ដំណឹងពិភពលោក

បាញ់ប្រហារ នៅហូឡង់៖ ចាប់ខ្លួនខ្មាន់កាំភ្លើង – ស្លាប់យ៉ាងតិច​៣នាក់

នគរបាលនៃប្រទេសហូឡង់ បានហៅហេតុការណ៍«បាញ់ប្រហារ» ​នៅក្រុង «Utrecht» ស្ថិតនៅភាគកណ្ដាលនៃប្រទេស ថាមានទំនោរបែបភេរវកម្ម។ អង្គភាពជាតិ ដើម្បីសន្តិសុខ និងប្រឆាំងអំពើភេរវកម្ម បានអះអាងថា ការបាញ់ប្រហារ​ជាច្រើនបានកើតឡើង នៅក្នុងក្រុង ចាប់ពីម៉ោង១០និង៤៥នាទី ព្រឹកថ្ងៃចន្ទនេះមក។

អង្គភាពដដែលបានអះអាងថា បុរសម្នាក់បានបើកការបាញ់រះ ទៅលើបណ្តាជនដែលកំពុងជិះក្នុងត្រាំវេ (Tramway – យានរត់លើផ្លូវដែក របៀបដូចរថយន្តក្រុង) បណ្ដាលឲ្យមនុស្សយ៉ាងតិច៣នាក់ ស្លាប់ និងជាង១០នាក់ទៀតរងរបួស។

បន្ទាប់ពីតាមប្រមាញ់ខ្មាន់កាំភ្លើង អស់រយៈពេលជាច្រើនម៉ោង អាជ្ញាធរបានអះអាងនៅមុននេះបន្តិចថា ខ្លួនបានចាប់ខ្លួនជនសង្ស័យរួចហើយ តែមិនទាន់គិតថា មានជនប្រព្រឹត្តតែម្នាក់នោះទេ។

កាលពីវេលារសៀល អាជ្ញាធរបានផ្សាយរូបថតរបស់ជនសង្ស័យ ដើម្បីតាមស្វែងរកចាប់ខ្លួន។ ជនសង្ស័យរូបនោះ មានដើមកំណើតទួរគី និងមានអាយុ៣៧ឆ្នាំ។

បណ្ដាញទូរទស្សន៍អង់គ្លេស «BBC» ដែលផ្សាយជាភាសាទួរគី បានឲ្យដឹងថា ជនម្នាក់នេះធ្លាប់បានរស់នៅ ក្នុងតំបន់ឆេកឆិន (ភាគខាងត្បូងរ៉ុស្ស៊ី) ហើយទំនងជាត្រូវបានដាក់ក្នុងបញ្ជីខ្មៅ នៃជនដែលមានទំនាក់ទំនង ជាមួយអង្គការភេរវនិយម រដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS) ។

អាជ្ញាធរហូឡង់បានប្រកាស ដាក់ក្រុង «Utrecht» និងតំបន់ជុំវិញ នៅក្នុងការប្រកាសសញ្ញា ឲ្យប្រុងប្រយ័ត្នខ្ពស់បំផុត។ សុវត្ថភាពនៅតាមព្រលានយន្ដហោះ និងនៅតាមអាគារសាធារណៈសំខាន់ៗ ត្រូវបានរឹតបន្តឹង ខណៈសាលារៀនជាច្រើន បានបិទទ្វាក្នុងថ្ងៃចន្ទនេះ។

នាយករដ្ឋមន្ត្រីហូឡង់ លោក «Mark Rutte» បានបង្ហាញជំហរម៉ឺងម៉ាត់ថា៖

«យើងនឹងមិនអនុញ្ញាត ឲ្យទង្វើខ្វះការអត់ឱនរបៀបនេះ ទទួលជ័យជំនះឡើយ៕»



លំអិតបន្ថែមទៀត

លោក សាម៉ុយអែល ប៉ាទី (Samuel Paty) សាស្ត្រាចារ្យបារាំងដែលរងការធ្វើឃាត ដោយភេរវជន កាលពីថ្ងៃសុក្រ ទី១៧ ខែតុលា ឆ្នាំ២០២០។ (រូបថតសាលាក្រុង Conflans)
ដំណឹង

បារាំង៖ សាស្ត្រាចារ្យ​ដែលរង​ការធ្វើឃាត ទទួលបាន​មេដាយកិត្តិយសជាតិ

លោក «Samuel Paty» សាស្ត្រាចារ្យ​ភូមិសាស្ត្រ-ប្រវត្តិវិទ្យា ដែលរងការធ្វើឃាត​ដោយ​«កាត់ក» ពីសំណាងភេរវជន កាលពីថ្ងៃសុក្រសប្ដាហ៍មុន ទទួលបាន​មេដាយកិត្តិយសជាតិ ជុំវិញភាពក្លាហាន ក្នុងការបំពេញភារកិច្ច ជាគ្រូបង្រៀន​របស់លោក កាលពីពេលលោក​នៅមានជីវិត។ បើទោះជាលោក ...
ដំណឹង

អាជ្ញាធរ​បារាំង​​បង្ក្រាប​«ខ្មាន់កាំភ្លើង»​នៅ​ស្ត្រាស្បួរ៍​-ISIS ​ទទួល​ស្គាល់ភេរវកម្ម

បុរសឈ្មោះ «Cherif Chekatt» ជនសង្ស័យជា«ខ្មាន់កាំភ្លើង» ដែលបានបើកការបាញ់ប្រហារ ទៅលើហ្វូងមនុស្ស កាលពីយប់ថ្ងៃអង្គារទី១១​ ខែធ្នូ ឆ្នាំ២០១៨ ត្រូវបានកងកម្លាំងអាជ្ញាធរបាញ់សម្លាប់ ក្នុងយប់ថ្ងៃព្រហស្បត្តិម្សិលម៉ិញ នៅក្នុងសង្កាត់ «Neudorf» ...
ដំណឹង

កម្ពុជា​ថ្កោលទោស​ភេរវកម្ម​បំផ្ទុះ​គ្រាប់បែក នៅ​ស្រីលង្កា

ប្រទេសកម្ពុជាតាមរយៈក្រសួងការបរទេស​ បានចេញសេចក្ដីថ្លែងការណ៍ ដែលទើបទទួលបានក្នុងថ្ងៃនេះ ថ្កោលទោសអំពើភេរវកម្ម ដោយការបំផ្ទុះគ្រាប់បែកច្រើនកន្លែង នៅ​ស្រីលង្កា កាលពីម្សិលម៉ិញ។ សេចក្ដីថ្លែងការណ៍របស់របបក្រុងភ្នំពេញ ដែលបានចុះថ្ងៃខែ នៅថ្ងៃទី២១ ខែមេសា បានឲ្យដឹងថា កម្ពុជាថ្កោលទោសយ៉ាងខ្លាំងក្លា ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.