កីឡា និងបច្ចេកវិទ្យាបាល់ទាត់

សារព័ត៌មានអ៊ឺរ៉ុប​លត់ក្រុម បាសឺឡូន ដែលរង​ការបាក់មុខ​ជាប្រវត្តិសាស្ត្រ

កីឡាករ លីយ៉ូនែល ម៉េស៊ី កំពូលខ្សែប្រយុទ្ធរបស់ក្រុម បាសឺឡូន។ (រូបថតក្រុមបាសឺឡូន)
កីឡាករ លីយ៉ូនែល ម៉េស៊ី កំពូលខ្សែប្រយុទ្ធរបស់ក្រុម បាសឺឡូន។ (រូបថតក្រុមបាសឺឡូន)

បរាជ័យជាប្រវត្តិសាស្ត្រ របស់ក្រុម បាសឺឡូន (FC Barcelonne – អេស្ប៉ាញ) កាលពីយប់​ថ្ងៃសុក្រ ទល់នឹងក្រុម បាយ៉ឺន (Bayern Munich – អាល្លឺម៉ង់) ដោយគ្រាប់បាល់ ២-៨ បាន​ធ្វើឲ្យសារព័ត៌មាន នៅទ្វីបអ៊ឺរ៉ុបបង្ហូទឹកប៉ាកកាមិនតិចទេ ក្នុងថ្ងៃសៅរ៍នេះ។

ការប្រកួតនោះ ធ្វើឡើងក្នុងវគ្គជម្រុះ (ចាញ់ចេញ) «១/៤» ក្របខណ្ឌ «Champions League» ដែលជាពានរង្វាន់ ជើងឯកអ៊ឺរ៉ុប ប្រចាំឆ្នាំ ដែលក្រុមបាល់ទាត់អ៊ឺរ៉ុបនានា  តែងតែសុបិន្តចង់លើក។

​តែបើក្រុមអ្នកមានបុណ្យ បាសឺឡូន បានចាញ់ ដោយពិន្ទុប្រហាក់ប្រហែលគ្នា នោះទំនង​ជា​អ្នកផងអាចយល់បានខ្លះ តែនេះ កីឡាកររួមក្រុមរបស់ខ្សែប្រយុទ្ធ លីយ៉ូនែល ម៉េស៊ី (Lionel Messi) បានទទួលគ្រាប់បាល់ ទាត់បញ្ចូលទីពីក្រុម បាយ៉ឺន ហាក់ដូចជា​គ្រាប់​ភ្លៀង៖ ៤គ្រាប់​ក្នុង​ពាក់កណ្ដាលម៉ោងដំបូង និង៤គ្រាប់ទៀត ក្នុងពាក់កណ្ដាល​ម៉ោង​ទីពីរ។

ទស្សនាវដ្ដីអាល្លឺម៉ង់ «Bild» បានសរសេរថា៖

«ក្រុម បាយ៉ឹន មិនបានអាណិតអាសូរ សូម្បីបន្តិចឡើយ ចំពោះក្រុមអ្នកមានបុណ្យ ដ៏មហិមា ហើយបានបណ្ដេញ​បណ្ដាតារាបាល់ទាត់ ដែលនៅជុំវិញកីឡាករ លីយ៉ូនែល ម៉េស៊ី ឲ្យចេញពីការប្រកួតក្របខណ្ឌ “Champions League”។»

«គ្រាន់តែក្នុងរយៈពេល ៣១នាទីដំបូងប៉ុណ្ណោះ ក្រុម បាសឺឡូន ទទួលគ្រាប់បាល់​រហូតដល់​ទៅ៤គ្រាប់ ដែលមិនធ្លាប់ដែលមាន នៅក្នុងប្រវត្តិរបស់ក្រុមមួយនេះ សម្រាប់រាល់​ការប្រកួត ក្របខណ្ឌអ៊ឺរ៉ុបកន្លងមក។»

ទស្សនាវដ្ដីអាល្លឺម៉ង់មួយទៀត ឈ្មោះ «Kicker» ក៏បានរៀបរាប់ដែរថា៖

«ក្រុម បាយ៉ឺន បានឡើងទៅវគ្គ ១/២ ជាមួយនឹងជោគជ័យ ជាប្រវត្តិសាស្ត្រ ខណៈវាជា​លទ្ធផល​ដ៏អាណោចអាធម សម្រាប់ក្រុមអ្នកមានបុណ្យ នៃប្រទេសអេស្ប៉ាញ។ ក្រុម​បាល់ទាត់ នៃក្រុង មូនិឆ (ភាគខាងត្បូងអាល្លឺម៉ង់) មិនបានផ្ដល់​ឱកាសបន្តិច​សោះឡើយ ដល់ក្រុមបាសឺឡូន ដែលមានខ្សែការពារ ដ៏ផុយស្រួយ។»

សម្រាប់សារព័ត៌មាន ក្នុងប្រទេសអេស្ប៉ាញខ្លួនឯងវិញ ក៏មិនប្រណីក្រុមបាល់ទាត់​មួយនេះ​ដែរ។ សារព័ត៌មាន «Mundo Deportivo» បានដាក់ចំណងជើង ឲ្យអត្ថបទរបស់ខ្លួនថា «ការដួលដាច់ផ្ងារ ជាប្រវត្តិសាស្ត្រ សម្រាប់ក្រុម បាសា»។

សារព័ត៌មានបានសរសរទម្លាក់កំហុស ឲ្យក្រុមកីឡាករ​ថា៖

«លទ្ធផលនៃការប្រកួត ៨-២ មិនដែលមានក្រុមធំៗ​ណាផ្សេង ធ្លាប់ជួបដូច្នេះ ក្នុងការប្រកួត​ក្របខណ្ឌ “Champions League” ពីមុនមកទេ។ ពួកកីឡាករ ដែលធ្វើឲ្យក្រុម​​ទទួលបាន​កិត្តិយស នៅថ្ងៃនេះ មិនសក្ដិសមទាត់ឲ្យក្រុមបាល់ទាត់ ដែលមានឈ្មោះ ថា “FC Barcelone” នេះឡើយ។»

សារព័ត៌មាន បានស្រង់សំដី​របស់កីឡាករ​ខ្សែបម្រើម្នាក់ មកពន្យល់ថា៖

«ដូចកីឡាករ «Arturo Vidal» បាននិយាយហើយនិយាយទៀតថា “យើងជាក្រុម​បាល់ទាត់ បាសា ដែលជាក្រុមខ្លាំងជាងគេ ក្នុងពិភពលោក”។ តែក្រុម បាសា ដូចនោះ មិនមែន​ជាក្រុម បាសា ថ្ងៃនេះទេ។»

សម្រាប់គេហទំព័រ «Goal» ជំនាញខាងកីឡាបាល់ទាត់ បានសរសរថា លទ្ធផលចេញ​ពី​ការប្រកួត រវាងក្រុមទាំងពីរ គឺជា«ឃាតកម្មឈាមត្រជាក់»មួយ។ សារព័ត៌មាន​តាម​ប្រព័ន្ធ​អ៊ិនធើណែតមួយនេះ បានសរសេរថា៖

«ឃាតកម្មមួយនេះ ត្រូវបានគេមើលដឹងមុន ថានឹងអាចកើតឡើង ព្រោះវាជា​ការខុស​គ្នាខ្លាំង រវាងម្ខាង ជាក្រុមកីឡាករ ដែលចិញ្ចឹមចិត្តចេញប្រកួត ដើម្បីយកជ័យជំនះ និង​ម្ខាងទៀត ជាក្រុមអ្នកទេសចរណ៍ ដែលមកកាន់ប្រទេសព័រទុយហ្គាល់ គ្រាន់តែជាដំណើរ​កម្សាន្ដ៕»



លំអិតបន្ថែមទៀត

កីឡា និងបច្ចេកវិទ្យា

អាហ្សាក់​អាមស្ទែដាម បន្ត​យកប្រៀប​ឡើងទៅ​ផ្ដាច់ព្រ័ត្រ

ក្រុមបាល់ទាត់ អាហ្សាក់​អាមស្ទែដាម (Ajax Amsterdam) របស់រាជាណាចក្រ ហូឡង់ កំពុងបន្តក្ដីសុបិន្តរបស់ខ្លួន ក្នុងការដណ្ដើមពាន់ជើងឯកអ៊ឺរ៉ុប បន្ទាប់ពីបានយកឈ្នះ ១-០ នៅក្នុងផ្ទះរបស់ក្រុម ថូថេនហាម (Tottenham ...
កីឡា និងបច្ចេកវិទ្យា

អធិរាជអាវស ម្ចាស់​ជើងឯក​អ៊ឺរ៉ុប​បីជំនាន់ ហាវអាវ​ព្រោះ​ត្រូវ​អាហ្សាក់​បំបាក់

ផែនដីក្រឡាប់ចាក់ នៅរាជធានីម៉ាឌ្រីត! ក្រុមរៀលម៉ាឌ្រីត (Real Madrid – អេស្ប៉ាញ) ហៅ អធិរាជអាវស និងជាម្ចាស់ជើងឯកអ៊ឺរ៉ុប បីជំនាន់ជាប់គ្នា បានដួលបះជើងក្នុងយប់ថ្ងៃអង្គារនេះ ទល់នឹងក្រុមអាហ្សាក់អាមស្ទែដាម ...
កីឡា និងបច្ចេកវិទ្យា

សារព័ត៌មានអេស្ប៉ាញថា លីយ៉ូនែល ម៉េស៊ី នឹងទៅទាត់​ឲ្យក្រុម ប៉ារីស

បន្ទាប់ពីចាកចេញ ពីក្រុមបាសឺឡូន (FC Barcelone) កំពូលកីឡាករ លីយ៉ូនែល ម៉េស៊ី (Lionel Messi) ម្ចាស់​បាល់មាស​៦ជំនាន់ អាចនឹង​បង្ហាញខ្លួន នៅក្រុមបាល់ទាត់​នៃរដ្ឋធានី ប៉ារីស ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

រ៉ូណាល់ដូ និងក្រុម មែនយូ ឈានដល់ផ្លូវបំបែកជាថ្មី

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

ខ្សែប្រយុទ្ធល្បឿនផ្លេកបន្ទោរជាតិ​បារាំង កីឡាករ គីលីយ៉ាន អ៊ឹមបាពេ (Kylian Mbappé) បានសម្រេចនៅទីបំផុត បន្ត​កិច្ចសន្យា​៣ឆ្នាំ ជាមួយក្រុម ប៉ារីស – ស៊ាំងហ្សែរម៉ាំង (Paris ...
កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...