ដំណឹងពិភពលោក

ម៉ាឌូរ៉ូ៖ គ្មាននរណាម្នាក់​អាច«ដាក់ឱសានវាទ»​ឲ្យយើងទេ

ប្រធានាធិបតីក្នុងតំណែង នៃប្រទេសវេណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro) បានច្រានចោលការ«ដាក់ឱសានវាទ» របស់បណ្ដាប្រទេសសំខាន់ៗ​ជាច្រើន នៃសហភាពអ៊ឺរ៉ុប ដែលបានកំណត់កាលពីសប្ដាហ៍មុន ឲ្យរយៈពេល៨ថ្ងៃ សម្រាប់លោកប្រកាស​រៀបចំការបោះឆ្នោតឡើងវិញ។

ថ្លែងតាមរយៈបណ្ដាញទូរទស្សន៍ «CNN Turk» កាលពីថ្ងៃអាទិត្យ លោក ម៉ាឌូរ៉ូ បានចោទមេដឹកនាំប្រឆាំង លោក រ៉ន់ ហ្គេឌូ (Juan Guaido) ថាបានរំលោភលើរដ្ឋធម្មនុញ្ញ ហើយបានបញ្ជាក់ថា៖

«ពួកគេ (បណ្ដាប្រទេសនៅអ៊ឺរ៉ុប) ត្រូវដកឱសានវាទនេះចេញវិញ។ គ្មាននរណាម្នាក់ អាច ដាក់ឱសានវាទ ឲ្យយើងនោះឡើយ (…) អ្វីដែលបានកើតឡើង គឺមានអាមេរិកនៅពីក្រោយ។ ពួកគេវាយប្រហារយើង ហើយពួកគេគិតថា ប្រទេសវេណេស៊ុយអេឡា ជាសួនច្បាររបស់ពួកគេ។»

ប្រទេសក្នុងទ្វីបអ៊ឺរ៉ុប យ៉ាងហោចចំនួន៧ មានអេស្ប៉ាញ បារាំង អង់គ្លេស អាល្លឺម៉ង់ ព័រទុយហ្គាល់ ប៊ែលហ្សិក និងហូឡង់ បានប្រកាស«ដាក់ឱសានវាទ» កាលពីថ្ងៃសៅរ៍ ចុងសប្ដាហ៍កន្លងមក ដោយកំណត់ថា ក្នុងរយៈពេល៨ថ្ងៃនេះ បើលោក ម៉ាឌូរ៉ូ មិនប្រកាសរៀបចំការបោះឆ្នោតឡើងវិញនោះទេ ប្រទេសទាំងនេះនឹងប្រកាសទទួលស្គាល់មេដឹកនាំប្រឆាំង ជាប្រធានាធិបតីស្ដីទីស្របច្បាប់ របស់ប្រទេសវេណេស៊ុយអេឡា។

កាលពីថ្ងៃពុធ ទី២៣ ខែមករា ឆ្នាំ២០១៩ ពោលគឺប៉ុន្មានថ្ងៃមុន​ការដាក់ឱសានវាទ លោក រ៉ន់ ហ្គេឌូ បានប្រកាសខ្លួន ឡើងជាប្រធានាធិបតីស្ដីទី នៃប្រទេស។ តួនាទីថ្មីរបស់មេដឹកនាំប្រឆាំងរូបនេះ ត្រូវបានប្រកាសទទួលស្គាល់ភ្លាមៗ ដោយសហរដ្ឋអាមេរិក និងជាបន្តបន្ទាប់ ដោយប្រទេសជាច្រើនទៀត នៅក្នុងតំបន់។

កាលពីថ្ងៃអាទិត្យ លោក ហ្គេរ៉ូ បានអំពាវនាវឲ្យបណ្ដាជន ចុះធ្វើបាតុកម្មសារជាថ្មី ក្នុងថ្ងៃពុធនេះ និងចុងសប្ដាហ៍ខាងមុខ។ បាតុកម្មក្នុងសប្ដាហ៍កន្លងទៅ បានបណ្ដាលឲ្យមានមនុស្សស្លាប់២៩នាក់ និងចាប់ខ្លួន​ជាង៣៥០នាក់។ មេដឹកនាំប្រឆាំងអាយុ៣៥ឆ្នាំ បានថ្លែងឡើង នៅក្នុងអង្គមេទិញមួយថា៖

«យើងនឹងបន្តធ្វើ រហូតដល់ការប្លន់អំណាច ត្រូវបានបញ្ចប់។ រហូតដល់រដ្ឋាភិបាលអន្តរកាលមួយ ត្រូវបានបង្កើត និងការបោះឆ្នោតថ្មី ដោយសេរី ត្រឹមត្រូវមួយ ត្រូវបានប្រកាសធ្វើ។»

ចែកចាយអត្ថបទ«ច្បាប់លើកលែងទោស»

លោក ហ្គេឌូ បានស្នើសុំ​ឲ្យក្រុមអ្នកគាំទ្រលោក ចែកចាយតាមបណ្ដាញសង្កម ឬបោះពុម្ភជាក្រដាស អំពីអត្ថបទមួយ ដែលលើកឡើងពី «ច្បាប់លើកលែងទោស» ដែលអនុញ្ញាតឲ្យក្រុមមន្ត្រីរដ្ឋការ និងយោធា ងាកមកគាំទ្រលោកវិញ។ អត្ថបទនៃ«ច្បាប់»នោះ មានចែងផ្ដល់នូវ «ការធានាក្នុងរដ្ឋធម្មនុញ្ញ» សម្រាប់មន្ត្រីយោធា និងស៊ីវិលទាំងឡាយណា ដែលបានចូលរួម​«ស្ដារឡើងវិញ នូវលទ្ធិប្រជាធិបតេយ្យ»។

គោលបំណងសំខាន់ នៃការការចែកចាយនេះ គឺលោក ហ្គេឌូ ចង់បំបែកភាពស្មោះស្ម័គ្រ របស់កងទ័ព ជាមួយប្រធានាធិបតីក្នុងតំណែង លោក នីកូឡា ម៉ាឌូរ៉ូ។

លោក ហ្គេរ៉ូ បានទទួលជ័យជំនះមួយហើយ កាលពីថ្ងៃសៅរ៍៖ លោកវរសេនីយ៍ ចូហ្សេ ល្វីស ស៊ីលវ៉ា (José Luis Silva) ប្រធានការិយាល័យអនុព័ន្ធយោធា អមស្ថានទូត​វេណេស៊ុយអេឡា ប្រចាំក្នុងរដ្ឋធានី វ៉ាស៊ីនតោន (សហរដ្ឋអាមេរិក) បានប្រកាសឈប់ស្ដាប់បញ្ជាលោក ម៉ាឌូរ៉ូ ហើយងាកមកគាំទ្រមេដឹកនាំប្រឆាំងវិញ។ មន្ត្រីយោធាជាន់ខ្ពស់រូបនេះ នៅបានអំពាវនាវ​ទៅកាន់​«បណ្ដាយុទ្ធមិត្តរួមអាវុធទាំងអស់» ឲ្យប្ដូរជំហរ​មកគាំទ្រលោក ហ្គេឌូ ដូចរូបលោកដូច្នេះដែរ៕



លំអិតបន្ថែមទៀត

ដំណឹង

វេណេស៊ុយអេឡា៖ ប្រធានសភា​ប្រកាសខ្លួន​ជា​«ប្រធានាធិបតីស្ដីទី»

ប្រធានសភាដែលគ្រប់គ្រង ដោយសម្លេងភាគច្រើន ចេញពីគណបក្សប្រឆាំង នៃប្រទេសវេណេស៊ុយអេឡា លោក រ៉ន ហ្គេដូ (Juan Guaido) បានប្រកាសខ្លួន កាលពីថ្ងៃពុធនេះ ជា«ប្រធានាធិបតីស្ដីទី» នៃប្រទេស ...
ដំណឹង

រ៉ន់ ហ្គេដូ ត្រឡប់ចូលប្រទេសវិញ ហើយប្រកាសឲ្យបន្តធ្វើបាតុកម្ម

មេដឹកនាំប្រឆាំងវេណេស៊ុយអេឡា លោក រ៉ន់ ហ្គេដូ (Juan Guaido) បានវិល ត្រឡប់ចូលប្រទេសវិញ និងទៅដល់រដ្ឋធានី ការ៉ាកាស វិញហើយ នៅមុននេះបន្តិច ក្រោមការស្វាគមន៍ដ៏ខ្លាំងក្លា ...
ដំណឹង

បាតុកម្ម​នៅ​វេណេហ្សុយអេឡា៖ អាមេរិក​ប្រាប់ ម៉ាឌូរ៉ូ ឲ្យ​ចាកចេញ

ក្នុងខណៈភាពតានតឹង កំពុងផ្ទុះឡើងនៅតាមដងផ្លូវនានា នៃរដ្ឋធានី ការ៉ាកាស (វេណេស៊ុយអេឡា) នោះ រដ្ឋបាលអាមេរិកសឹងតែទាំងមូល រាប់តាំងពីទីប្រឹក្សាផ្នែកសន្តិសុខ លោក ចន ប៊លថុន (John Bolton) ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...