ក្រុមជម្រើសជាតិ អ៊ីតាលី បានទទួលសំបុត្ររបស់ខ្លួន ដើម្បីឡើងទៅប្រកួត នៅវគ្គ«ផ្ដាច់ព្រ័ត្រ» បន្ទាប់ពីបាន​យកឈ្នះ លើក្រុម អេស្ប៉ាញ ក្នុងការប្រកួតវគ្គ១/២ ដោយគ្រាប់បាល់កាត់សេចក្ដី ៤-២ ក្នុងយប់ថ្ងៃអង្គារនេះ នាកីឡដ្ឋាន«Wembley» រាជធានីឡុងដ៍ នៃចក្រភពអង់គ្លេស។

បើពិនិត្យពីសាច់បាល់ និងបច្ចេកទេសលេង ក្រុម អេស្ប៉ាញ បានបង្ហាញប្រៀប គ្របទៅលើក្រុមអ៊ីតាលី សឹងតែ​ទាំងស្រុង។ តែការមានប្រៀប មិនមានន័យថា ក្រុម អេស្ប៉ាញ មានឱកាសរកគ្រាប់បាល់ បានច្រើន និងមាន​ប្រសិទ្ធិភាព ជាងក្រុមអ៊ីតាលីនោះទេ។

ផ្ទុយទៅវិញ ក្រុម«La Roja (រហស្សនាមរបស់ក្រុមអេស្ប៉ាញ)» បានបើកឱកាសឲ្យក្រុមអ៊ីតាលី វាយឆ្មក់ត្រឡប់វិញម្ដងៗ រហូតត្រូវបានក្រុមនេះ រកគ្រាប់បាល់បានមួយគ្រាប់មុន (១-០) នៅនាទីទី៥៩ ដោយកីឡាករ«Federico Chiesa»។

នៅចំពោះការនាំមុខរបស់ក្រុមអ៊ីតាលី គ្រូបង្វឹក-ដឹកនាំរបស់ក្រុមអេស្ប៉ាញ លោក«Luis Enrique» ចាំបាច់ត្រូវប្ដូរយុទ្ធសាស្ត្រ និងធ្វើការប្ដូរកីឡាករ ដើម្បីបន្ថែមកម្លាំង ជាពិសេសកម្លាំងវាយសម្រុក ដែលធ្វើឲ្យក្រុមអេស្ប៉ាញ រកគ្រាប់បាល់ស្មើមកវិញ (១-១) នៅនាទីទី៨០ ដោយកីឡាករ «Morata»។

ការប្រកួតទៅវិញទៅមក នៅរក្សាលទ្ធផលស្មើ (១-១) ដដែល ទាំងក្នុងពេលប្រកួត៩០នាទី និងការបន្ថែមម៉ោង ១៥-១៥=៣០នាទី តម្រូវឲ្យ​ការប្រកួត ឈានដល់ដំណាក់កាលទាត់បាល់កាត់សេចក្ដី ម្ខាង៥គ្រាប់។ ក្នុង​ដំណាក់កាល​នេះ កីឡាករអេស្ប៉ាញពីរនាក់​មិនបានទាត់​បាល់បញ្ចូលទីក្រុមអ៊ីតាលីទេ ខណៈកីឡាករអ៊ីតាលី​តែម្នាក់​ប៉ុណ្ណោះ ដែលទាត់មិនចូលទីក្រុមអេស្ប៉ាញ។

ក្រុមអ៊ីតាលី ត្រូវរងចាំលទ្ធផល ដែលចេញពីការប្រកួត នៅយប់ថ្ងៃស្អែក រវាងក្រុមអង់គ្លេស និងក្រុមដាណឺម៉ាក ដើម្បី​ដឹងពីគូប្រកួតរបស់ខ្លួន។ ការប្រកួតវគ្គ«ផ្ដាច់ព្រ័ត្រ» នឹងត្រូវប្រព្រឹត្តិទៅ​ក្នុងកីឡដ្ឋាន«Wembley»ដដែល នៅយប់​ថ្ងៃអាទិត្យ​ខាងមុខ៕



លំអិតបន្ថែមទៀត

កីឡា និងបច្ចេកវិទ្យា

Euro Cup 2020៖ ស្វីស ទម្លាក់ បារាំង ម្ចាស់ពាន​ពិភពលោក​ឆ្នាំ២០១៨

ក្រុមជម្រើសជាតិ បារាំង ម្ចាស់ពាន​ពិភពលោក​ឆ្នាំ២០១៨ បាន«ហាលអាវ»ត្រឹមវគ្គ១/៨ ក្នុងការប្រកួតទល់នឹងក្រុម ស្វីស នាយប់ថ្ងៃចន្ទ ទី២៩ ខែមិថុនា ឆ្នាំ២០២១ ដោយគ្រាប់បាល់កាត់សេចក្ដី ៤-៥ បន្ទាប់ពីទទួលលទ្ធផលស្មើ ...
កីឡា និងបច្ចេកវិទ្យា

Euro Cup 2020៖ អេស្ប៉ាញ ឡើង១/២​ក្រោយឈ្នះ ស្វីស យ៉ាងពិបាក

ក្រុមជម្រើសជាតិរបស់ប្រទេស អេស្ប៉ាញ បានទទួលសំបុត្រ ឡើងទៅវគ្គ១/២ បន្ទាប់ពីបំបាក់ក្រុម ស្វីស ដោយ​គ្រាប់បាល់កាត់សេចក្ដី ៣-១ ក្នុងល្ងាចថ្ងៃសុក្រនេះ។ ជាការប្រកួតវគ្គ១/៤ (ឬហៅថាវគ្គ៨ក្រុម) នៃការដណ្ដើម​ពានអ៊ឺរ៉ុប ឆ្នាំ២០២០ ...
កីឡា និងបច្ចេកវិទ្យា

រ៉ូណាល់ដូ រកគ្រាប់បាល់​បាន១០៩​គ្រាប់ សម្រាប់ក្រុម​ជម្រើសជាតិ

សម្រាប់ក្រុម​ជម្រើសជាតិ កំពូលខ្សែប្រយុទ្ធជាតិព័រទុយហ្គាល់ កីឡាករ គ្រីស្យ៉ាណូ រ៉ូណាល់ដូ (Cristiano Ronaldo) បានក្លាយជាកីឡាករ ដែលរកគ្រាប់បាល់​បាន១០៩គ្រាប់ ស្មើកីឡាករ«Ali Daei» អតីត​ខ្សែប្រយុទ្ធ​ជាតិអៀរ៉ង់ ដែល​មុន​មកដល់ថ្ងៃនេះ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...