោះក្រុម «Hoffenheim» (នៅចំណាត់ថ្នាក់ទី១១) បានរកគ្រាប់បាល់​មួយថែមទៀត នៅនាទីទី៨៦ (១-២)។

ការខាកស្ដោះ ទៅលើគូប្រកួត ជាអំពើអសីលធម៌ និងត្រូវរងការពិន័យធ្ងន់ធ្ងរ ពីគណៈកម្មការវិន័យ របស់ស្ថាប័នរៀបចំ «Bundesliga»។ កីឡាករធ្វើទង្វើនេះ អាចរងទណ្ឌកម្ម ដោយហាមឃាត់ការចូលប្រកួត រហូតដល់១០ប្រកួត ឬស្មើនឹង៣ខែ។

នៅក្រោយការប្រកួតខាងលើ បានប៉ុន្មាននាទី កីឡាករ «Marcus Thuram» បានបង្ហាញសារសុំទោស នៅលើបណ្ដាញសង្គមទ្វីសធើរ អះអាងថាខ្លួន​បានធ្វើទង្វើ​ខុសឆ្គង ដែលជាឧប្បត្តិហេតុ និងទង្វើដោយអចេតនា។ ខ្សែប្រយុទ្ធជាតិបារាំង ដែលទើបត្រូវជ្រើសរើស ចូលក្រុម​ជម្រើសជាតិបារាំង បានសរសេរបន្តថា៖

«ខ្ញុំសុំទោស អ្នកទាំងអស់គ្នា ក្នុងនោះ “Stefan Posch” – គូប្រកួតទាំងឡាយ – មិត្តរួមក្រុម – គ្រួសាររបស់ខ្ញុំ និងអ្នកទាំងឡាយ ដែលបាន​ឃើញ​ទង្វើនេះ។ ប្រាកដហើយថា ខ្ញុំនឹងទទួលយក នូវផលវិបាកទាំងឡាយ (ទណ្ឌកម្ម) ដែលកើតចេញ ពីកាយវិការមួយនេះ។»



លំអិតបន្ថែមទៀត

កីឡា និងបច្ចេកវិទ្យា

ហាមលេង៥ប្រកួត​និងពិន័យ៤ម៉ឺនអ៊ឺរ៉ូ ព្រោះស្ដោះ​ទឹកមាត់​ដាក់គូប្រកួត

ព្រោះស្ដោះ​ទឹកមាត់​ដាក់គូប្រកួត កាលពីបីថ្ងៃមុន ខ្សែប្រយុទ្ធរបស់ក្រុម «Borussia Mönchengladbach» កីឡាករ «Marcus Thuram» បានរងទណ្ឌកម្ម ដោយហាមការប្រកួត ចំនួន៥ប្រកួត និងពិន័យជាប្រាក់ ៤ម៉ឺនអ៊ឺរ៉ូ។ ...
កីឡា និងបច្ចេកវិទ្យា

ការបញ្ចប់​ការប្រកួត​ដ៏អស្ចារ្យ​រវាង ក្រុម​«ហ្វូហ្វេនហាម» និង​«បាយ៉ឺន»

រយៈពេល១៥នាទីចុងក្រោយ នៃការប្រកួត រវាងក្រុម ហ្វូហ្វេនហាម (1899 Hoffenheim – អាល្លឺម៉ង់) និងក្រុម បាយ៉ឺន (Bayern Munich – ...
កីឡា និងបច្ចេកវិទ្យា

ហាឡេន ប្រតិកម្ម​ដែលរកបាន​«មិត្តស្រីថ្មី» បន្ទាប់ពីរក​គ្រាប់បាល់បាន

កីឡាករ អើលីន ហាឡេន (Erling Haaland) រកបាន«មិត្តស្រីថ្មី» នៅក្នុងកីឡដ្ឋានរបស់ក្រុម វុលស្បួរ (Wolfsburg – អាល្លឺម៉ង់)? កីឡាករបានផ្ទុះប្រតិកម្មតប បន្ទាប់ពីការប្រកួតបានបញ្ចប់ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...
កីឡា និងបច្ចេកវិទ្យា

Champions League៖ លីវើភូល បំបាក់​ក្ដីសុបិន្ដ​ផ្ដាច់ព្រ័ត្រ វីឡារ៉េអាល

ក្ដីសុបិន្ដរបស់ក្រុម វីឡារ៉េអាល (Villarreal – អេស្ប៉ាញ) មានជីវិត​ត្រឹមតែ​៤៥នាទីដំបូង ក្នុងការប្រកួតល់នឹងក្រុម លីវើភូល (Liverpool – ) ប៉ុណ្ណោះ។ ជាការប្រកួតជុំទី២ ...