កីឡា និងបច្ចេកវិទ្យាបាល់ទាត់

សំដី​ចុងក្រោយ​«ដ៏រន្ធត់»​របស់​កីឡាករ សាឡា ខ្សែប្រយុទ្ធ​ថ្មី​របស់ក្រុម កាឌីហ្វ

នៅខណៈពេលកីឡាករ បានចូលក្នុងយន្ដហោះ តែយន្ដហោះនៅមិនទាន់ហោះ ងើបខ្លួននៅឡើយ កីឡាករ អេមីល្យាណូ សាឡា (Emiliano Sala) បានបញ្ជូនសារ​ជាសម្លេង​«ដ៏រន្ធត់»​មួយ ទៅឲ្យមនុស្សជិតដិតរបស់ខ្លួន តាមរយៈប្រព័ន្ធផ្ញើរសារ «WhatsApp»។

នៅក្នុងសម្លេងនោះ កីឡាករខ្សែប្រយុទ្ធអាយុ២៨ឆ្នាំ មិនត្រឹមបានរៀបរាប់ ពីស្ថានភាពដ៏អាក្រក់ របស់យន្ដហោះ ដែលខ្លួនកំពុងជិះប៉ុណ្ណោះទេ តែហាក់ដូចដឹងមុន ពីគ្រោះថ្នាក់ដែលអាចកើតឡើង ចំពោះខ្លួន។

សារជាសម្លេងនោះ ត្រូវបានផ្សព្វផ្សាយ កាលពីប៉ុន្មានម៉ោងមុន ដោយសារព័ត៌មាន «Olé» នៃប្រទេសអាហ្សង់ទីន (កីឡាករ សាឡា មានសញ្ជាតិអាហ្សង់ទីន)។ ទស្សនាវដ្ដី មនោរម្យ.អាំងហ្វូ សូមបកប្រែជូនទាំងស្រុង នូវសំដីចុងក្រោយ «ដ៏រន្ធត់» នោះដូចខាងក្រោម៖

«សួស្តី អាប្អូនៗទាំងអស់គ្នា។ សុខសប្បាយជាទេ? ចំពោះខ្ញុំវិញ ខ្ញុំអស់កម្លាំង ជិតដួលហើយ។ មុននេះ ខ្ញុំមកក្រុង ណង់ (Nantes – ភាគខាងលិចបារាំង) ដើម្បីធ្វើការងារជាច្រើន ការងារនេះ ការងារនោះ… គឺជាការងារដែលមិនចេះចប់ មិនចេះហើយ។»

«ពេលនេះ ខ្ញុំនៅក្នុងយន្ដហោះ ដែលមើលទៅ ដូចជាធ្លាក់ខ្ចៅខ្យង អស់រលីងអញ្ចឹង។ ឥឡូវនេះ ខ្ញុំចេញដំណើរ​ទៅក្រុង កាឌីហ្វ (ភាគខាងលិចអង់គ្លេស) ជារឿងអស្ចារ្យណាស់ ហើយស្អែក [ការហ្វឹកហាត់] នឹងចាប់ផ្ដើម។ នៅពេលរសៀល ខ្ញុំនឹងចាប់ផ្ដើមហាត់ ជាមួយមិត្តរួមក្រុមថ្មី។ ចាំមើលសិន តើនឹងមានដំណើរការយ៉ាងណា

«ចុះ អាប្អូនៗទាំងអស់គ្នាវិញ សុខសប្បាយគ្រប់យ៉ាងឬ? បើសិនជាអ្នកឯង មិនមានដំណឹងពីខ្ញុំ ក្នុងរយៈពេល ១ម៉ោងកន្លះខាងមុខនេះទេ ខ្ញុំមិនដឹងទេថា តើគេនឹងបញ្ជូននរណាម្នាក់ ឲ្យមករកខ្ញុំ ព្រោះគេមិនអាចរកខ្ញុំឃើញទេ ប៉ុន្តែអ្នកឯងទាំងអស់គ្នា បានដឹង [ថាខ្ញុំនៅទីណា]… ដូចជាយ៉ាងម៉េចទេ ខ្ញុំចេះតែភ័យៗ!»

កីឡាករទើបនឹងចុះហត្ថលេខា លេងឲ្យក្រុម កាឌីហ្វស៊ីធី (Cardiff City – អង់គ្លេស) កាលពីសប្ដាហ៍មុន បន្ទាប់ពីនៅលេងឲ្យក្រុម ណង់ (Fc Nantes – បារាំង) អស់រយៈពេល ជាច្រើនរដូវកាលមក។ 

ដូចកីឡាករ បានថ្លែងនៅក្នុងសារ ជាសម្លេងខាងលើ នៅយប់ថ្ងៃចន្ទ ទី២១ ខែមករា ឆ្នាំ២០១៩ កីឡាករបានចាកចេញ ពីក្រុង ណង់ តាមយន្ដហោះឯកជនមួយ ឆ្ពោះទៅកាន់ក្រុង កាឌីហ្វ។

ប៉ុន្តែជាអកុសល យន្ដហោះប្រភេទ «The Piper Malibu» បានបាត់ដំណឹងសូន្យឈឹង នៅកណ្ដាលសមុទ្រ ម៉ង់ ដែលស្ថិតនៅរវាងប្រទេសបារាំង និងអង់គ្លេស។ មកដល់ម៉ោងនេះ ក្ដីសង្ឃឹមក្នុងការរកឃើញយន្ដហោះ ហាក់មានកាន់តែតិចទៅៗ៕



លំអិតបន្ថែមទៀត

កម្រមាន

ប្រឌិតរឿងប្លន់យន្ដហោះ ព្រោះ​«ស្នេហ៍​អូន»… ឥឡូវជាប់គុកមួយជីវិត!

នៅប្រទេសឥណ្ឌា បុរសអ្នកមានប្រាក់ម្នាក់ ត្រូវបានតុលាការផ្ដន្ទាទោស ឲ្យបន្តរស់នៅក្នុងពន្ធនាគារ រហូតដល់ថ្ងៃស្លាប់។ បុរសអាយុ៣៨ឆ្នាំ ដែលជាអ្នកជំនួញខាងត្បូងពេជ្រ ត្រូវបានតុលាការរកឃើញថា ជាអ្នកទទួលខុសត្រូវ ក្នុងការប្រកាសអាសន្នមិនពិតមួយ ដែលថាមានចោរប្លន់យន្ដហោះ។ ទង្វើនេះ ធ្វើឡើងព្រោះមូលហេតុ«ស្នេហ៍​អូន»។ ...
ដំណឹង

«Boeing 737 MAX»​មួយបង្ខំចិត្ត​ចុះចត ព្រោះបញ្ហា​ម៉ាស៊ីនប្រតិកម្ម

ព្រោះបញ្ហា​ម៉ាស៊ីនប្រតិកម្ម យន្ដហោះមួយគ្រឿង ប្រភេទ«Boeing 737-8 MAX» របស់ក្រុមហ៊ុន​«Air Canada» បានបង្ខំចិត្ត​ប្ដូរផ្លូវហោះហើរ និងចុះចតនៅព្រលានយន្ដហោះ​ក្រុង «Tucson» រដ្ឋ«Arizona» សហរដ្ឋអាមេរិក។ នេះ ...
ដំណឹង

នៅរស់​យ៉ាងហោច​២នាក់ ក្នុងការធ្លាក់​យន្ដហោះ​ដឹក​អ្នកដំណើរ​​នៅ​ប៉ាគីស្ដង់

អ្នកដំណើរ«នៅរស់​យ៉ាងហោច​២នាក់» ពីក្នុងហេតុការណ៍ធ្លាក់យន្ដហោះ «AirBus» កាលពីរសៀលថ្ងៃសុក្រ ទី២២ ខែឧសភាម្សិលម៉ិញ ក្នុងសង្កាត់លំនៅដ្ឋាន នៃក្រុងការ៉ាឈី (Karachi) ភាគខាងត្បូង នៃប្រទេសប៉ាគីស្ដង់។ របាយការណ៍ជំហានដំបូង បានអះអាងថា ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.