ដំណឹងពិភពលោក

ត្រាំ ប្រកាសថា ISIS ត្រូវបានកម្ទេចអស់ហើយ ពីប្រទេសស៊ីរី

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាងនៅថ្ងៃសុក្រនេះ អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS) ត្រូវបានកម្ទេចអស់ហើយ ពីប្រទេសស៊ីរី។

លោក ត្រាំ បានប្រកាសដូច្នេះ នៅចំពោះក្រុមអ្នកយកព័ត៌មាន ដោយបង្ហាញពីផែនទី នៃតំបន់ជាច្រើន ដែលមុននេះត្រូវបានគ្រប់គ្រងកាន់កាប់ ដោយក្រុមភេរវនិយម។

បើនិយាយទៅ ក្រុមសម្ព័ន្ធមិត្តអន្តរជាតិ រួមនឹងកងកម្លាំងប្រជាធិបតេយ្យ នៅស៊ីរី បានប្រើរយៈពេលជិត១ឆ្នាំ ដើម្បីអាចរំដោះទឹកដីជាច្រើន និងទីបំផុត រំដោះទីក្រុងចុងក្រោយ ដែលស្ថិតក្រោមការកាន់កាប់ របស់ក្រុមរដ្ឋអ៊ីស្លាម។

សម្រាប់ក្រុមរដ្ឋអ៊ីស្លាម បរាជ័យនៃមូលដ្ឋានចុងក្រោយរបស់ខ្លួន មានន័យស្មើនឹងការបិទបញ្ចប់ នៃទឹកដីព្រះជាម្ចាស់ ដែលភាសាអារ៉ាប់ហៅថា «Califat» និងដែលក្រុមនេះបានប្រកាសបង្កើតឡើង នៅក្នុងឆ្នាំ២០១៤។

មិនត្រឹមតែប្រកាសដោយផ្ទាល់ នៅចំពោះអ្នកសារព័ត៌មានទេ តែនៅលើបណ្ដាញសង្គម តែលោក ដូណាល់ ត្រាំ បន្តរៀបរាប់ពីបរាជ័យរបស់ក្រុម «ISIS» មួយនេះដែរ។ លោកថា៖

«ក្រុម ISIS ចេះប្រើប្រាស់បណ្ដាញអ៊ិនធើណែត ប្រសើរជាងនរណាទាំងអស់។ ប៉ុន្តែ សម្រាប់អ្នកទាំងឡាយ ដែលទទួលឥទ្ធិពល ពីការឃោសនារបស់ក្រុមនេះ ត្រូវដឹងថា នៅពេលនេះ ក្រុម ISIS ត្រូវបានកម្ទេចអស់ គ្មានសល់និងនៅគ្រប់កម្រិត។ គ្មានអ្វីដែលត្រូវស្ងើចសរសើរពួកនេះទេ។ ពួកគេតែងសាកល្បង ចង់បង្ហាញពីការប្រយុទ្ធមួយ ក្នុងក្ដីសង្ឃឹមថានឹងមានជ័យជំនះ។ តែនៅទីបំផុត ពួកគេបានចាញ់ទាំងស្រុងហើយ។»

ប្រធានាធិបតីទី៤៥ នៃសហរដ្ឋអាមេរិក ដែលដឹកនាំកងទ័ពសម្ព័ន្ធមិត្ត នៅក្នុងយុទ្ធនាការនោះ បានបន្តថា៖

«ចូរត្រិះរិះពិចារណា​ឲ្យខ្លាំងឡើង មុននឹងបំផ្លាញជីវិត និងគ្រួសាររបស់អ្នក។»

ចំណែកអ្នកស្រី សារ៉ា សេនដ័រ (Sarah Sanders) អ្នកនាំពាក្យសេតវិមាន បានបញ្ជាក់បន្ថែមទៀតថា៖

«ទឹកដីព្រះជាម្ចាស់ (Califat) របស់ក្រុមរដ្ឋអ៊ីស្លាម ត្រូវបានកម្ទេច ១០០% ហើយ នៅក្នុងប្រទេសស៊ីរី៕»



លំអិតបន្ថែមទៀត

ដំណឹង

រដ្ឋសភា​បើក​ការអង្កេត​ផ្លូវការ ក្នុងការ​ដក​ប្រធានាធិបតី ត្រាំ ចេញពី​តំណែង

កាលពីថ្ងៃព្រហស្បតិ៍នេះ ក្រុមអ្នកតំណាងរាស្ត្រអាមេរិក មកពីគណបក្សប្រជាធិបតេយ្យ បានឈានដល់ជំហានថ្មីមួយ នៃនីតិវិធីផ្លូវការ ក្នុងដំណើរឆ្ពោះទៅដកលោក ដូណាល់ ត្រាំ (Donald Trump) ចេញពី​តំណែង ជាប្រធានាធិបតី។ នីតិវិធីផ្លូវការនោះ ...
ដំណឹង

ចូ បៃដេន កំពុងឈ្នះ ត្រាំ ក្នុងការបោះឆ្នោត​​ប្រធានាធិបតី​អាមេរិក២០២០

ការរាប់សន្លឹកឆ្នោត​បន្ថែមទៀត ក្នុងថ្ងៃពុធទី៤ ខែវិច្ឆិកានេះ បង្ហាញទំនោរថា លោក ចូ បៃដេន (Joe Biden) បេក្ខជន​ពីគណបក្សប្រជាធិបតេយ្យ ទំនងជាឈ្នះលោក ដូណាល់ ត្រាំ ...
ដំណឹង

មន្ត្រីជាន់ខ្ពស់នៅសេតវិមាន កំពុង«ដោះដៃ»ចេញពី ដូណាល់ ត្រាំ

មន្ត្រីជាន់ខ្ពស់ នៅសេតវិមាន និងក្រុមការងារឃោសនាបោះឆ្នោត របស់លោក ដូណាល់ ត្រាំ (Donald Trump) កំពុង«ដោះដៃ»បន្តិចម្ដងៗ ចេញពីប្រធានាធិបតីចប់អាណត្តិរូបនេះ នៅចំពោះលទ្ធផលស្ទាបស្ទង់ ដែលផ្ដល់ជ័យជំនះ ឲ្យបេក្ខជនមកពីគណបក្សប្រជាធិបតេយ្យ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.