ដំណឹងបារាំង

បារាំង៖ «កាត់ក»​គ្រូបង្រៀនម្នាក់ បន្ទាប់ពី​បង្ហាញរូបត្លុក​«មហាមេដ»

បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)
បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)

គ្រូបង្រៀន«ភូមិសាស្ត្រ-ប្រវត្តិវិជ្ជា»ម្នាក់ ត្រូវបានសម្លាប់ ដោយ«កាត់ក» កាលពីថ្ងៃសុក្រ បន្ទាប់ពីបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។

ហេតុការណ៍បានកើតឡើង នៅមិនឆ្ងាយប៉ុន្មាន ពីអនុវិទ្យាល័យ «Bois d’Aulne» នៃក្រុង «Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។ ជនដៃដល់ក្នុង​ឃាតកម្មនេះ ត្រូវបាន​នគរបាលបាញ់សម្លាប់ នៅល្ងាចថ្ងៃសុក្រដដែលនោះ ក្នុងក្រុងមួយ​ទៀត ដែលស្ថិតនៅជាប់ក្រុង «Conflans-Sainte-Honorine»។

ការបង្ហាញរូបត្លុក«មហាមេដ»នោះ ត្រូវបានជនរងគ្រោះធ្វើឡើង ជាមួយកូនសិស្ស​របស់​ខ្លួន កាលពីថ្ងៃទី៥ ខែតុលា ក្នុងថ្នាក់ទី៤  ក្រោម​ប្រធានបទ «សេរីភាព​នៃការបញ្ចេញ​មតិ»។ តែពីរថ្ងៃក្រោយមក រូបភាពនោះត្រូវបានឪពុកកូនសិស្សមួយរូប យកទៅបង្ហោះ នៅលើបណ្ដាញសង្គម បង្កឲ្យមានសង្គ្រាមសំដី​ផ្ទុះឡើង។

បើតាមលោក «Jean-François Ricard» រដ្ឋអាជ្ញានៃសាធារណរដ្ឋបារាំង ជំនាញខាង​ប្រឆាំង​ភេរវកម្ម បានឲ្យដឹង​ថា ជនដៃដល់អាយុ១៨ឆ្នាំ គឺជា​ជនអន្តោប្រវេស កើតនៅ​រដ្ឋធានីម៉ូស្គូ មាន​សញ្ជាតិរ៉ុស្ស៊ី និងមានដើមកំណើត ឆេកឆិន។ យុវជនរូបនេះ មិនធ្លាប់​ត្រូវបាន​អាជ្ញាធរ​សង្ស័យ​ពីមុនមកទេ និងមាន​ក្រដាស​ស្នាម រស់នៅត្រឹមត្រូវ ក្នុងទឹកដី​បារាំង។

សារព័ត៌មានក្នុង​ប្រទេស​បារាំង បានរាយការណ៍ថា ជនដៃដល់​​ទំនងជា​បាន​​ឃើញរូបភាព​ខាង​លើ ដែល​បង្ហោះ​នៅលើបណ្ដាញសង្គម ហើយបានរៀបចំ​គម្រោងភេរវកម្ម​មួយនេះ​ឡើង។ ក្នុងទំព័រទ្វីសធើរមួយ ដែលអាជ្ញាធរអះអាងថា ជាកម្មសិទ្ធិរបស់ជនដៃដល់ មាន​បង្ហោះ​សារផ្សារភ្ជាប់ ទៅនឹងព្យាការី «មហាមេដ»។

ជនរងគ្រោះ ដែលជាសាស្ត្រាចារ្យ ភូមិសាស្ត្រ-ប្រវត្តិវិជ្ជា មានអាយុ៤៧ឆ្នាំ និងត្រូវបាន​គេស្គាល់​ឈ្មោះ «Samuel Paty»។ លោកត្រូវបានឃាតករកាត់ក នៅពេលលោកចេញ​ពីសាលា និងកំពុងធ្វើដំណើរ វិលត្រឡប់​ទៅផ្ទះវិញ។

លោករដ្ឋអាជ្ញាបារាំងបានបន្តថា៖

«បើតាមព័ត៌មានជំហានដំបូង ឲ្យដឹងថា ជនដៃដល់បានស្ថិត នៅខាងមុខអនុវិទ្យាល័យ ក្នុងពេលរសៀល ថ្ងៃសុក្រ ហើយបានសួររកលោកសាស្ត្រាចារ្យ ទៅកាន់បណ្ដាកូនសិស្ស។»

លោកអះអាងទៀតថា មកដល់យប់ថ្ងៃសៅរ៍នេះ មនុស្ស៩នាក់ ត្រូវបានឃាត់ខ្លួន ដើម្បីសាកសួរ ក្នុងនោះក៏មានឪពុកកូនសិស្ស ដែលបានបង្ហោះរូបថតដំបូង នៅលើ​បណ្ដាញសង្គមនោះដែរ៕



លំអិតបន្ថែមទៀត

ដំណឹង

មេដឹកនាំ​ដ៏សំខាន់​ម្នាក់​របស់ អាល់កៃដា ត្រូវបាន​សម្លាប់​ដោយកងទ័ព​បារាំង

មេដឹកនាំដ៏សំខាន់ម្នាក់ នៃអង្គការភេរវនិយម «AQMI» ដែលជាសាខាមួយ របស់បណ្ដាញ អាល់កៃដា (Al-Qaïda) ប្រចាំក្នុងទ្វិបអាហ្វ្រិកខាងជើង ត្រូវបានសម្លាប់ ដោយកងទ័ពបារាំង ក្នុងទឹកដីភាគខាងជើង នៃប្រទេសម៉ាលី ជាប់នឹងព្រំដែន ...
របាយការណ៍

តើ បារ៉ាក់ អូបាម៉ា បាន​បន្សល់​ទុក​អ្វី​ខ្លះ?

ក្នុងរយៈពេល២អាណត្តិ = ៨ឆ្នាំ តើប្រធានាធិបតីអាមេរិកទី៤៤ ដែលផុតតំណែង លោក បារ៉ាក់ អូបាម៉ា (Barack Obama) បានបន្យល់ទុកអ្វីខ្លះ សម្រាប់សហរដ្ឋអាមេរិក និងពិភពលោក? ...
ដំណឹង

អគ្គិភ័យ Notre-Dame៖ ការសង្ស័យ​ព្រហ្មទណ្ឌ ត្រូវបានទម្លាក់ចោល

ការសង្ស័យផ្នែកព្រហ្មទណ្ឌ ដែលនិយាយពីទង្វើឧក្រិដ្ឋ នៅពីក្រោយ«អគ្គិភ័យ» ឆេះកម្ទេចដំបូលព្រះវិហារ «Notre-Dame» នៃរដ្ឋធានីប៉ារីស កាលពីថ្ងៃទី១៥ ខែមេសាកន្លងទៅ ត្រូវបានស្ថាប័នអយ្យការទម្លាក់ចោល និងមិនត្រូវបានយកមកស្រាវជ្រាវទៀតទេ។ ស្ថាប័នអយ្យការនៃរដ្ឋធានីប៉ារីស ដែលជំនាញខាងការស៊ើបអង្កេត សំនុំរឿងឧក្រិដ្ឋកម្មធំៗ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...