ដំណឹងពិភពលោក

អាមេរិក៖ ផ្ទុះ​កុបកម្ម​ហិង្សា​បន្តបន្ទាប់ ក្រោយ​ការស្លាប់​របស់ ជច៍ ផ្លយ

ការឃាត់ខ្លួន​បុរសអាមេរិកាំងស្បែកខ្មៅ លោក ជច៍ ផ្លយ (George Floyd) រហូតបណ្ដាល​ឲ្យស្លាប់ កាលពីថ្ងៃទី២៥ ខែឧសភា បានបង្កឲ្យ​បណ្ដាជន​អាមេរិក ផ្ទុះការក្ដៅក្រហាយ ជា​បន្តបន្ទាប់ តាំងពីម្សិលមិញមក។

បាតុកម្ម មិនត្រឹមតែបានក្លាយជាកុបកម្ម តែត្រូវបានក្រុមអ្នកឆ្លៀតឱកាស យកទៅប្រើ​ដើម្បី ធ្វើការលួចឥវ៉ាន់ និងទំនិញ ពីហាងលក់ដូរនានា ជាពិសេសហាងលក់ទំនិញ ដែល​ស្ថិត​​នៅក្បែរស្នងការដ្ឋាន នៃក្រុង «Minneapolis» (រដ្ឋ “Minnesota”) ភាគ​ខាងជើង​សហរដ្ឋអាមេរិក

កាលពីថ្ងៃចន្ទ ទី២៥ ខែឧសភា លោក ជច៍ ផ្លយ ត្រូវបានឃាត់ខ្លួន ដោយភ្នាក់ងារ​នគរបាល​បួននាក់ ក្រោមការសង្ស័យថា បានប្រើប្រាស់ប្រាក់ក្លែងក្លាយ។

តាមរយៈ​រូបភាព​វីដេអូ ដែលត្រូវបានថត ដោយសាក្សី​នៅផ្ទាល់កន្លែង គេបានឃើញ​ភ្នាក់ងារ​នគរបាល​ម្នាក់ ប្រើជង្គង់របស់ខ្លួន សង្កត់«ក»លោក ផ្លយ អស់រយៈពេល​ជាច្រើន​នាទី បើទោះ​ជា​លោក ផ្លយ បានស្រែកឡើង ជាច្រើនដងថា «ខ្ញុំមិនអាច​ដកដង្ហើម​បានទេ» ក៏​ដោយ។

ក្នុងពេលបន្ទាប់មក បុរសអាមេរិកាំងស្បែកខ្មៅ អាយុ៤៦ឆ្នាំខាងលើ ត្រូវបានបញ្ជូន ទៅ​កាន់មន្ទីរពេទ្យ ប៉ុន្តែបានស្លាប់ នៅក្នុងយប់​ថ្ងៃចន្ទ ចូលមកថ្ងៃអង្គារទី២៦ ខែឧសភា។

Man dies after being detained by Minneapolis police

"PLEASE, PLEASE I CAN'T BREATHE": A video taken by a bystander shows a Minneapolis police officer kneeling on a man's neck as the man repeatedly says he cannot breathe. The man eventually became unresponsive and later died at the hospital. WARNING: Video contains graphic content and physical violence that some viewers may find disturbing.Details: https://bit.ly/2Acz5g4 Video: Darnella Frazier via Storyful

Gepostet von FOX 29 am Dienstag, 26. Mai 2020

នាយនគរបាលក្រុង «Minneapolis» បានប្រកាសនៅថ្ងៃអង្គារដដែលនោះ ថាភ្នាក់ងារ​នគរបាល ទាំងបួននាក់ ត្រូវបានបញ្ឈប់ពីការងារ ខណៈការិយាល័យ ស៊ើបអង្កេត​សហព័ន្ធ «FBI» បានបើកសំនុំរឿងមួយឡើង ដើម្បីធ្វើការស៊ើបអង្កេត ទៅលើ​មរណភាព​នេះ។

យ៉ាងណា ចំណាត់ការខាងលើ ទំនងជាមិនបានរំងាប់កំហឹង របស់បណ្ដាជននោះឡើយ។ បាតុកម្មជាច្រើន ត្រូវបានរៀបចំធ្វើ និងខ្លះទៀត បានកើតឡើងភ្លាមៗ នៅផ្ទាល់​កន្លែង តាំងពីថ្ងៃពុធ ម្សិលមិញមក។ បាតុករទាំងនោះ បាននាំគ្នា​លើកបដា «ខ្ញុំមិនអាច​ដក​ដង្ហើម​បានទេ» ដែលជា​សម្រែក របស់លោក ផ្លយ នៅពេលលោក​ត្រូវបាន​នគរបាល​សង្កត់«ក» ដោយប្រើជង្គង់។

ប៉ុន្តែបាតុកម្ម បានក្លាយជាការប៉ះទង្គិច រវាងក្រុមបាតុករ និងកងកម្លាំង នៅវេលាល្ងាច និងយប់ឡើង។

នគរបាលបានអះអាងថា មានមនុស្សម្នាក់ បានស្លាប់ បន្ទាប់ពីបានត្រូវគ្រាប់កាំភ្លើង និងមនុស្សម្នាក់ទៀត ត្រូវបានឃាត់ខ្លួន នៅក្នុងអគ្គិភ័យ និងការលក់ឆក់ទំនិញ នៅក្នុង​ហាងលក់ដូរនានា នៅក្បែរស្នងការដ្ឋាន ក្នុងយប់ថ្ងៃពុធ ចូលមកថ្ងៃព្រហស្បត្តិ៍។

អភិបាលរដ្ឋ «Minnesota» លោក «Tim Walz» បានស្នើឲ្យបណ្ដាជន ចាកចេញពីកន្លែង​កើតហេតុ​ទាំងនោះ ដែលលោក​និយាយថា មានសភាព​«គ្រោះថ្នាក់​ខ្លាំង»។ រីឯលោក «Jacob Frey» អភិបាលក្រុង «Minneapolis» បាន​ព្រមាន​ថា កងរក្សាសន្តិសុខជាតិ អាចនឹង​ត្រូវដាក់ពង្រាយ នៅក្នុង ទីក្រុង។

បណ្ដាជន​ជាច្រើននាក់ទៀត នៅក្រុង ឡូសអេជឺឡេស (Los Angeles – ភាគខាង​លិច​សហរដ្ឋអាមេរិក) ក៏បានប្រមូលគ្នា ដើម្បីបិទថ្នល់ឡានល្បឿនលឿន «Hi-Ways» ក្នុងមួយ​រយៈពេល​ខ្លីដែរ។ បាតុករខ្លះ បានលោតឡើង និងវាយបំបែកកញ្ចក់ រថយន្ដនគរបាល។ ក្នុង​ព្រឹត្តិការណ៍​នេះ បាតុករម្នាក់បានរងរបួស បន្ទាប់ពីបានធ្លាក់ ពីរថយន្ដនគរបាល។

សម្រាប់ក្រុមគ្រួសារ របស់លោក ជច៍ ផ្លយ បានទាមទារ ​ឲ្យយកភ្នាក់ងារនគរបាល ទាំង​៤នាក់ មកផ្ដន្ទាទោស ពីបទ«មនុស្សឃាត»។ អ្នកស្រី «Bridgett Floyd» ដែលជា​ប្អូនស្រី បានថ្លែងក្នុងទូរទស្សន៍ «NBC» ថា៖

«ពីព្រោះនោះ ជាអ្វីដែលពួកគេបានធ្វើ គឺពួកគេបានប្រព្រឹត្តិ អំពើមនុស្សឃាត ដាក់​បងប្រុស​របស់ខ្ញុំ៕»



លំអិតបន្ថែមទៀត

ដំណឹង

ត្រាំ រំលើកថា​បាន​លប់ចោល​ការវាយប្រហារ អៀរ៉ង់ ដើម្បី​កុំឱ្យ​ស្លាប់​មនុស្ស

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាងនៅថ្ងៃសុក្រនេះថា លោកមិនជាប្រញាប់ប្រញាល់ណាស់ណា ក្នុងការឆ្លើយតប ដោយកម្លាំងយោធា តបនឹងប្រទេស អៀរ៉ង់ នោះឡើយ។ ...
ដំណឹង

បៃដិន៖ ការវាយប្រហារ​តាមអ៊ិនធើណែត​ពីរ៉ុស្ស៊ី នឹងទទួល​«ការឆ្លើយតប»

ការវាយប្រហារផ្នែកបច្ចេកវិទ្យា តាមបណ្ដាញអ៊ិនធើណែត ពីសំណាក់ប្រទេសរ៉ុស្ស៊ី ទៅលើបណ្ដាភ្នាក់ងាររដ្ឋាភិបាលអាមេរិក នឹង​មិនអាច​បន្តនៅ​ដោយគ្មាន​«ការឆ្លើយតប»ឡើយ។ ប្រធានាធិបតីជាប់ឆ្នោតថ្មី របស់សហរដ្ឋអាមេរិក លោក ចូ បៃដិន (Joe Biden) បានអះអាងឡើងយ៉ាងដូច្នេះ ...
ដំណឹង

«អាមេរិក​និងអ៊ឺរ៉ុប ដើរទន្ទឹមគ្នា ដើម្បីលើកកម្ពស់​គំរូ​លទ្ធិប្រជាធិបតេយ្យ»

សហរដ្ឋអាមេរិក និងសហភាពអ៊ឺរ៉ុប ដើរទន្ទឹមគ្នា ក្នុងការគាំទ្រដល់គំរូលទ្ធិប្រជាធិបតេយ្យ ដែលជាមូលដ្ឋានគ្រឹះ នៃគោល​នយោបាយរួម​របស់ពួកគេ។ នេះ​ជាការអះអាងឡើង របស់លោក ឆាល មីឆែល (Charles Michel) ប្រធាន​ក្រុមប្រឹក្សា​អ៊ឺរ៉ុប ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...