កំពូលខ្សែការពារជាតិអេស្ប៉ាញ កីឡាករ ស៊ែរជោ រ៉ាម៉ូស (Sergio Ramos) កំពុងត្រៀមចុះកិច្ចសន្យា លេងឲ្យក្រុម ប៉ារីស (Paris Saint-Germain) បន្ទាប់ពីបានព្រមព្រៀងគ្នារួចរាល់ ក្នុងរសៀលថ្ងៃចន្ទនេះ។ នេះ បើតាមសេចក្ដី​រាយការណ៍ របស់សារព័ត៌មានកីឡាបារាំង «L’Equipe» ដែលចេញផ្សាយ នៅមុននេះបន្តិច។

សារព័ត៌មានបានអះអាងថា កីឡាករដ៏ល្បី អាយុ៣៥ឆ្នាំ ដែលបានបញ្ចប់កិច្ចសន្យា ជាមួយក្រុមរៀលម៉ាឌ្រីដ (Real Madrid) កាលពីខែមិថុនា​កន្លងមកថ្មីៗ គ្រោងនឹងឆ្លងកាត់ការពិនិត្យសុខភាព នៅថ្ងៃអង្គារស្អែក មុននឹងចុះ​ហត្ថលេខា​​នៅលើកិច្ចសន្យា ជាមួយក្រុមបាល់ទាត់ នៃរដ្ឋធានីរបស់ប្រទេសបារាំង។

មកដល់ម៉ោងនេះ គេនៅមិនទាន់ដឹងថា កិច្ចសន្យាខាងលើ នឹងមានរយៈពេលប៉ុន្មានឆ្នាំទេ។ តែប្រព័ន្ធផ្សព្វផ្សាយ​បារាំងផ្សេងទៀត បានបង្ហើប​ឲ្យដឹងថា កីឡាករ ស៊ែរជោ រ៉ាម៉ូស នឹងទាត់ឲ្យក្រុម ប៉ារីស សម្រាប់រយៈពេល១ឆ្នាំ ហើយ​អាចបន្តបន្ថែម ១ឆ្នាំទៀត។

កីឡាករខ្លួនឯង ចង់បានកិច្ចសន្យា ដែលមានរយៈពេល២ឆ្នាំតែម្ដង តែក្រុមបាល់ទាត់​យក្សបារាំង មិនចង់បង្កើត​ហានិភ័យ​សម្រាប់ខ្លួន ដោយហេតុថា កីឡាករ ស៊ែរជោ រ៉ាម៉ូស មានវ័យរាងជ្រេបន្តិចហើយ និងបានរងរបួស​ជាច្រើន​ដង នៅពេលកីឡាករកំពុងទាត់​ឲ្យក្រុមរៀលម៉ាឌ្រីត​មួយឆ្នាំចុងក្រោយ៕



You may also like

កីឡា និងបច្ចេកវិទ្យា

តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ ...
កីឡា និងបច្ចេកវិទ្យា

អ្នកគាំទ្រ​ក្រុម PSG បង្ហាញ​សារ​«បណ្ដេញ»​កីឡាករ ណីម៉ា

«ណីម៉ា ចេញឲ្យបាត់ទៅ» នេះ ជាអ្វីដែលដែលគេអាចអានបាន នៅលើបដា ដែលបណ្ដាអ្នកគាំទ្រក្រុមបាល់ទាត់ បារីស (Paris Saint Germain – PSG) បានបង្ហាញ ...
កីឡា និងបច្ចេកវិទ្យា

អតីតគ្រូបង្វឹក​«Tuchel»​ចាកចេញ ជាមួយ​នឹងប្រាក់​​ពី៦​ទៅ៨លានអ៊ឺរ៉ូ

បើប្រព័ន្ធផ្សព្វផ្សាយ បានអះអាង​ពីការបណ្ដេញគ្រូបង្វឹកចេញ តាំងពីសប្ដាហ៍កន្លងទៅនោះ ក្រុមប៉ារីស (Paris Saint-Garmain – បារាំង) ទើបនឹងប្រកាសជាផ្លូវការ អំពីការចាកចេញនេះ នៅថ្ងៃអង្គារទី២៩ ខែធ្នូ ឆ្នាំ២០២០នេះប៉ុណ្ណោះ។ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...