កម្ពុជាដំណឹង

អ្នកនាំពាក្យថា សម រង្ស៊ី អាចត្រូវ​«ក្រុមបាតដៃទី៣»​សម្លាប់ បើហ៊ាន​ចូល​ស្រុក

បើឧត្ដមសេនីយ៍​យោធាច្រើននាក់ ស្និតនាយករដ្ឋមន្ត្រីកម្ពុជា បានប្រកាស​ក្នុងប៉ុន្មានថ្ងៃចុងក្រោយ ត្រៀម​កម្ទេចលោក សម រង្ស៊ី នៅពេលមេដឹកនាំប្រឆាំងរូបនេះ វិលចូលកម្ពុជាវិញនោះ សម្រាប់លោក សុខ ឥសាន វិញ បានអះអាងថា នឹងអាចមាន«ក្រុមបាតដៃទី៣» សម្លាប់លោក សម រង្ស៊ី ដើម្បីទម្លាក់កំហុសដាក់រដ្ឋាភិបាល។

អ្នកនាំពាក្យគណបក្សកាន់អំណាច បានថ្លែងដូច្នេះ ក្នុងកិច្ចសម្ភាសមួយ ឲ្យទៅទីភ្នាក់ងារ «Reuters» កាលពីម្សិលម៉ិញ ដើម្បីប្រតិកម្មតប​នឹងគម្រោង​វិលចូលស្រុក របស់ប្រធានស្ដីទី​គណបក្សប្រឆាំង ដែលអះអាងថា នឹងធ្វើឲ្យខាងតែបាន នៅក្នុងឆ្នាំ២០១៩នេះ។

លោក សុខ ឥសាន បានថ្លែងឡើងថា៖

«បើទណ្ឌិត សម រង្ស៊ី ហ៊ានវិលចូលប្រទេសកម្ពុជាវិញនោះ នឹងអាចមាន ក្រុមបាតដៃទី៣ បាញ់សម្លាប់ទណ្ឌិត សម រង្ស៊ី ហើយទម្លាក់កំហុស ដាក់រដ្ឋាភិបាលកម្ពុជា។»

ការអះអាងរបស់មន្ត្រីអ្នកនាំពាក្យ ទទួលបានប្រតិកម្មភ្លាមៗ ពីលោក សម រង្ស៊ី តាមរយៈបណ្ដាញសង្គមទ្វីសធើរ។ មេដឹកនាំប្រឆាំង ដែលជាគូបដិបក្ខផ្នែកនយោបាយ របស់លោក ហ៊ុន សែន បានថ្លែងឡើងថា៖

«លោក ហ៊ុន សែន នឹងធ្វើអ្វីគ្រប់យ៉ាង ដើម្បីរារាំងខ្ញុំ កុំឲ្យវិលត្រឡប់ចូលកម្ពុជាវិញ ព្រោះគាត់ខ្លាចប្រជាពលរដ្ឋ ងើបឡើងនៅអំឡុងពេល នៃការវិលត្រឡប់របស់ខ្ញុំ។ តែខ្ញុំនឹង​មិន​រាថយទេ។»៕



You may also like

កម្ពុជា

ហ៊ុន សែន បន្តបញ្ជា​ឲ្យ​«ចាប់ខ្លួន សម រង្ស៊ី» ព្រោះថា​មិនមែន​ជារឿង​បុគ្គល

ប្រធានគណបក្សកាន់អំណាចនៅកម្ពុជា លោក ហ៊ុន សែន បានបន្តរំឭក ឲ្យ«ចាប់ខ្លួន»លោក សម រង្ស៊ី ប្រសិនជាមេដឹកនាំប្រឆាំងរូបនេះ មានវត្តមាននៅកម្ពុជា។ ខុសពីការថ្លែងលើកមុនៗ ដែលថា ករណីលោក ...
កម្ពុជា

ហ៊ុន សែន ពន្យល់​ពីខួប​ទី៥០ នៃថ្ងៃខែឆ្នាំ​កំណើត​«មិនពិត»​របស់លោក

ថ្ងៃខែឆ្នាំកំណើត «មិនពិត» របស់លោក ហ៊ុន សែន មិនមែនជារឿងថ្មីទេ ព្រោះវាត្រូវបាននាយករដ្ឋមន្ត្រីរូបនេះ លើកឡើងដដែលៗ សឹងជារៀងរាល់ឆ្នាំ។ តែប្លែកនៅត្រង់ថា ឆ្នាំថ្មី ឆ្នាំ២០២០ បុរសខ្លាំងកម្ពុជា ...
កម្ពុជា

ហ៊ុន សែន៖ «គ្មានការដកតំណែង សាយ ឈុំ និង ស ខេង ទេ»

នាយករដ្ឋមន្រ្តី នៃរបបក្រុងភ្នំពេញ បានថ្លែងច្រានចោល ដំណឹងលេចឮទាំងឡាយ ដែលថានឹងមានការដកតំណែង អនុប្រធានគណបក្សប្រជាជនកម្ពុជាទាំងពីររូប គឺលោក សាយ ឈុំ ប្រធានព្រឹទ្ធសភា និងលោក ស ខេង ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...