• រដ្ឋសភា​អង់គ្លេស​ទាត់ចោល កិច្ចព្រមព្រៀង​«Brexit»​ជាលើកទី៣

    ការបញ្ចប់់ភាពទ័លច្រក នៃការចាកចេញ របស់ចក្រភពអង់គ្លេស ពីសហភាពអ៊ឺរ៉ុប (EU) រកមិនឃើញពន្លឺនៅឡើយ។ នៅរសៀលថ្ងៃសុក្រនេះ រដ្ឋសភាអង់គ្លេសបានបោះឆ្នោត ទាត់ចោលជាថ្មីទៀត នូវកិច្ចព្រមព្រៀង «Brexit» ដែលរដ្ឋាភិបាលអ្នកស្រី ថេរេសា ម៉េ (Theresa May) បានប្រើពេល៣ឆ្នាំ ដើម្បីចរចាទទួលបាន ជាមួយសហភាពអ៊ឺរ៉ុប។ តំណាងរាស្ត្រ ៣៤៤នាក់ បានបដិសេធ ខណៈមានតែអ្នកតំណាងរាស្ត្រ ២៨៦នាក់ប៉ុណ្ណោះ ដែលផ្ដល់ក្ដីទុកចិត្ត សម្រាប់កិច្ចព្រមព្រៀង «Brexit» ដែលភាគីចរចាទាំងសងខាង បានអះអាងថា បានផ្ដល់ប្រយោជន៍យ៉ាងច្រើន សម្រាប់ចក្រភពអង់គ្លេស។ យ៉ាងណា ការទាត់ចោលរបស់រដ្ឋសភា បង្ហាញពីបរាជ័យម្ដងទៀត សម្រាប់អ្នកស្រី ...
  • សម រង្ស៊ី ថ្លែង​បន្ថែម​ឲ្យ​ជនមាន​កាំភ្លើង ត្រៀម​ការពារ​ខ្លួន​និង​ពលរដ្ឋ

    នៅចំពោះគម្រោងបើកសវនាការ របស់សាលាដំបូងរាជធានីភ្នំពេញ ពីបទចោទ «ញុះញង់កុំឲ្យយោធិន ស្តាប់បង្គាប់ និងធ្វើឲ្យខូចទឹកចិត្តកងទ័ព» លោក សម រង្ស៊ី បានបញ្ជាក់ជំហរថា លោកមិនខ្វល់អ្វីឡើយ។ ផ្ទុយទៅវិញ លោកបានអំពាវនាវបន្ថែម ទៅកាន់ជនណាក៏ដោយ ដែលប្រដាប់ដោយអាវុធ ឲ្យរក្សាអាវុធនេះ ដើម្បី«ត្រៀម​ការពារ​ខ្លួន​និង​ពលរដ្ឋ»។ សារព័ត៌មានក្នុងស្រុកបាន ផ្សាយឲ្យដឹងថា ព្រះ​រាជ​អាជ្ញា​រង​ នៃ​អយ្យការ​អម​សាលា​ដំបូង​រាជធានី លោក ប្លង់​ សុផល​ បាន​ចេញ​​ដីកាកាលពីថ្ងៃទី១៤ ខែមិនា ឆ្នាំ២០១៩ ​​កោះ​ហៅ​លោក ​សម រង្ស៊ី​ ឲ្យ​ចូល​រួម​សវនាការ​ នៅ​ថ្ងៃទី​ ២២ ​ខែ​មេសា​ខាង​មុខ​ ពាក់​ព័ន្ធ​នឹង​បទ​ចោទ​​ទាំងពីរខាងលើ ​តាម​មាត្រា​ ...
  • លឺ ឡាយស្រេង សុំ ហ៊ុន សែន ត្រឡប់​ចូល​កម្ពុជា​វិញ ព្រោះ​នឹក​ស្រុក

    លោក លឺ ឡាយស្រេង អតីតឧបនាយករដ្ឋមន្ត្រី មកពីគណបក្សហ្វុនស៊ីនប៉ិច បានថ្លែងស្នើសុំ ទៅលោកនាយករដ្ឋមន្ត្រី ហ៊ុន សែន ឲ្យអនុញ្ញាតឲ្យរូបលោក បានវិលត្រឡប់ចូលប្រទេសកម្ពុជាវិញ ឲ្យបានយ៉ាងហោចណាស់ ក្នុងឱកាសបុណ្យចូលឆ្នាំប្រពៃណីខ្មែរ ខាងមុខនេះ។  អតីតអ្នកនយោបាយជើងចាស់ បានថ្លែងថា៖ «ខុសត្រូវយ៉ាងម៉េច សូមឲ្យសម្ដេចហ្នឹង គិតឃើញថា ខ្ញុំធ្លាប់ធ្វើសហការី របស់សម្ដេចបីអាណត្តិដែរ គួរណាស់តែផ្ដល់ឱកាស ឲ្យមនុស្សចាស់ម្នាក់នេះ ដែលមិនដឹងថា ស្លាប់ថ្ងៃណា…» លោក លឺ ឡាយស្រេង បានចាកចេញពីប្រទេសកម្ពុជា កាលពីអំឡុងចុងឆ្នាំ២០១៧ បន្ទាប់ពីលោកបានរងបណ្ដឹងចំនួនពីរ។ បណ្ដឹងមួយរបស់លោក ហ៊ុន សែន និងបណ្ដឹងមួយទៀត ...
  • CNRP៖ បាតុករ​៣០មិនា ពលី​ដើម្បី​លទ្ធិ​ប្រជាធិបតេយ្យ សេរីភាព និងយុត្តិធម៌

    គណបក្សសង្គ្រោះជាតិ បានអះអាងថា បណ្ដាបាតុករទាំងអស់ ដែលបានស្លាប់ក្នុងព្រឹត្តិការណ៍ គប់គ្រាប់បែក​នៅខាងមុខ​អតីត​រដ្ឋសភា​ជាតិ កាលពីថ្ងៃទី៣០ ខែមិនា ឆ្នាំ១៩៩៧ ថាជាបុព្វហេតុ ដើម្បី«លទ្ធិប្រជាធិបតេយ្យ សិទ្ធិសេរីភាព និងយុត្តិធម៌» នៅក្នុងប្រទេសកម្ពុជា។ ក្នុងសេចក្ដីថ្លែងការណ៍មួយ ដែលគណបក្សប្រឆាំងមួយនេះ បានចេញផ្សាយ កាលពីប៉ុន្មាននាទីមុន បានសរសេរថា គណបក្សសូមសំដែងការគោរព ចំពោះវិញ្ញាណក្ខន្ធនៃក្រុម«វីរបាតុករ»ទាំងនោះ និងនៅតែបន្តការប្ដេជ្ញាចិត្ត ក្នុងការស្វែងរកយុត្តិធម៌ ជូនជនរងគ្រោះឲ្យខាងតែបាន។ ដើម្បី«លទ្ធិប្រជាធិបតេយ្យ សិទ្ធិសេរីភាព និងយុត្តិធម៌»… គណបក្សបានបញ្ជាក់ថា មកដល់ពេលនេះ របបដឹកនាំក្រុងភ្នំពេញ មិនបានស្វែងរកជនដៃដល់ និងអ្នកបញ្ជា ចំពោះការវាយប្រហារខាងលើនោះទេ។ សេចក្ដីថ្លែងការណ៍គណបក្ស បានសរសេរថា៖ «តែបើតាមរបាយការណ៍ស៊ើបអង្កេត ...
  • ទ្រង់ ធម្មិកោ ស្នើ ហ៊ុន សែន ឲ្យ​ដូរឈ្មោះ​ក្រុង​ព្រះសីហនុ

    នៅចំពោះការប្ដូរមុខមាត់ នៃខេត្តមួយនៅជាប់សមុទ្រកម្ពុជា អតីតព្រះរាជលេខាផ្ទាល់ របស់អង្គមហាវីរៈក្សត្រ គឺព្រះអង្គម្ចាស់ ស៊ីសុវត្ថ ធម្មិកោ បានស្នើសុំនាយករដ្ឋមន្ត្រីកម្ពុជា លោក ហ៊ុន សែន នៅថ្ងៃនេះ ឲ្យប្ដូរឈ្មោះក្រុងព្រះសីហនុចេញ ដើម្បីអ្វីមួយដែលទ្រង់ពន្យល់ថា ដើម្បីការពារព្រះបរមនាម និងកិត្តិយសនៃព្រះមហាវីរក្សត្រ។ មានបន្ទូលជាសំណេរ តាមរយៈគណនីហ្វេសប៊ុករបស់ទ្រង់ ព្រះអង្គម្ចាស់ ធម្មិកោ លើកឡើងថា៖ «សម្តេច! ខ្ញុំសូមស្នើរាជរដ្ឋាភិបាល ប្តូរឈ្មោះ “ក្រុងព្រះសីហនុ” ដាក់ឈ្មោះអ្វីផ្សេងទៅ ដើម្បីរក្សាព្រះកិត្ដិយស​របស់ព្រះអង្គ កុំឲ្យព្រះនាមព្រះអង្គ ជាប់ជាមួយតំបន់ល្បែង កាសុីណូ ដ៏មហាអស្ចារ្យមួយនេះ និងបនផ្សេងៗ ទៀត។» អតីតព្រះរាជលេខាផ្ទាល់ របស់ព្រះបាទ នរោត្ដម ...
  • ថិក គ្រូស ឲ្យ​បន្ថែម​ល្បឿន​អនុម័ត​ច្បាប់​សើរើ​ប្រព័ន្ធ​អនុគ្រោះពន្ធ​ពីកម្ពុជា

    លោក ថិក គ្រូស (Ted Cruz) សមាជិកព្រឹទ្ធសភាដ៏មានឥទ្ធិពល របស់សហរដ្ឋអាមេរិក បានព្រមានលោកនាយករដ្ឋមន្ត្រី ហ៊ុន សែន ថា លោកនឹងបន្ថែមល្បឿន ដើម្បីជំរុញឲ្យតំណាងរាស្រ្តអាមេរិកាំងទាំងអស់ ធ្វើការអនុម័តសេចក្តីព្រាងច្បាប់ថ្មី ស្តីពីពាណិជ្ជកម្មកម្ពុជា ឬហៅជាភាសាអង់គ្លេសថា «The Cambodia Trade Act 2019»។ កាលពីថ្ងៃច័ន្ទ លោកនាយករដ្ឋមន្ត្រី ហ៊ុន សែន បានលើកឡើងជាសាធារណៈ ដោយមិនចេញឈ្មោះ នៅក្នុងពិធីចែកសញ្ញាប័ត្រមួយ កណ្ដាលរាជធានីភ្នំពេញថា លោកនឹងមិនដោះលែងលោកកឹម សុខា នោះទេ ព្រោះលោក កឹម សុខា ...