កម្ពុជាដំណឹង

វៀតណាម​ផ្ដល់១០លាន​ដុល្លារ ដើម្បី​ជួយ​សង់​ទីស្ដីការ​ក្រសួង​ការពារជាតិ

ប្រទេសវៀតណាមកុម្មុយនីស្ដ៍ បានផ្ដល់ថវិកា១០លានដុល្លារ មកឲ្យប្រទេសកម្ពុជា ដើម្បីជួយសាងសង់អគារទីស្ដីការក្រសួងការពារជាតិ។ នេះ បើតាមការអះអាងរបស់លោក ង៉ូ ស៊ុនលិច្ស (Ngo Xuanlich) រដ្ឋមន្រ្តីការពារជាតិវៀតណាម នៅក្នុងជំនួបពិភាក្សាការងារ ជាមួយលោកនាយករដ្ឋមន្ត្រី ហ៊ុន សែន ក្នុងព្រឹកថ្ងៃទី២៨ ខែធ្នូ ឆ្នាំ២០១៨នេះ នាវិមានសន្តិភាព រាជធានីភ្នំពេញ។

ទំព័រហ្វេសប៊ុកនាយករដ្ឋមន្ត្រីកម្ពុជា បានបង្ហោះព័ត៌មានពីជំនួបនេះ ដោយអះអាងថា ប្រទេសវៀតណាមបានផ្តល់ថវិកា ចំនួន១០លានដុល្លារ សហរដ្ឋអាមេរិក ដើម្បីជួយសង់​ អគាររដ្ឋបាលថ្មី របស់ក្រសួងការពារជាតិកម្ពុជា ដែលត្រូវបានផ្ដើមសាងសង់ កាលពីថ្ងៃទី ៣០ ខែមិថុនា ឆ្នាំ២០១៨កន្លងមក។

ក្នុងជំនួបនោះ លោក ង៉ូ ស៊ុនលិច្ស បានលើកឡើង ប្រាប់នាយករដ្ឋមន្ត្រីកម្ពុជា ពីអ្វីដែលលោកបានជជែក និងព្រមព្រៀងជាមួយលោក ទៀ បាញ់ រដ្ឋមន្ត្រីការពារជាតិកម្ពុជា ក្នុងនោះមានកិច្ចសហប្រតិបត្តិការ ដែលកម្ពុជា-វៀតណាម បានធ្វើរួមគ្នា ក្នុងឆ្នាំ២០១៨​កន្លងមក និងកិច្ចសហប្រតិបត្តិការ ដែលគ្រោងធ្វើរួមគ្នាបន្តទៀត សម្រាប់ឆ្នាំ២០១៩។

ទំព័រហ្វេសប៊ុកលោក ហ៊ុន សែន បានបន្តសរសេរឲ្យដឹង ពី«ទិសដៅសហប្រតិបត្តិការឆ្នាំ២០១៩» ដែលរួមមាន កិច្ចការពង្រឹងសមត្ថភាព កងទ័ពនិងកងទ័ព – កិច្ចសហប្រតិបត្តិការ ក្នុងការសង្គ្រោះ នៅពេលមានគ្រោះមហន្តរាយ ដោយបញ្ហាទឹកជំនន់ ភ្លើងឆេះព្រៃជាដើម និងកិច្ចសហប្រតិបត្តិការផ្សេងទៀត។

រដ្ឋមន្ត្រីការពារជាតិវៀតណាម បានឆ្លៀតឱកាសនេះ ដើម្បីអបអរលោក ហ៊ុន សែន ដែលបានទទួលជោគជ័យ ពីការបោះឆ្នោតសាកល នាពេលកន្លងមក និងជោគជ័យនៃសន្និបាតគណៈកម្មាធិការកណ្ដាល របស់គណបក្សប្រជាជនកម្ពុជា កាលពីពេលថ្មីៗនេះ។

សូមជម្រាបដែរថា អគារទីស្ដីការក្រសួងការពារជាតិថ្មី នឹងមានកម្ពស់៧ជាន់ ទទឹកប្រវែង២៨ម៉ែត្រ និងបណ្ដោយ១៩១ម៉ែត្រ ដោយប្រើរយៈពេល​សាងសង់ រហូតដល់​៣៦ខែ។ នេះ បើតាមការបញ្ជាក់ របស់លោក ឧត្តមសេនីយ៍ឯក ង៉ែត នរិន្ទ្រ នាយកនាយកដ្ឋានវិស្វកម្មក្រសួងការពារជាតិ ដែលត្រូវបានស្រង់សំដី ដោយសារព័ត៌មានក្នុងស្រុក៕



លំអិតបន្ថែមទៀត

កម្ពុជា

CIA ទម្លាយថា CPP អាចកែរដ្ឋធម្មនុញ្ញ«បើកផ្លូវឲ្យចិន»ដាក់យោធានៅកម្ពុជា

របបដឹកនាំឯកបក្សក្រុងភ្នំពេញ អាចនឹងធ្វើវិសោធនកម្ម ទៅលើច្បាប់រដ្ឋធម្មនុញ្ញ ដែលជាច្បាប់កំពូលរបស់ប្រទេស ដើម្បី«បើកផ្លូវឲ្យចិន ឈានទៅដាក់មូលដ្ឋាយោធា នៅលើទឹកដីកម្ពុជា»។ នេះ បើតាមការរបាយការណ៍ប្រចាំឆ្នាំមួយ របស់លោក «Daniel Ray Coats»​ ...
កម្ពុជា

រូបភាព ហ៊ុន សែន – យន្ដ មីន មួយនេះ មានន័យ​ច្រើនយ៉ាង

ក្រុមអ្នកប្រើប្រាស់បណ្ដាញសង្គម បានចែករំលែកតៗគ្នា នូវរូបភាពមួយសន្លឹកខាងលើនេះ ហើយបាននាំគ្នា ធ្វើអត្ថាធិប្បាយចម្រុះគ្នា និង«មានន័យ​ច្រើនយ៉ាង»។ រូបនោះ បង្ហាញឲ្យឃើញលោក ហ៊ុន សែន ដែលទៅដល់ផ្ទាល់​ក្នុង​កន្លែងកើតហេតុ នៃការបាក់រលំអគារចិន ក្នុងខេត្តព្រះសីហនុ ...
កម្ពុជា

សម រង្ស៊ី ផ្ញើរ​សារ​«ឲ្យ ហ៊ុន សែន ដោះលែង កឹម សុខា មុន​មន្ត្រី​ទាំង​១១៨»

មេដឹកនាំប្រឆាំងរបស់កម្ពុជា លោក សម រង្ស៊ី ដែលកំពុងស្ថិត​​ក្នុងប្រទេសបារាំង បានផ្ញើរសារមួយ នៅមុននេះបន្តិច ជូនទៅនាយករដ្ឋមន្ត្រីចាស់វស្សា នៅកម្ពុជា លោក ហ៊ុន សែន ដើម្បីស្នើឲ្យធ្វើការដោះលែង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...