ដំណឹងពិភពលោក

បាតុកម្ម​នៅ​វេណេហ្សុយអេឡា៖ «រថពាសដែក»បើក​បុកហ្វូងបាតុករ

ការប៉ះទង្គិចគ្នា បានកើតឡើងក្នុងថ្ងៃអង្គារទី៣០ ខែមេសានេះ នៅតាមដងផ្លូវនានា ក្នុងរដ្ឋធានីការ៉ាកាស ដែលក្រុមបាតុករប្រឆាំង បានជួបប្រជុំគ្នា។ រថពាសដែក បានបើកបុកចូលហ្វូងបាតុករ និងបានធ្វើមនុស្សជាច្រើន ដួលដេកនៅលើថ្នល់ ខណៈទាហានម្នាក់ ដែលស្និតរដ្ឋអំណាចសព្វថ្ងៃ បានរងរបួស។

កងទ័ពវេណេហ្សុយអេឡាមួយភាគ បានងើបឡើងនៅថ្ងៃអង្គារនេះ ដើម្បីគាំទ្រមេដឹកនាំប្រឆាំង លោក រ៉ន់ ហ្គេដូ (Juan Guaido) ដែលអះអាងថា ពេលវេលាបានមកដល់ហើយ ដើម្បីបណ្ដេញប្រធានាធិបតី​ក្នុងតំណែង លោក នីកូឡា ម៉ាឌូរ៉ូ (Nicolas Maduro) ឲ្យចេញពីអំណាច​ ដ៏ចាក់ឫសរបស់ខ្លួន។

ទិដ្ឋភាពកង់ឡាន ដុតឆេះបញ្ចេញផ្សែងខ្មួលខ្មាញ់ ការចោលដុំថ្ម រួមនឹងផ្សែងគ្រាប់បែកបង្ហូទឹកភ្នែក… បង្ហាញពីការប្រឈមមុខដាក់គ្នាខ្លាំងក្លា រវាងកងកម្លាំងស្មោះស្ម័គ្រ របស់លោក នីកូឡា ម៉ាឌូរ៉ូ នៅក្បែរបន្ទាយយោធា «La Carlota» នៃរដ្ឋធានីការ៉ាកាស ដែលមេដឹកនាំប្រឆាំងបានបង្ហាញវត្តមាន នៅទីនោះ។

» កំណត់សម្គាល់៖ រូបភាពអាចបង្កភាពតក់ស្លុត!

រូបភាពនៅតាមកញ្ចក់ទូរទស្សន៍ បានបង្ហាញឲ្យឃើញ «រថពាសដែក»មួយគ្រឿង បានបើកបុកចូលហ្វូងមនុស្ស។ បន្ទាប់មក គេឃើញមានទាហានជាច្រើនសិបនាក់ ដែលមានពាក់កន្សែងពណ៌ខៀវ (សញ្ញា នៃការគាំទ្រចលនាប្រឆាំង) និងប្រដាប់ដោយអាវុធ កំពុងដាក់ពង្រាយគ្នា នៅជុំវិញតំបន់ ដែលក្រុមបាតុករឈរជើង។

លោក រ៉ន់ ហ្គេឌូ បានថ្លែងតាមបណ្ដាញសង្គមទ្វីសធើរថា «មិនត្រឡប់ក្រោយ​វិញឡើយ» ក្នុងការបណ្ដេញលោក នីកូឡា ម៉ាឌូរ៉ូ ឲ្យចេញពីអំណាច។ អមជុំវិញ ដោយកងទ័ព «ដ៏ក្លាហាន» មេដឹកនាំប្រឆាំងរូបនេះ បានថ្លែងថា៖

«ថ្ងៃនេះ វីរកងទ័ព វីរពលរដ្ឋ និងវីរជន ដែលស្រឡាញ់រដ្ឋធម្មនុញ្ញ បានឆ្លើយតបនឹងការអំពាវនាវរបស់យើង។ ហើយយើង ក៏បានឆ្លើយតបទៅវិញ ថាយើងនឹងជួបគ្នា នៅតាមដងផ្លូវនានា នៃប្រទេសវេណេហ្សុយអេឡា។»

ជាការឆ្លើយតបវិញ លោក នីកូឡា ម៉ាឌូរ៉ូ បានសរសេរ នៅលើទំព័រទ្វីសធើរ បញ្ជាក់ពី​«ភក្ដីភាពទាំងស្រុង» នៃអគ្គមេបញ្ជាការកងទ័ព ខណៈរដ្ឋមន្ត្រីការពារជាតិរបស់លោក គឺលោកឧត្ដមសេនីយ៍ «Vladimir Padrino Lopez» បានអះអាងថា ស្ថានភាពនៅតាមបណ្ដាបន្ទាយទាហាននានា មានលក្ខណៈធម្មតា៕

» រូបភាពផ្សាយផ្ទាល់ ពីតំបន់ធ្វើបាតុកម្ម៖



លំអិតបន្ថែមទៀត

ដំណឹង

ត្រាំ ថារដ្ឋបាលអាមេរិកមិន​ពាក់ព័ន្ធ​នឹង​«ការឈ្លានពាន»​នៅ​វេណេស៊ុយអេឡា

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាង ក្នុងថ្ងៃអង្គារនេះថា រដ្ឋាភិបាល​​របស់លោក មិនជាប់ពាក់ព័ន្ធនឹង«ការឈ្លានពាន» ឬ«ការប៉ុនប៉ងឈ្លានពាន»​ណាមួយ តាមផ្លូវសមុទ្រ នៅប្រទេស​វេណេហ្ស៊ុយអេឡានោះទេ។ ...
ដំណឹង

រដ្ឋប្រហារយោធា​នៅភូមា៖ អាមេរិក អូស្ត្រាលី និង អ.ស.ប បញ្ចេញប្រតិកម្ម

សហរដ្ឋអាមេរិក ប្រទេសអូស្ត្រាលី និងអគ្គលេខាធិការ នៃអង្គការសហប្រជាតិ បាន«បញ្ចេញប្រតិកម្ម»ភ្លាមៗ នៅចំពោះរដ្ឋប្រហារ នៅក្នុងប្រទេសភូមា ដែលរៀបចំឡើង​ដោយក្រុមមេដឹកនាំ​យោធា ដ៏មានអំណាច ក្នុងព្រឹកថ្ងៃចន្ទ​ទី១ ខែកុម្ភៈ ឆ្នាំ២០២១នេះ។ សហរដ្ឋអាមេរិក ...
កម្ពុជា

ហ៊ុន សែន ព្រមាន​មិនឲ្យ​មាន​«រដ្ឋប្រហារ»​ក្នុងពេល​លោកកាន់​អំណាច

លោកនាយករដ្ឋមន្ត្រី ហ៊ុន សែន បានថ្លែងព្រមាន ក្នុងព្រឹកថ្ងៃព្រហស្បត្តិ៍ ទី២៤ ខែមករា ឆ្នាំ២០១៩នេះថា ដរាបណា​លោក​នៅកាន់អំណាច លោកនឹងមិនអនុញ្ញាត ឲ្យមាន«រដ្ឋប្រហារ» កើតឡើងជាដាច់ខាត។ បុរសខ្លាំងកម្ពុជា ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...