ដំណឹងពិភពលោក

មន្ត្រី​«អនុព័ន្ធ​យោធា​​វេណេស៊ុយអេឡា»​នៅ​អាមេរិក ​ឈប់​ទទួល​ស្គាល់ ម៉ាឌូរ៉ូ

ប្រធានការិយាល័យ «អនុព័ន្ធ​យោធា​​វេណេស៊ុយអេឡា» អមស្ថានទូត​នៃប្រទេសនេះ ប្រចាំក្នុងរដ្ឋធានី វ៉ាស៊ីតោន (សហរដ្ឋអាមេរិក) លោកវរសេនីយ៍ ចូហ្សេ ល្វីស៍ ស៊ីលវ៉ា (José Luis Silva) បានប្រកាសនៅថ្ងៃសៅរ៍នេះ ឈប់ទទួលស្គាល់លោក នីកូឡឆ ម៉ាឌូរ៉ូ (Nicolas Maduro) ជាប្រធានាធិបតីស្របច្បាប់ នៃប្រទេសខ្លួនតទៅទៀត។

មន្ត្រី​យោធារូបនេះ ថែមទាំងបានអំពាវនាវ ទៅកាន់មិត្តរួមអាវុធដទៃទៀត ឲ្យងាកមកគាំទ្រ​មេដឹកនាំប្រឆាំង ដែលប្រកាសខ្លួនឯង ជាប្រធានាធិបតីស្ដីទី កាលពីប៉ុន្មានថ្ងៃមុន។ 

ស្រង់សំដីដោយទីភ្នាក់ងារព័ត៌មានបារាំង «AFP» លោក ចូហ្សេ ល្វីស៍ ស៊ីលវ៉ា បានឲ្យដឹងថា៖

«ការិយាល័យសហព័ន្ធយោធា ឈប់ទទួលស្គាល់លោក នីកូឡា ម៉ាឌូរ៉ូ ជាប្រធានាធិបតី ដោយចាត់ទុកបុរសម្នាក់នេះ ជាជនប្លន់អំណាច ហើយសូមប្រកាសទទួលស្គាល់លោក រ៉ន់ ហ្គេឌូ (Juan Guaido) ជាប្រធានាធិបតីស្ដីទីស្របច្បាប់។» 

«ជំហរនេះ ស្របជាមួយនឹងរដ្ឋធម្មនុញ្ញ និងច្បាប់ទាំងឡាយ របស់ប្រទេសវេណេស៊ុយអេឡា ហើយខ្ញុំសូមអំពាវនាវ ទៅកាន់មិត្តរួមអាវុធទាំងអស់ ឲ្យរួមរួមគ្នាដើម្បីគាំទ្រលោក ហ្គេឌូ។»

មន្ត្រី«អនុព័ន្ធ​យោធា​​វេណេស៊ុយអេឡា»ដដែល បានបញ្ជាក់ទៀតថា៖

«យើងទាំងអស់គ្នា មានការទទួលខុសត្រូវ ក្នុងនាមជាស្ថាប័នរដ្ឋ ដើម្បីគាំទ្រលោក ហ្គេឌូ ព្រោះវាជាដំណោះស្រាយតែមួយ។»

លោក ស៊ីលវ៉ា បានបញ្ជាក់ថា ដំណើរការខាងលើ នឹងនាំទៅដល់ការផ្លាស់ប្ដូរមួយ នៅក្នុងប្រទេសវេណេស៊ុយអេឡា តែលោកទទួលស្គាល់ថា សម្រាប់ដំណាក់កាលនេះ អ្វីៗ​ទើបតែចាប់ផ្ដើម​នៅឡើយ។ លោកបានបញ្ជាក់ទៀតថា លោកបានរាយការណ៍ ពីការសម្រេចរបស់លោក ទៅបញ្ជាការដ្ឋាន ក្នុងរដ្ឋធានី ការ៉ាកាស រួចហើយ។

លោកថា៖

«ខ្ញុំបាននិយាយ ជាមួយថ្នាក់លើ ហើយពួកគាត់ដឹងថា ខ្ញុំមិនយល់ស្របទេ ជាមួយអ្វី​ដែលលកំពុង​កើតឡើង ពីការប្លន់អំណាច ការជាន់ឈ្លីលើពលរដ្ឋ និងស្ថានភាពដ៏ក្រីក្រតោកយ៉ាក នៅក្នុងប្រទេសមួយ ដែលសម្បូរដោយធនធានមនុស្ស និងសម្បត្តិធម្មជាតិ ដូចយ៉ាងប្រទេស វេណេស៊ុយអេឡា នេះ។»

លោកបង្ហើបឲ្យដឹងដែរថា លោកបានជួបជជែក កាលពីព្រឹកថ្ងៃសៅរ៍ ជាមួយលោក រ៉ន់ ហ្គេឌូ និងអះអាងថា លោកបានត្រៀមខ្លួនរួចហើយ ក្នុងការអនុវត្តបញ្ជាពីប្រធានាធិបតីស្ដីទី ដើម្បីធ្វើការងារ សម្រាប់ប្រទេសវេណេស៊ុយអេឡា៕



លំអិតបន្ថែមទៀត

ដំណឹង

ម៉ាឌូរ៉ូ៖ គ្មាននរណាម្នាក់​អាច«ដាក់ឱសានវាទ»​ឲ្យយើងទេ

ប្រធានាធិបតីក្នុងតំណែង នៃប្រទេសវេណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro) បានច្រានចោលការ«ដាក់ឱសានវាទ» របស់បណ្ដាប្រទេសសំខាន់ៗ​ជាច្រើន នៃសហភាពអ៊ឺរ៉ុប ដែលបានកំណត់កាលពីសប្ដាហ៍មុន ឲ្យរយៈពេល៨ថ្ងៃ សម្រាប់លោកប្រកាស​រៀបចំការបោះឆ្នោតឡើងវិញ។ ...
ដំណឹង

EU តម្លើងសំលេងខ្លាំងៗដាក់ នីកូឡា ម៉ាឌូរ៉ូ បើហ៊ានចាប់ខ្លួន រ៉ន់ ហ្គេដូ

សហភាពអ៊ឺរ៉ុបបានព្រមានរដ្ឋាភិបាលរបស់លោក នីកូឡា ម៉ាឌូរ៉ូ (Nicolas Maduro) នៅថ្ងៃសៅរ៍ទី២ ខែមិនា ឆ្នាំ២០១៩ម្សិលម៉ិញថា បើមានការចាប់ខ្លួនលោក រ៉ន់ ហ្គេដូ (Juan Guaido) ...
ដំណឹង

ត្រាំ ថារដ្ឋបាលអាមេរិកមិន​ពាក់ព័ន្ធ​នឹង​«ការឈ្លានពាន»​នៅ​វេណេស៊ុយអេឡា

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាង ក្នុងថ្ងៃអង្គារនេះថា រដ្ឋាភិបាល​​របស់លោក មិនជាប់ពាក់ព័ន្ធនឹង«ការឈ្លានពាន» ឬ«ការប៉ុនប៉ងឈ្លានពាន»​ណាមួយ តាមផ្លូវសមុទ្រ នៅប្រទេស​វេណេហ្ស៊ុយអេឡានោះទេ។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

ព្រះអង្គម្ចាស់ ហ្វីលីព ស្វាមី​ព្រះមហាក្សត្រីយានី​អង់គ្លេស បានសោយទីវង្គត

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...