ដំណឹងពិភពលោក

រដ្ឋសភា​បើក​ការអង្កេត​ផ្លូវការ ក្នុងការ​ដក​ប្រធានាធិបតី ត្រាំ ចេញពី​តំណែង

កាលពីថ្ងៃព្រហស្បតិ៍នេះ ក្រុមអ្នកតំណាងរាស្ត្រអាមេរិក មកពីគណបក្សប្រជាធិបតេយ្យ បានឈានដល់ជំហានថ្មីមួយ នៃនីតិវិធីផ្លូវការ ក្នុងដំណើរឆ្ពោះទៅដកលោក ដូណាល់ ត្រាំ (Donald Trump) ចេញពី​តំណែង ជាប្រធានាធិបតី។

នីតិវិធីផ្លូវការនោះ គឺគណកម្មការយុត្តិកម្ម របស់រដ្ឋសភាអាមេរិក ដ៏មានឥទ្ធិពល ដែលស្ថិតក្រោមការគ្រប់គ្រង របស់គណបក្សប្រឆាំង បានបើកការអង្កេតមួយ ដើម្បីឈានទៅកំណត់ពីភាពចាំបាច់ នៃនីតិវិធី«ចោទប្រកាន់» ប្រឆាំងលោកប្រធានាធិបតី ត្រាំ។

យ៉ាងណា ក៏ដំណើរការថ្មីនេះ នៅជាចំណាត់ការបឋម ដែលស្ថិតនៅឆ្ងាយនៅឡើយ ពីការដកតំណែងរបស់ប្រធានាធិបតី។ ប៉ុន្តែវានឹងឲ្យអនុញ្ញាត ឲ្យក្រុមអ្នកតំណាងរាស្ត្រ មានសិទ្ធិទាមទារច្រើនជាងពេលធម្មតា នូវឯកសារជាភស្ដុតាង និងការហៅចូលទៅបំភ្លឺ ទៅកាន់មន្ត្រីសំខាន់ៗ​របស់​សេតវិមាន។

ប្រធានគណៈកម្មការយុត្តិកម្ម លោក «Jerry Nadler» បានថ្លែងឲ្យដឹងថា៖

«ដំណោះស្រាយមួយនេះ នឹងបង្ហាញពីជំហានទៅមុខដ៏សំខាន់ នៅក្នុងការអង្កេតរបស់យើង ជុំវិញអំពើពុករលួយ ការបង្កឧបសគ្គដល់ប្រព័ន្ធយុត្តិធម៌ និងការរំលោភបំពានលើអំណាច។»

នៅសហរដ្ឋអាមេរិក រដ្ឋសភាអាចបោះឆ្នោត ដើម្បីចោទប្រកាន់ប្រធានាធិបតី អំពីបទល្មើសធ្ងន់ធ្ងរមួយចំនួន ហើយព្រឹទ្ធសភាត្រូវធ្វើការវិនិច្ឆ័យ ដោយលទ្ធផលអាចជាការទម្លាក់ចោល នូវការចោទប្រកាន់ ឬអាចជាការអះអាង ឲ្យដកប្រធានាធិបតី ចេញពី​តំណែង ។ ហើយនីតិវិធីទាំងអស់នេះ ត្រូវចាប់ផ្ដើមពីការស៊ើបអង្កេតមួយ របស់គណៈកម្មការយុត្តិកម្មខាងលើ ដើម្បីកំណត់ពីបទល្មើស។

ការស៊ើបអង្កេត របស់រដ្ឋសភាអាមេរិក សង្កត់ធ្ងន់ទៅលើបទសង្ស័យចំនួន៤៖

១) សំពាធរបស់លោក ដូណាល់ ត្រាំ ទៅក្នុងការស៊ើបអង្កេត ស្ដីពីការលូកដៃរបស់ប្រទេសរ៉ុស្ស៊ី ចូលក្នុងការបោះឆ្នោតប្រធានាធិបតីអាមេរិក កាលពីឆ្នាំ២០១៦ (បទបង្កឧបសគ្គដល់ប្រព័ន្ធយុត្តិធម៌)។

២) ការសន្យារបស់លោក ដូណាល់ ត្រាំ ទៅកាន់ក្រុមការងារឃោសនាបោះឆ្នោត ដើម្បីលើកទឹកចិត្តពួកគេ ឲ្យការពារគាត់។

៣) ទំនាស់ផលប្រយោជន៍ ដែលទាក់ទងនឹងចំណូលទាំងឡាយ នៃសណ្ឋាគាររបស់លោក ដូណាល់ ត្រាំ រាប់ចាប់តាំងពីលោក បានចូលកាន់តំណែងជាប្រធានាធិបតី។

និង៤) ការផ្ដល់ប្រាក់ដ៏សន្ធឹកសន្ធាប់ ក្នុងអំឡុងយុទ្ធនាការរកសម្លេងឆ្នោត ឆ្នាំ២០១៦ ដើម្បីបំបិតមាត់ស្ត្រីជាច្រើននាក់ ដែលសង្ស័យថា ធ្លាប់មានទំនាក់ទំនងផ្លូវភេទ ជាមួយលោក ដូណាល់ ត្រាំ។

លោក «Jerry Nadler» បន្តថា៖

«ការប្រព្រឹត្តទាំងនោះ ដែលជាកម្មវត្ថុ នៃការស៊ើបអង្កេតរបស់យើង គឺជាការគំរាមកំហែង ដល់លទ្ធិប្រជាធិបតេយ្យរបស់យើង។ យើងមានកាតព្វកិច្ច ឆ្លើយតបនឹងការគំរាមកំហែងនេះ។»

ផ្ទុយទៅវិញ ប្រធានរដ្ឋសភា អ្នកស្រី «Nancy Pelosi» ដែលមកពីគណបក្សប្រជាធិបតេយ្យដូចគ្នា បានថ្លែងព្រមាន ពីវិបត្តិនយោបាយដ៏ជ្រាលជ្រៅ ដែលកើតចេញពីប៉ុនប៉ងបែបនេះ។  អ្នកស្រីថា ក្រុមអ្នកតំណាងរាស្ត្រ គួរផ្ចង់អារម្មណ៍ ទៅលើយុទ្ធនាការបោះឆ្នោតប្រធានាធិបតី ដែលនឹងមកដល់ក្នុងពេលខាងមុខ៕



You may also like

ដំណឹង

ត្រាំ ថារដ្ឋបាលអាមេរិកមិន​ពាក់ព័ន្ធ​នឹង​«ការឈ្លានពាន»​នៅ​វេណេស៊ុយអេឡា

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាង ក្នុងថ្ងៃអង្គារនេះថា រដ្ឋាភិបាល​​របស់លោក មិនជាប់ពាក់ព័ន្ធនឹង«ការឈ្លានពាន» ឬ«ការប៉ុនប៉ងឈ្លានពាន»​ណាមួយ តាមផ្លូវសមុទ្រ នៅប្រទេស​វេណេហ្ស៊ុយអេឡានោះទេ។ ...
ដំណឹង

អាមេរិក​អះអាង​ថា បាន​បាញ់កម្ទេច​​«ឌ្រូន»​ចារកម្ម​អៀរ៉ង់​មួយគ្រឿង

សហរដ្ឋអាមេរិកបានអះអាងថា ខ្លួនបានបាញ់ កម្ទេចយន្ដហោះ​គ្មានមនុស្សបើក ប្រភេទ​«ឌ្រូន (Drone)»​មួយគ្រឿង នៅថ្ងៃព្រហស្បត្តិ៍ ទី១៨ ខែកក្កដា ឆ្នាំ២០១៩នេះ នៅខណៈពេលយន្ដហោះចារកម្មមួយនេះ បានហោះមកក្នុងរង្វង់១គីឡូម៉ែត្រ ក្បែរនាវាចម្បាំងអាមេរិក ដែលស្ថិតក្នុងច្រកសមុទ្រ ...
កម្ពុជា

ទូត​អាមេរិក ថាបាន​ផ្ដល់​ការសម្ងាត់​ឲ្យ​អាជ្ញាធរ​ខ្មែរ​ចាប់​ភ្លុក​ដំរី​​​ជាង៣តោន

ស្ថានទូតសហរដ្ឋអាមេរិក ប្រចាំប្រទេសកម្ពុជា បានអះអាងថា ការស៊ើបអង្កេត របស់ផ្នែកជលផល និងសត្វព្រៃ សហរដ្ឋអាមេរិក រួមនឹងផ្នែកព័ត៌មានសំងាត់ របស់ក្រសួងសន្តិសុខមាតុភូមិអាមេរិក បានផ្ដល់ព័ត៌មាន ដល់នាយកដ្ឋានគយ និងរដ្ឋករកម្ពុជា រហូតនាំទៅដល់ការរិបអូសបាន ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...