ច្បាប់មួយ ដែលអនុញ្ញាត​ឲ្យមាន​«អភ័យឯកសិទ្ធិ» ដើម្បី«ការពារ​អតីតប្រធានាធិបតី​​មួយជីវិត» ទើបនឹងត្រូវបានដាក់ ឲ្យចូលជាធរមាន នៅក្នុងប្រទេសរ៉ុស្ស៊ី បន្ទាប់ពីលោកប្រធានាធិបតី វ្លាឌីមៀ ពូទីន (Vladimir Poutine) បានចុះហត្ថលេខារួច ក្នុងថ្ងៃអង្គារទី២២ ខែធ្នូនេះ។

បើតាមច្បាប់នោះ «អភ័យឯកសិទ្ធិ»របស់ប្រធានាធិបតី នៅក្នុងប្រទេសរ៉ុស្ស៊ី មិនមែនមានត្រឹមតែ ក្នុងអាណត្តិនៃការកាន់តំណែងប៉ុណ្ណោះទេ តែច្បាប់ដ៏ពិសេស បានចែងបន្ថែមថា អតីតប្រធានាធិបតីមួយរូប របស់ប្រទេសរ៉ុស្ស៊ី មិនអាចត្រូវចោទប្រកាន់ តាមផ្លូវព្រហ្មទណ្ឌ ឬផ្លូវរដ្ឋបាលបានឡើយ ហើយក៏មិនអាចត្រូវឃាត់ខ្លួន សួរចម្លើយ ឬឆែកឆេរលំនៅដ្ឋាននោះដែរ។

ច្បាប់ថ្មីនេះ ជាផ្នែកមួយ នៃការធ្វើវិសោធនកម្ម​រដ្ឋធម្មនុញ្ញ របស់ប្រទេសរ៉ុស្ស៊ី ដែលធ្វើឡើង កាលពីរដូវក្ដៅកន្លងមក ដើម្បីអនុញ្ញាត​ឲ្យលោក ពូទីន បន្តនៅក្នុងអំណាច រហូតដល់ឆ្នាំ ២០៣៦។ ច្បាប់ដដែល បានកំណត់ថា ប្រធានាធិបតីរ៉ុស្ស៊ី ដែលផុតអាណត្តិ មាន«អភ័យឯកសិទ្ធិ» ដោយហេតុថា អតីតប្រធានាធិបតីរូបនោះ នឹងបន្តអង្គុយ នៅលើអសនៈមួយក្នុងរដ្ឋសភា។

តែអតីតប្រធានាធិបតី ក៏អាចបាត់បង់«អភ័យឯកសិទ្ធិ»របស់ខ្លួនដែរ ក្រោមលក្ខខណ្ឌមួយចំនួន ដូចខាងក្រោម៖

  • រងការចោទប្រកាន់ ពីបទក្បត់ជាតិ ឬបទល្មើសធ្ងន់ធ្ងរផ្សេងទៀត
  • បទចោទទាំងនោះ ត្រូវបានបញ្ជាក់ ដោយតុលាការកំពូល និងតុលាការធម្មនុញ្ញ
  • រួចត្រូវអនុម័ត ដោយសម្លេង២ភាគ៣ នៃសមាជិកសភាទាំងអស់។

កាលពីខែវិច្ឆិកាកន្លងមក ការបង្កើត និងការធ្វើវិសោធនកម្មច្បាប់ទាំងអស់ខាងលើ បានបង្កឲ្យមានពាក្យចចាមអារាមជាច្រើន ដែលអាចឲ្យគេគិតថា លោក ពូទីន នឹងដកខ្លួនចេញ ពីឆាកនយោបាយ ដោយមូលហេតុសុខភាព​របស់លោក។ តែពាក្យចចាមអារាម​ទាំងនោះ ត្រូវបានវិមានក្រឹមឡាំងច្រានចោល៕



លំអិតបន្ថែមទៀត

ដំណឹង

មែរគែល ថា​មាន​ភស្តុតាង​អំពី​ការលួច​ទិន្នន័យ ដោយ​«ចោរ​បច្ចេកវិទ្យា»​​រ៉ុស្ស៊ី

ក្នុងថ្ងៃពុធនេះ អធិការបតីអាល្លឺម៉ង់ អ្នកស្រី អង់ជឺឡា មែរគែល (Angela Merkel) បាន​អះអាងថា អ្នកស្រីមាន​ភស្តុតាង អំពីការប៉ុនប៉ង​លួចទិន្នន័យ «ដ៏អាស្រូវ» ដោយ​ក្រុម​«ចោរ​បច្ចេកវិទ្យា» នៃប្រទេសរ៉ុស្ស៊ី។ ...
ដំណឹង

Covid-19៖ នៅរុស្ស៊ី រកឃើញ​ករណីឆ្លង​ជិត​១ម៉ឺននាក់ ត្រឹមតែ​១ថ្ងៃ

ប្រទេសរុស្ស៊ី បានរកឃើញករណីឆ្លងជំងឺ «Covid-19» មានចំនួន ៩ ៧០៩នាក់ ត្រឹមតែ​១ថ្ងៃ ខណៈអ្នកជំងឺស្លាប់ មានចំនួន ៩៤នាក់ ដែលជាចំនួនដ៏ច្រើន ជាលើកទី៣ ក្នុងរយៈពេល ...
កំសាន្ដ

វ្លាឌីមៀ ពូទីន ចុះងូតទឹកកក ដែលមាន​សីតុណ្ហភាព -២០ដឺក្រេ

ចុះងូតទឹកកក ដែលមានសីតុណ្ហភាព -២០ដឺក្រេ តើអាចទៅរួចឬទេ? ក្នុងថ្ងៃអង្គារទី១៩ ខែមករានេះ លោក វ្លាឌីមៀ ពូទីន (Vladimir Poutine) ប្រធានាធិបតីនៃប្រទេសរ៉ុស្ស៊ី បានចុះងូតទឹកកក ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...