ប្រធានាធិបតីអាមេរិក លោក ចូ បៃដិន (Joe Biden) នឹងចូលរួមជំនួបកំពូល រវាងអង្គការ«NATO»និងសហភាពអ៊ឺរ៉ុប«EU» ដែលនឹងប្រព្រឹត្តិទៅ នៅថ្ងៃទី២៤ ខែមីនាខាងមុខ ក្នុងរាជធានីព្រុចសែល ប្រទេសប៊ែលហ្សិក ដើម្បីបញ្ជាក់ជាថ្មីទៀត អំពី«ការប្ដេជ្ញាចិត្ត ដោយមិនរាថយ» ពីសំណាក់សហរដ្ឋអាមេរិក ចំពោះសម្ព័ន្ធមិត្តរបស់ខ្លួន។ នេះបើតាមការអះអាង របស់អ្នកនាំពាក្យសេតវិមាន អ្នកស្រី «Jen Psaki» នៅក្នុងសន្និសីទសារព័ត៌មានប្រចាំថ្ងៃ។

ជំនួបកំពូលនោះ ត្រូវបានកោះធ្វើជាលក្ខណៈបន្ទាន់ ដោយអគ្គលេខាធិការរបស់អង្គការ «NATO» លោក «Jens Stoltenberg» នៅក្នុងបរិបទនៃសង្គ្រាមឈ្លានពានប្រទេសអ៊ុយក្រែន ពីសំណាក់កងទ័ពរ៉ុស្ស៊ី ដែលបានធ្វើចូលមកដល់ថ្ងៃទី២១ ហើយ មកទល់នឹងថ្ងៃពុធនេះ។

សម្រាប់លោកអគ្គលេខាធិការ បានឲ្យដឹងទៀតថា ជំនួបរវាងមេដឹកនាំ មកពីបណ្ដាប្រទេសជាសមាជិកអង្គការ«NATO» និងសហភាពអ៊ឺរ៉ុប នឹង«បញ្ជាក់ឲ្យច្បាស់» អំពី​«ការគាំទ្រយ៉ាងពេញទំហឹង ចំពោះប្រទេសអ៊ុយក្រែន» និងដើម្បីស្វែងរកដំណោះស្រាយ ជុំវិញ«ការពង្រឹងកម្លាំងនុយក្លេអ៊ែរ និងប្រព័ន្ធការពារសន្តិសុខ​របស់អង្គការ “NATO” ដើម្បីប្រឈមនឹងសភាពការណ៍ថ្មីៗ»។

អ្នកស្រី «Jen Psaki»  បានបន្ថែមថា ក្នុងថ្ងៃទី២៤ ខែមីនាដដែលនោះ ប្រធានាធិបតីអាមេរិកគ្រោងចូលរួម​ក្នុងកិច្ចប្រជុំរវាងប្រមុខរដ្ឋ និងរដ្ឋាភិបាល នៃសហភាពអ៊ឺរ៉ុប ដែលនឹងធ្វើឡើង មានគោលបំណងដើម្បីកិច្ចប្រឹងប្រែង ក្នុងការដាក់ទណ្ឌកម្មទៅលើសេដ្ឋកិច្ច របស់ប្រទេសរ៉ុស្ស៊ី ក៏ដូចជាផ្ដល់នូវជំនួយមនុស្សធម៌ ទៅដល់ជនរងរងគ្រោះ ដោយសារសង្គ្រាម៕



លំអិតបន្ថែមទៀត

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ការថ្លែងជាថ្មី របស់លោក វ្លាឌីមៀរ ពូទីន (Vladimir Poutine) ប្រធានាធិបតីរ៉ុស្ស៊ី បង្ហាញពី«ក្ដី​អស់សង្ឃឹម​របស់គាត់» នៅក្នុងសង្គ្រាមឈ្លានពានប្រទេសអ៊ុយក្រែន ដែលបានប្រព្រឹត្តិទៅ អស់ជាង៦ខែកន្លងមកហើយ។ នេះ ជាប្រតិកម្មខ្លាំងៗរបស់មេដឹកនាំសហភាពអ៊ឺរ៉ុប ...
ដំណឹង

ហ្វាំងឡង់ ប្រកាសចូលអង្គការ«NATO»​ដោយ​«មិនបង្អង់ពេល»

នេះ ជាផលវិបាកមួយទៀត ដែលទំនងជារដ្ឋាភិបាលរ៉ុស្ស៊ី របស់លោក វ្លាឌីមៀរ ពូទីន (Vladimir Poutine) មិនបានគិតដល់ នៅមុនសម្រេចលើកទ័ព វាយឈ្លានពានចូលក្នុងប្រទេសអ៊ុយក្រែន កាលពីថ្ងៃទី២៤ ខែកុម្ភៈ។ ...
ដំណឹង

នៅរុស្ស៊ី ទារកម្នាក់​កើតមក មានផ្ទុក​មេរោគ «Covid-19»

ទារកមួយរូប ត្រូវបានរកឃើញថា មានផ្ទុក​មេរោគ «Covid-19» បន្ទាប់ពីទារករូបនោះ បានចាប់កំណើត ពីផ្ទៃផ្ដាយ ដែលបានឈឺ​ជំងឺនេះ​រួចហើយ។ នេះ បើការអះអាង​របស់​អាជ្ញាធរ​សុខាភិបាល​តំបន់ នៃប្រទេសរុស្ស៊ី កាលពីថ្ងៃអាទិត្យ។ ករណីឆ្លងពីម្ដាយ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...