លោក«Nasser al-Khelaïfi» នាយកក្រុម ប៉ារីស (Paris Saint-Germain – បារាំង) បានរងការជេរប្រមាថ ពីបណ្ដាអ្នកគាំទ្រក្រុម បាសឺឡូន (FC Barcelone – អេស្ប៉ាញ) នៅពេលលោកនិងក្រុមបាល់ទាត់ បានធ្វើដំណើរទៅដល់សណ្ឋាគារក្នុងក្រុង បាសឺឡូន ក្នុងរសៀលថ្ងៃចន្ទ ដើម្បីត្រៀមប្រកួតក្នុងវគ្គ១ភាគ៨ ជុំទីមួយ ក្របខណ្ឌ «Champions League»។

ការប្រកួតដ៏សំខាន់ នឹងប្រព្រឹត្តិទៅ​នៅម៉ោង២១ (ម៉ោងក្នុងប្រទេសអេស្ប៉ាញ) យប់ថ្ងៃអង្គារ ទី១៦ ខែកុម្ភៈ ឆ្នាំ២០២១​នេះ។

ប្រព័ន្ធផ្សព្វផ្សាយក្នុងប្រទេសអេស្ប៉ាញ បានថតពីហេតុការណ៍ជេរប្រមាថ នៅពេលលោក«Nasser al-Khelaïfi» ដើរចេញពីរថយន្ដ ដែលដឹកក្រុមកីឡាករ និងថ្នាក់ដឹកនាំរបស់ក្រុម ប៉ារីស ទៅដល់សណ្ឋាគារមួយ នៃក្រុង បាសឺឡូន។ បណ្ដាអ្នកគាំទ្រក្រុម បាសឺឡូន ដែលមានវត្តមានរប៉េះរប៉ោះ នៅទីនោះបាននាំគ្នាស្រែករំពងឡើង ដោយប្រើពាក្យជេរប្រមាថធ្ងន់ៗ ទៅលើលោក«នាយកក្រុម»បាល់ទាត់។

ពាក្យដែលគេស្ដាប់ឮ មានដូចជា «អាមេចោរ កុំប៉ះពាល់ ម៉េស៊ី (Lionel Messi) !» ឬ«កូនមីសំ… !» ជាដើម។

រឿងរ៉ាវ​បានកើតឡើង តាំងពីច្រើនសប្ដាហ៍មកហើយ ជុំវិញកំពូលខ្សែប្រយុទ្ធ កីឡាករ លីយ៉ូនែល ម៉េស៊ី របស់ក្រុម បាសឺឡូន។ នោះ គឺនាយកគ្រប់គ្រងផ្នែកកីឡា​របស់ក្រុម ប៉ារីស លោក ឡេអូណាដូ (Leonardo) បានផ្ដល់​កិច្ច​សម្ភាស​​ទៅឲ្យសារព័ត៌មាន​ក្នុងប្រទេសបារាំង ដោយអះអាងថា ក្រុម ប៉ារីស ត្រៀមយកកីឡាករ ម៉េស៊ី មកទាត់​ឲ្យខ្លួន។

បន្ថែមពីលើកិច្ចសម្ភាសខាងលើ ប្រព័ន្ធផ្សព្វផ្សាយជាច្រើនទៀត ក្នុងប្រទេសបារាំង នៅបានចេញផ្សាយ​របាយការណ៍ ជាបន្តបន្ទាប់ ដោយបង្ហាញ​​ការជឿជាក់ថា កីឡាករ ម៉េស៊ី នឹងជ្រើសរើស​យកក្រុម ប៉ារីស ប្រសិនជាកំពូល​ខ្សែប្រយុទ្ធ​រូបនេះ ចាកចេញពីក្រុម បាសឺឡូន។

កិច្ចសន្យារវាងកីឡាករម្ចាស់បាល់មាស់ ៦ជំនាន់ និងក្រុម បាសឺឡូន នឹងចប់នៅចុងរដូវកាលខាងមុខ (ខែមិថុនា ឆ្នាំ​២០២១)។ មកដល់ម៉ោងនេះ នៅមិនទាន់មានដំណឹងថា កំពូលខ្សែប្រយុទ្ធរូបនេះ នឹងបន្តកិច្ចសន្យារបស់ខ្លួន ជាមួយ​ក្រុមអ្នកមានបុណ្យ ដែលខ្លួនបានទាត់ឲ្យ តាំងពីឆ្នាំ២០០៤ មកនេះនៅឡើយ។

ការលើកឡើង​ប៉ះពាល់ដល់កីឡាករ ម៉េស៊ី ដែលត្រូវបានក្រុម បាសឺឡូន និងអ្នកគាំទ្រ ចាត់ទុកដូចជា​«ព្រះរស់» មិនបាន​ធ្វើឲ្យពួកគេ​​សប្បាយចិត្ត​សូម្បីបន្តិច។ ម្ដងហើយម្ដងទៀត ក្រុម បាសឺឡូន ក៏ដូចជាប្រព័ន្ធផ្សព្វផ្សាយ​ដែលស្និត​នឹងក្រុមបាល់ទាត់ បានប្រតិកម្ម​តបវិញថា ការទម្លាយរឿងរ៉ាវខាងលើ ជា«យុទ្ធសាស្ត្រ»របស់ក្រុម ប៉ារីស ក្នុងសង្គ្រាម​«ចិត្តសាស្ត្រ»មួយ នៅមុនការប្រកួត វគ្គ១ភាគ៨ ជុំទីមួយនេះ​មកដល់៕



លំអិតបន្ថែមទៀត

កីឡា និងបច្ចេកវិទ្យា

ស្លាតាន អ៊ីប្រាហ៊ីម៉ូវិច រកបានគ្រាប់បាល់​«ទី៥០០»​ជាមួយក្រុមអាជីព

កំពូលខ្សែប្រយុទ្ធខ្ញីចាស់ របស់ក្រុមមីឡង (AC Milan – អ៊ីតាលី) កីឡាករ ស្លាតាន អ៊ីប្រាហ៊ីម៉ូវិច (Zlatan Ibrahimovic) បានរកបាន​គ្រាប់បាល់​«ទី៥០០»​របស់ខ្លួន នៅថ្ងៃអាទិត្យទី៧ ...
កីឡា និងបច្ចេកវិទ្យា

រ៉ូណាល់ដូ នឹងនៅ​ជាមួយ​ក្រុម​សេះបង្កង់ ១០០០% នៅ​រដូវកាល​ក្រោយ

បន្ទាប់ពីលើកពានដំបូង ជាជើងឯកនៃប្រទេសអ៊ីតាលី (ក្របខណ្ឌទាត់វិលជុំបូកពិន្ទុ) ជាក្រុមជូវេនទូស (Juventus Turin – អ៊ីតាលី) ក្នុងយប់ថ្ងៃ២០ ខែមេសានេះ កំពូលខ្សែប្រយុទ្ធជាតិព័រទុយហ្គាល់ បានចេញមុខមកអះអាងថា ខ្លួននឹងបន្តនៅទាត់ឲ្យក្រុមសេះបង្កង់ ...
កីឡា និងបច្ចេកវិទ្យា

Super Cup៖ ប៊ីលបៅ លើកពាន​បន្ទាប់ពី​បំបាក់ បាសា និង ម៉េស៊ី

រដូវកាលនេះ ពាន«Super Cup»​របស់ប្រទេសអេស្ប៉ាញ បានធ្លាក់ទៅក្នុងដៃ របស់ក្រុម អាត្លេទិក-ប៊ីលបៅ (Athletic Bilbao) បន្ទាប់ពីក្រុមនេះ បានប្រកួត​យកឈ្នះក្រុម បាសឺឡូន (Barcelone) នៅក្នុងការបន្ថែម​ម៉ោង ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

កីឡា និងបច្ចេកវិទ្យា

បាល់ទាត់ពិភពលោក​២០២២៖ ម៉ាក្រុង លួង អឹមបាពេ ដូចម្ដេចខ្លះ?

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានចូលក្នុងទីលានប្រកួត ដើម្បីជាឱកាសទៅលើកទឹកចិត្ត​កីឡាករបារាំង គីលីយ៉ាន អឹមបាពេ (Kylian Mbappé) ដែលកំពុងខកចិត្តខ្លាំង ...
កីឡា និងបច្ចេកវិទ្យា

បាល់ទាត់ពិភពលោក​២០២២៖ អាហ្សង់ទីន លើកពាន​ជាលើកទី៣

ក្រុមអាហ្សង់ទីន បានសម្រេចក្នុងប្រវត្តិបាល់ទាត់របស់ខ្លួន លើកពាន​ជាលើកទី៣ បន្ទាប់ពីបានប្រកួតឈ្នះ​ក្រុមមាន់គកបារាំង ដោយគ្រាប់បាល់កាត់សេចក្ដី ៤-២ ក្នុងការប្រកួតផ្ដាច់ព្រ័ត្រ យប់ថ្ងៃអាទិត្យទី១៨ ខែធ្នូ នៃព្រឹត្តិការណ៍បាល់ទាត់ពិភពលោក ក្នុងប្រទេសកាតា ឆ្នាំ២០២២។ នៅក្នុងការប្រកួតដ៏ប្ដូរផ្ដាច់ ...