ដំណឹងពិភពលោក

ISIS ប្រាប់​សមាជិក​ខ្លួន កុំ​ធ្វើដំណើរ​ចូល​អ៊ឺរ៉ុប ព្រោះ​ខ្លាច​«Covid-19»

ក្រុមសកម្មប្រយុទ្ធ របស់អង្គការភេរវនិយមរដ្ឋអ៊ីស្លាម (ISIS) ទើបទទួលបញ្ជាហាមក្រុមខ្លួន កុំធ្វើដំណើរចូលអ៊ឺរ៉ុប ដែលកំពុងរងការរាតត្បាត ពីមេរោគ«កូរូណា» ឬហៅតាមពាក្យបច្ចេកទេស «Covid-19»។ នេះ បើតាមការផ្សាយ របស់«Al-Naba» ដែលជាព្រឹត្តិប័ត្រឃោសនា របស់អង្គការមួយនេះ កាលពីថ្ងៃអាទិត្យ។

អត្ថបទរបស់ប្រព័ន្ធឃោសនា ត្រូវបានដកស្រង់ ដោយសារព័ត៌មាន «New York Post» នៅអាមេរិក យកទៅចុះផ្សាយបន្ត ដែលមានន័យជាខេមរៈភាសាថា៖

«រាល់មនុស្សដែលមានសុខភាពល្អ មិនត្រូវធ្វើដំណើរ ចូលក្នុងប្រទេស ដែលរងការរាតត្បាតនោះទេ។ អ្នកដែលឆ្លងជំងឺនេះ មិនរស់រាន មានជីវិតឡើយ។»

អង្គការភេរវនិយម បានចាត់ទុករោគរាតត្បាត «Covid-19» ថាជា«បណ្ដាសារ របស់ព្រះជាម្ចាស់»។ ក្រុមនេះបានបន្តទៀតថា៖

«បណ្ដាយុទ្ធជន ដែលកំពុងរស់នៅក្នុងទ្វីបអ៊ឺរ៉ុប ហើយដែលធ្លាក់ខ្លួនឈឺ នឹងជំងឺនេះ ត្រូវរស់នៅទីនោះបន្តទៀត ដើម្បីរ៉ៅឆាន”ពួកក្បត់ព្រះជាម្ចាស់”។»

បើតាមសាកលវិទ្យាល័យ «Johns-Hopkins» (ក្នុងរដ្ឋ”Maryland” សហរដ្ឋអាមេរិក) ដែលបានសិក្សាស្រាវជ្រាវ ពីក្រុមរដ្ឋអ៊ីស្លាម បានឲ្យដឹងថា យុទ្ធជនស្ម័គ្រប្រយុទ្ធ របស់អង្គការនេះ ដែលរស់នៅយ៉ាងច្រើន ក្នុងប្រទេសអៀរ៉ាក់ បានឆ្លងជំងឺ«Covid-19» ចំនួន១១០ករណី។ ពីក្នុងចំណោមនោះ អ្នកជំងឺចំនួន១០នាក់ បានស្លាប់៕



You may also like

កំសាន្ដ

«គីង្គក់ និងភ្នំភ្លើង» កម្សាន្ដខ្លីៗ

ពេលឮសូរតោខ្លាដំរី រត់ផ្អើលជាន់ជើងគ្នា ព្រោះការផ្ទុះភ្នំភ្លើង សត្វ«គីង្គក់»លក់ថ្នាំស្រែង វាស្រែកពីក្នុងពាងមកថា៖ ពួកអាតោខ្លាដំរី សុទ្ធតែភ្លើ មិនចេះគ្រប់គ្រងគ្រោះផ្ទុះភ្នំភ្លើង គប្បីអាភ្លើទាំងនោះ មករៀនសូត្រពីអញ ដូចជារូបអញ​នៅក្នុងពាងដូច្នេះ។ នៅពេលពាងទប់នឹងកម្ដៅភ្នំភ្លើងលែងបាន ក៏ផ្ទុះបែក ...
កម្ពុជា

ហ៊ុន សែន បន្តហាម​ពលរដ្ឋខ្មែរ​ដែលមាន​រោគសញ្ញា កុំឲ្យ​វិលចូល​មាតុភូមិ

លោកនាយករដ្ឋមន្ត្រី ហ៊ុន សែន បានប្រកាសបន្តមិនអើពើ ចំពោះពលរដ្ឋខ្មែរ ដែលរងទុក្ខនៅក្រៅប្រទេស ជាពិសេសលោក ហ៊ុន សែន បានបន្តហាមពលរដ្ឋខ្មែរទាំងនោះ កុំឲ្យ​វិលចូល​មាតុភូមិ ប្រសិនជាពួកគេមានរោគសញ្ញា នៃជំងឺ ...
កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...