ក្រុមជម្រើសជាតិ អ៊ីតាលី បានលើកពានជើងឯក«អ៊ឺរ៉ុប ឆ្នាំ២០២០» បន្ទាប់ពីបានបំបាក់ក្រុម អង់គ្លេស ដោយ​បាល់​កាត់សេចក្ដី ៣-២ ក្នុង​ការប្រកួត​ផ្ដាច់ព្រ័ត្រ​ដ៏តឹងតែង ដែលទទួលបានលទ្ធផលស្មើ ១-១ ទាំងក្នុង​រយៈពេល​៩០នាទី និងទាំងរយៈពេលបន្ថែមម៉ោង១៥+១៥=៣០នាទី។

ក្នុងកីឡដ្ឋាន «Wembley» នៃរាជធានីឡុងដ៍ ចក្រភពអង់គ្លេស ដែលជាផ្ទះរបស់ខ្លួន ក្រុមតោបីអង់គ្លេស បាន​សង្ឃឹមយ៉ាងមុតមាំ ក្នុងការលើកពាន«អ៊ឺរ៉ុប ឆ្នាំ២០២០» ដែលជាពានរង្វាន់ធំ និងដែលបណ្ដាអ្នកគាំទ្រអង់គ្លេស បានទន្ទឹង​រង់ចាំអស់រយៈពេល៥៥ឆ្នាំ បន្ទាប់ពីពានរង្វាន់«ពិភពលោក ឆ្នាំ១៩៦៦»។

ហើយក្ដីសង្ឃឹមខាងលើ ហាក់បានក្លាយជាការពិត ដោយសារកីឡាករ «Luke Shaw» រកគ្រាប់បាល់បាន​យ៉ាង​រហ័ស (១-០) នៅនាទីទី២ នៃការប្រកួត។

តែបន្ទាប់ពីរកបានគ្រាប់បាល់នេះរួច ក្រុមអង់គ្លេសបានដកឃ្លាមកក្រោយ ដើម្បីពង្រឹកខ្សែការពារ ជាជាងបន្ត​ការវាយសម្រុក និងអនុញ្ញាតឲ្យក្រុម អ៊ីតាលី ដណ្ដើមប្រៀបបាន ជាពិសេស​នៅពាក់កណ្ដាលម៉ោងទី២។ ដោយ​ហេតុនេះហើយ ទើបខ្សែការពារ អ៊ីតាលី កីឡាករ «Leonardo Bonucci» រកគ្រាប់បាល់ស្មើរមកវិញ ១-១ នៅនាទីទី៦៧ ក្នុងឱកាសទាត់បាល់ ចេញពីជ្រុង។

ក្នុងរយៈពេលប្រកួតបន្ថែមម៉ោង ១៥ +១៥នាទី ក្រុមទាំងពីរ​រកមិនបាន​គ្រាប់បាល់ផ្សេងទៀតទេ និងតម្រូវឲ្យ​ទាត់បាល់​កាត់សេចក្ដី ម្ខាង៥គ្រាប់។  លទ្ធផលចុងក្រោយ បានផ្ដល់ជ័យជំនះទៅឲ្យក្រុម អ៊ីតាលី ដោយកីឡាករ​អង់គ្លេស ដល់ទៅបីនាក់ ទាត់មិនបានសម្រេច (ចំនួន៣គ្រាប់) ខណៈកីឡាករអ៊ីតាលី បានទាត់មិនសម្រេច ចំនួនតែ​២គ្រាប់ប៉ុណ្ណោះ។

ក្រុម អ៊ីតាលី បានលើកពាន«អ៊ឺរ៉ុប» ជាលើកទីពីរ នៅក្នុងប្រវត្តិបាល់ទាត់របស់ខ្លួន និងមានរយៈពេល៥៣ឆ្នាំ ក្រោយពី​បានឈ្នះលើកទី១ នៅឆ្នាំ១៩៦៨៕



លំអិតបន្ថែមទៀត

កីឡា និងបច្ចេកវិទ្យា

រ៉ូណាល់ដូ ប្រកាសសង្គ្រាមប្រឆាំង កូកាកូឡា !

កាយវិការរបស់ម្ចាស់បាល់មាស ៥ជំនាន់ កីឡាករ គ្រីស្យាណូ រ៉ូណាល់ដូ (Cristiano Ronaldo) អាចបង្ក​ការក្ដៅ​ក្រហាយ ដល់ក្រុមហ៊ុនភេសជ្ជៈយក្សរបស់អាមេរិក កូកាកូឡា (Coca Cola)។ ក្នុងថ្ងៃចន្ទទី១៤ ...
កីឡា និងបច្ចេកវិទ្យា

អតីតប្រធាន UEFA ត្រូវបានដោះលែង ក្រោយពីឃុំខ្លួនអស់ច្រើនម៉ោង

អតីតប្រធានសហភាពបាល់ទាត់អ៊ឺរ៉ុប «UEFA» លោក មីឆែល ផ្លាទីនី (Michel Platini) បានចាកចេញ ពីការិយាល័យនគរបាលយុត្តិធម៌ កាលពីរំលងអាធ្រាតយប់ម៉ិញ បន្ទាប់ពីត្រូវអាជ្ញាធរបារាំង ឃាត់ខ្លួនទុកអស់ជាច្រើនម៉ោង ដើម្បីស៊ើបអង្កេតពាក់ព័ន្ធ ...
កីឡា និងបច្ចេកវិទ្យា

អតីតប្រធាន UEFA ខឹង​អាជ្ញាកណ្ដាលវីដេអូ ក្រោយជំនួប PSG Man-U

អតីតប្រធានសហព័ន្ធបាល់ទាត់អ៊ឺរ៉ុប (UEFA) លោក មីឆែល ប្លាទីនី (Michel Platini) បានតំឡើងសម្លេងខ្លាំងៗ ដាក់អាជ្ញាកណ្តាលវីដេអូ នៅប៉ុន្មានថ្ងៃបន្ទាប់ពីក្រុមប៉ារីស (Paris Saint-Germain – ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.