ដំណឹងពិភពលោក

អូទ្រីស៖ ISIS ចេញមុខ​ទទួលស្គាល់​ភេរវកម្ម នៅវីយែន

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បាន«ចេញមុខ​ទទួលស្គាល់​ភេរវកម្ម ៦កន្លែង» កណ្ដាលរដ្ឋធានី​វីយែន ប្រទេសអូទ្រីស ដែលផ្ទុះឡើង កាលពីយប់ថ្ងៃចន្ទ​ ដើមសប្ដាហ៍នេះ បណ្ដាលឲ្យមាន​មនុស្ស​ស្លាប់៤នាក់ និងរបួសច្រើននាក់។

ការចេញមុខទទួលស្គាល់ អំពើភេរវកម្ម ធ្វើឡើងកាលពីយប់ថ្ងៃអង្គារ តាមរយៈ​ភ្នាក់ងារឃោសនា របស់ក្រុមរដ្ឋអ៊ីស្លាមឈ្មោះ «AMAQ» នៅលើបណ្ដាញសង្គម «Telegram»។

សារសរសេរជាភាសាអារ៉ាប់ បានលើកឡើងថា ការវាយប្រហារដោយអាវុធ កាលពីយប់​ថ្ងៃចន្ទ ក្នុងរដ្ឋធានីវីយែន ធ្វើឡើងដោយ«យុទ្ធជននៃទឹកដី​ព្រះជាម្ចាស់»។

សារទទួលស្គាល់​របស់អង្គការភេរវនិយម មានអមជាមួយ ដោយរូបថត និងវីដេអូ​របស់​ភេរវជន ដែលបានថតខ្លួន ឃើញកំពុងស្បថស្បែ បង្ហាញពីភក្ដីភាព ជូនមេដឹកនាំ​ក្រុមអ៊ីស្លាម ដែលគេស្គាល់ឈ្មោះ «Abou Ibrahim al-Hachemi al-Qourachi»។

ភេរវជនរូបនេះ មានសញ្ជាតិអូទ្រីស និងមានដើមកំណើតពីប្រទេស ម៉ាសេដ័ន ខាងជើង។ ជននេះត្រូវបានបាញ់សម្លាប់ ដោយកងកម្លាំងនគរបាលអូទ្រីស នៅនឹងកន្លែងកើតហេតុ ហើយត្រូវបានរដ្ឋាភិបាលអូទ្រីស ប្រកាសជាមុនថា គឺ«សមាជិកម្នាក់» របស់ក្រុមរដ្ឋអ៊ីស្លាម៕



លំអិតបន្ថែមទៀត

ដំណឹង

បាញ់ប្រហារ នៅហូឡង់៖ ចាប់ខ្លួនខ្មាន់កាំភ្លើង – ស្លាប់យ៉ាងតិច​៣នាក់

នគរបាលនៃប្រទេសហូឡង់ បានហៅហេតុការណ៍«បាញ់ប្រហារ» ​នៅក្រុង «Utrecht» ស្ថិតនៅភាគកណ្ដាលនៃប្រទេស ថាមានទំនោរបែបភេរវកម្ម។ អង្គភាពជាតិ ដើម្បីសន្តិសុខ និងប្រឆាំងអំពើភេរវកម្ម បានអះអាងថា ការបាញ់ប្រហារ​ជាច្រើនបានកើតឡើង នៅក្នុងក្រុង ចាប់ពីម៉ោង១០និង៤៥នាទី ...
របាយការណ៍

ស្វែង​យល់​ពី​នយោបាយ​ទាំង​៧ចំនុច របស់ ដូណាល់ ត្រាំ

តើយុទ្ធសាស្ត្រ ដែលត្រូវយកមកអនុវត្តន៍ ដ៏សំខាន់ជាងគេ របស់លោក ដូណាល់ ត្រាំ (Donald Trump) បេក្ខជន​ជាប់​ឆ្នោត ជាប្រធានាធិបតីទី៤៥ នៃសហរដ្ឋអាមេរិក មានអ្វីខ្លះ? សូមស្វែងយល់ ...
ដំណឹង

គ្រាប់បែក​បង្កៃ​នៅ​លីយ៉ុង៖ អាជ្ញាធរ​បារាំង​បាន​ឃាត់ខ្លួន មនុស្ស​៤នាក់

ជាសរុប មនុស្ស​៤នាក់ ត្រូវបានអាជ្ញាធរបារាំង​ឃាត់ខ្លួន រាប់ចាប់តាំង​​ពីព្រឹកថ្ងៃចន្ទនេះ​មក នៅក្នុងសំណុំរឿងបំផ្ទុះគ្រាប់បែក ក្នុងកញ្ចប់ផ្លុងចោលកណ្ដាលក្រុងលីយ៉ុង (ភាគខាងត្បូង) ដែលបានកើតឡើង កាលពីថ្ងៃសុក្រមុន។ ជនសង្ស័យសំខាន់បំផុត នៅក្នុងសំនុំរឿងនេះ ត្រូវបានអាជ្ញាធរចាប់ខ្លួន បានមុនគេ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...