ដំណឹងពិភពលោក

ចាក់សម្លាប់​ប្អូនស្រី ព្រោះ​នាង​ជំទាស់​ការបង្ខំឲ្យរៀបការ នៅ​អាហ្វហ្គានីស្ដង់

នៅក្នុងប្រទេសអាហ្វហ្គានីស្ដង់ ទាហានម្នាក់បាន​«ចាក់សម្លាប់​ប្អូនស្រី»​របស់ខ្លួន បន្ទាប់ពីយុវតីរូបនោះ បានជំទាស់នឹង​អាពាហ៍ពិពាហ៍ចាប់បង្ខំមួយ ដែលរៀបចំឡើង ដោយគ្រួសាររបស់នាង។

នគរបាលក្នុងស្រុក បានរាយការណ៍ពីហេតុការណ៍ ដ៏អកុសល ដោយហៅទង្វើនេះ ជា«ឧក្រិដ្ឋកម្ម ព្រោះកិត្តិយស»គ្រួសារ នៅអាហ្វហ្គានីស្ដង់ ដែលជាប្រទេស ដែលមាន​ទំនៀមទម្លាប់ ឥស្លាមនិយម យ៉ាងតឹងតែង។

យុវតីរងគ្រោះ ដែលមានអាយុ១៨ឆ្នាំ បានស្លាប់ នៅក្នុងក្រុង «Baharak» នៃខេត្ត «Badakhshan» ដែលស្ថិតក្នុងភាគឦសាន នៃប្រទេស។

អ្នកនាំពាក្យនគរបាល ត្រូវបានទីភ្នាក់ងារ «AFP» ស្រង់សំដី មកអះអាងថា៖

«បន្ទាប់ពីបានប្រព្រឹត្តិហើយ បងប្រុសរបស់នាង បានគេចខ្លួន ចូលក្នុងតំបន់ ដែល​គ្រប់គ្រង ដោយក្រុមតាលីបង់។ តែនគរបាល ​នៅតែបន្ត​ស្វែងរក ចាប់ខ្លួន​ជនដៃដល់​រូបនេះដដែល។»

សកម្មនារីការពាសិទ្ធិស្ត្រី អ្នកស្រី «Asifa Karimi» បានរៀបរាប់ ពីឧក្រិដ្ឋកម្ម​ខាងលើ​ថា យុវតីរងគ្រោះ មានបំណង ចង់រៀបការជាមួយបុរស ដែលនាងស្រឡាញ់។ អ្នកស្រីបន្តថា៖

«ដូច្នេះហើយ នាងបានបដិសេធ អាពាហ៍ពិពាហ៍ ដែលរៀបចំឡើង ដោយគ្រួសាររបស់នាង ហើយបានដើរចូល ទៅក្នុងប៉ុស្ដិ៍នគរបាល ដើម្បីទទួលបានការការពារ។ ផ្ទុយទៅវិញ កងកម្លាំងនគរបាល នៅទីនោះ បាននាំរូបនាង ត្រឡប់ទៅឲ្យគ្រួសារនាងវិញ។»

ស្ត្រីការពារសិទ្ធិស្ត្រីរូបនេះ បានបញ្ជាក់ថា បន្ទាប់ពីបាននាំ ទៅដល់ផ្ទះរួចហើយ បងប្រុស​របស់នាង ដែលជា​ទាហាន​មួយរូប បាន​«ចាក់សម្លាប់​ប្អូនស្រី»​ខ្លួនឯង យ៉ាងសាហាវ​ព្រៃផ្សៃ។

ក្រុមអ្នកនយោបាយប្រឆាំង បានបរិហារ ពីតួនាទី​របស់អាជ្ញាធរមូលដ្ឋាន នៅក្នុង​ឧក្រិដ្ឋកម្ម​មួយនេះ។ ពួកគេបានថ្លែងថា ប្រជាជនអាហ្វហ្គានីស្ដង់​ភាគច្រើន រួមទាំង​នគរបាល និងប្រព័ន្ធយុត្តិធម៌ផង នៅតែមានផ្នត់គំនិតថា «ឧក្រិដ្ឋកម្ម ដើម្បីកិត្តិយស» ជាមធ្យោបាយ​ដ៏​សមស្រប​មួយ ដើម្បីដាក់ពិន័យ ទៅលើ​សមាជិក​គ្រួសារជាស្ត្រីរូបណា ដែលដើរចេញពីផ្ទះ។

នៅក្នុងរយៈពេល នៃការកាន់អំណាច ពីឆ្នាំ១៩៩៦ មកទល់នឹងឆ្នាំ ២០០១ ក្រុមតាលីបង់​បានហាម ពលរដ្ឋជាស្ត្រី មិនឲ្យធ្វើការងារ ឬទៅសាលារៀនឡើយ។ ស្ត្រីរូបណា ដែល​ចាំបាច់​ត្រូវចេញពីផ្ទះ ពួកគេត្រូវគ្របក្បាលឲ្យជិត ដោយកំណាត់។

ក្នុងឆ្នាំ២០១៩កន្លងមក គណៈកម្មាធិការសិទ្ធិមនុស្ស នៃប្រទេសអាហ្វហ្គានីស្ដង់ បាន​រាប់ឃើញករណី ប្រើហិង្សាលើស្ត្រី នៅលើផ្ទៃប្រទេស មានប្រមាណជាង ២៧០០ករណី ដែលកើនឡើង ប្រមាណជា៩% លើសឆ្នាំ២០១៨៕



លំអិតបន្ថែមទៀត

កំសាន្ដ

សង្ឃ និងឧបាសិកា (វគ្គទី១) សំណើចខ្លី

– ព្រះករុណាម្ចាស់! ខ្ញុំករុណាចង់ដឹងណាស់ តើក្នុងលោកមានអ្វីសំខាន់? ព្រះសង្ឃងាកមកមើលឧបាសិកា ដោយភ្ញាក់ផ្អើលរួច ក៏មានសង្ឃដីកាទាំងទើសទាល់៖ – ឱញ៉ោមអើយ សំនួររបស់ញ៉ោម ធ្វើអោយអាត្មាពិបាកនឹងឆ្លើយណាស់ ព្រោះសូម្បីតែ​ខោក្នុង​ សម្រាប់បាំងខ្លួន ...
របាយការណ៍

«មនុស្ស​ជាង​៣០០​នាក់ ត្រូវ​បាន​សម្លាប់ ក្នុងរយៈពេល​២០ឆ្នាំ»

នៅតែប៉ុន្មានថ្ងៃមុនដំណើរមកដល់ នៃប្រធានាធិបតីអាមេរិក លោក បារ៉ាក់ អូបាម៉ា អង្គការឃ្លាំមើលសិទ្ធិមនុស្ស បានចេញ​របាយការណ៍មួយ ដែលលើកពីការសម្លាប់ និងការរំលោភធ្ងន់ធ្ងរ ក្នុងរយៈពេល​២០ឆ្នាំ ឬពីរទសវត្សរ៍ ក្រោមការកាន់អំណាច​ដោយ​ហឹង្សា របស់លោកនាយករដ្ឋមន្ត្រីហ៊ុន ...
កម្រមាន

ជនសង្ស័យ​ក្នុងឃាតកម្ម​លើ សូភី ឡេថាន់ បានសារភាព​នៅទីបំផុត

បុរសវ័យ៦០ឆ្នាំ ដែលត្រូវបានសង្ស័យ ក្នុងសំនុំរឿងឃាតកម្មលើកញ្ញា សូភី ឡេថាន់ (Sophie Le Tan) បានសារភាព​នៅទីបំផុត ក្នុងថ្ងៃអង្គារទី១៩ ខែមករានេះ។ នេះ បើតាមស្ថាប័នអយ្យការបារាំង ...

Comments are closed.

យល់ស៊ីជម្រៅផ្នែក ដំណឹង

ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ដំណឹង

ម៉ាក្រុង តែងតាំង អេលីហ្សាប៊ែត ប៊ន (ទំនោរឆ្វេងនិយម) ជានាយករដ្ឋមន្ត្រី

អ្នកស្រី អេលីហ្សាប៊ែត ប៊ន (Élisabeth Borne) បច្ចុប្បន្នជារដ្ឋមន្ត្រីការងារ ត្រូវបានលោកប្រធានាធិបតី អេម៉ានុយអែល ម៉ាក្រុង (Emmanuel Macron) តែងតាំងជា​នាយករដ្ឋមន្ត្រីថ្មី ដើម្បីដឹកនាំរដ្ឋាភិបាលបារាំង ...
ដំណឹង

ឧក្រិដ្ឋកម្ម៖ ទាហានរ៉ុស្ស៊ី​បាញ់​ជនស៊ីវិលអ៊ុយក្រែន​២នាក់ ពីក្រោយខ្នង

នៅក្នុងយានដ្ឋានមួយកន្លែង ក្បែររដ្ឋធានីគៀវ (ប្រទេសអ៊ុយក្រែន) ទាហានរ៉ុស្ស៊ី២នាក់បានផ្ទុះអាវុធ​ បាញ់សម្លាប់​ជនស៊ីវិលអ៊ុយក្រែន២នាក់ ពីក្រោយខ្នង មុននឹងទាហានទាំងនោះ ចូលឆក់ប្លន់ និងបំផ្លិចបំផ្លាញ​ទ្រព្យសម្បត្តិ​យានដ្ឋាននោះ។ ហេតុការណ៍កើតឡើង តាំងពីថ្ងៃទី១៦ ខែមិនា ឆ្នាំ២០២២ ...