ដំណឹងពិភពលោក

EU តម្លើងសំលេងខ្លាំងៗដាក់ នីកូឡា ម៉ាឌូរ៉ូ បើហ៊ានចាប់ខ្លួន រ៉ន់ ហ្គេដូ

សហភាពអ៊ឺរ៉ុបបានព្រមានរដ្ឋាភិបាលរបស់លោក នីកូឡា ម៉ាឌូរ៉ូ (Nicolas Maduro) នៅថ្ងៃសៅរ៍ទី២ ខែមិនា ឆ្នាំ២០១៩ម្សិលម៉ិញថា បើមានការចាប់ខ្លួនលោក រ៉ន់ ហ្គេដូ (Juan Guaido) ក្នុងពេលវិលត្រឡប់របស់មេដឹកនាំប្រឆាំងរូបនេះ ចូលប្រទេសវិញនោះ ប្រទេសវេណេស៊ុយអេឡានឹងទទួលផលវិបាកធ្ងន់ធ្ងរ ទាំងនៅក្នុងប្រទេស និងទាំងនៅលើឆាកអន្តរជាតិ។

អ្នកស្រី ហ្វេឌឺរីកា មូហ្គេរីនី (Federica Mogherini) តំណាងជាន់ខ្ពស់​នៃសហភាព​អ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខ បានថ្លែងក្នុងនាមប្រទេសជាសមាជិក នៃសហភាពអ៊ឺរ៉ុបថា៖

«វិធានការទាំងឡាយណា ដែលបង្កគ្រោះថ្នាក់ដល់សេរីភាព សន្តិសុខសុវត្ថិភាព និងសុច្ចរិតភាពរបស់លោក រ៉ន់ ហ្គេដូ នឹងធ្វើឲ្យផ្ទុះឡើង នូវភាពតានតឹងដ៏ធ្ងន់ធ្ងរ និងទទួលបានមកវិញ នូវការថ្កោលទោសដ៏ម៉ឺងម៉ាត់ ពីសហគមន៍អន្តរជាតិ។»

ប្រមុខការទូតអ៊ឺរ៉ុបរូបនេះ បានបន្តឲ្យដឹងទៀតថា៖

«សមាជិករដ្ឋសភាមានអភ័យឯកសិទ្ធិសភា ដូចមានចែងក្នុងរដ្ឋធម្មនុញ្ញ ដែលចាំបាច់ត្រូវគោរព​ឲ្យបានពេញលេញ។»

លោក រ៉ន់ ហ្គេដូ ដែលបានប្រកាសខ្លួន ជាប្រធានាធិបតីស្ដីទី នៃប្រទេសវេណេស៊ុយអេឡា គ្រោងនឹងវិលចូលប្រទេសវិញ ក្នុងថ្ងៃចន្ទនេះ បន្ទាប់បានធ្វើទស្សនកិច្ចនៅក្នុងច្រើនប្រទេស នៃទ្វីបអាមេរិកឡាទីន។

មេដឹកនាំប្រឆាំងដ៏មានប្រជាប្រិយភាពរូបនេះ ត្រូវបានទទួលរាក់ទាក់ ប្រៀបដូចជាប្រមុខរដ្ឋមួយរូប ដោយប្រទេសទាំងនោះ រួមមានប្រទេសកូឡំប៊ី ប្រ៊េស៊ីល ប៉ារ៉ាហ្គាយ អាហ្សង់ទីន និងប្រទេសអេក្វាទ័រ។

ប៉ុន្តែការវិលត្រឡប់ចូលប្រទេសវិញនេះ នឹងអនុញ្ញាតឲ្យលោក នីកូឡា ម៉ាឌូរ៉ូ ប្រធានាធិបតី​ក្នុងតំណែង ធ្វើការចាប់ខ្លួន​លោក រ៉ន់ ហ្គេដូ ដែលអាចបង្ក​ឲ្យមានប្រតិកម្មខ្លាំងក្លា ពីអន្តរជាតិ។

យ៉ាងណា នៅចំពោះការគម្រាមចាប់ខ្លួននោះ លោក រ៉ន់ ហ្គេដូ នៅតែបង្ហាញជំហរ​វិលត្រឡប់​ចូលមាតុភូមិវិញ ដើម្បីបន្តសកម្មភាពនយោបាយ និងដឹកនាំ​«រដ្ឋាភិបាល​អន្តរកាល រហូតដល់​មានការបោះឆ្នោត​ដោយសេរី» ដូចលោកបានអះអាង នៅពេលកន្លងមក។

សម្រាប់សហភាពអ៊ឺរ៉ុប បានអះអាងពីជំហររបស់ខ្លួនថា អ៊ឺរ៉ុបចង់ឲ្យមានដំណោះស្រាយនយោបាយ សម្រាប់វិបត្តិនៅវេណេស៊ុយអេឡា ក្រោមទម្រង់នៃការបោះឆ្នោតថ្មីមួយ ដែលសេរី ត្រឹមត្រូវ យុត្តិធម៌ និងទទួលយកបាន៕



លំអិតបន្ថែមទៀត

កំសាន្ដ

វីដេអូ​ផ្សព្វផ្សាយ​ពី​ការបោះឆ្នោត​ ជ្រើសតាំង​សមាជិកសភា​អ៊ឺរ៉ុប ល្បីខ្លាំង!

វីដេអូខ្លីមួយខាងក្រោមនេះ ទទួលបានភាពជោគជ័យ យ៉ាងខ្លាំង។ វាជាវីដេអូ«ល្បីខ្លាំង»របស់សភាអ៊ឺរ៉ុប ដែលជាយុទ្ធនាការផ្សព្វផ្សាយ សម្រាប់ការបោះឆ្នោតឆ្នោតជ្រើសរើសសមាជិកសភា នៅថ្ងៃទី២៣-២៦ ខែឧសភាខាងមុខ។ រាប់ពីថ្ងៃដាក់បង្ហោះ នៅលើគេហទំព័រយូធូប (YouTube) មកដល់ថ្ងៃនេះ វីដេអូខាងលើទទួលបានការចុចចូលទស្សនា ...
កម្ពុជា

អង្គការ​​​អន្តរជាតិ ៣៣ ធ្វើ​លិខិត​ទៅ​ប្រទេស​១៣ ដើម្បី​ឲ្យកម្ពុជា​​ស្រប​តាម EU

អង្គការអន្តរជាតិ និងសមាគមតំណាងអ្នកបញ្ជាទិញ ចំនួន៣៣ នៅជុំវិញពិភពលោក បានធ្វើលិខិតចំហររួមមួយ នៅថ្ងៃអង្គារនេះ ទៅកាន់រដ្ឋាភិបាល នៃបណ្តាប្រទេស​ធំៗ​ចំនួន​១៣ ដើម្បីស្នើឲ្យពួកគេ ជំរុញទៅរដ្ឋាភិបាលកម្ពុជា ឲ្យសម្របតាមលក្ខខណ្ឌ​របស់​សហភាពអឺរ៉ុប (EU) ក្នុងជំហានទៅរក្សាប្រព័ន្ធអនុគ្រោះពន្ធ ...
កម្ពុជា

CNRP ប្រកាស​បើកផ្លូវ​ឲ្យមាន​«កិច្ចសន្ទនា​នយោបាយ» ដើម្បី​ចេញ​ពី​វិបត្តិ

គណបក្សសង្គ្រោះជាតិ បានប្រកាសបើកផ្លូវ ឲ្យមាន«កិច្ចសន្ទនា​នយោបាយ (ឬកិច្ចចរចា)» ដោយទូលំទូលាយ និងដោយផ្ទាល់ ដើម្បីដោះស្រាយវិបត្តិនយោបាយ ដែលគណបក្សនេះអះអាងថា មានលក្ខណៈកាន់តែធ្ងន់ធ្ងរ។ នេះ បើតាមសេចក្ដីថ្លែងការណ៍មួយ របស់គណបក្សប្រឆាំង ដែលចេញផ្សាយពីក្រៅប្រទេស ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...