កម្ពុជាដំណឹង

សម រង្ស៊ី បង្ហើបថា ហ៊ុន សែន ឲ្យ​១ម៉ឺន​ដុល្លារ​ម្នាក់​ដើម្បី​សុំសិទ្ធិ​ធ្វើនយោបាយ

ប្រធានស្ដីទីគណបក្សសង្គ្រោះជាតិ បានបង្ហើបឲ្យដឹងថា លោក ហ៊ុន សែន ត្រៀមផ្ដល់ប្រាក់ មួយម៉ឺនដុល្លារម្នាក់ ទៅមន្ត្រីគណបក្ស​សង្គ្រោះជាតិណា ដែលយល់ព្រម មកសុំសិទ្ធិធ្វើនយោបាយឡើងវិញ។

លោក សម រង្ស៊ី បានថ្លែងឡើងដូច្នេះ នៅក្នុងព័ត៌មានខ្លីៗ ដែលលោកបានបង្ហោះ នៅលើទំព័រហ្វេសប៊ុករបស់គាត់ កាលពីប៉ុន្មាននាទីមុន។ មេដឹកនាំប្រឆាំងបានសរសេរថា៖

«ទោះជាគាត់ បានជម្រុញរដ្ឋសភាទីងមោង របស់គាត់ ឲ្យធ្វើច្បាប់មួយពិសេស ដើម្បីបង្ខំឲ្យមន្ត្រីគណបក្សសង្គ្រោះជាតិ ១១៨ រូប មកសុំសិទ្ធិ ធ្វើនយោបាយវិញ ពីគាត់យ៉ាងណាក៏ដោយ ក៏លោក ហ៊ុន សែន ទទួលបរាជ័យយ៉ាងអាម៉ាស់ ពីព្រោះអ្នកដែលចាញ់បោកគាត់ ប្រហែលជាមិនលើសពី ២ នាក់ទេ»។

ប្រធានស្ដីទីគណបក្សប្រឆាំង បានបញ្ជាក់ថា មនុស្សពីរនាក់ ដែលបាន​«ចាញ់បោក»​លោក ហ៊ុន សែន គឺលោក គង់ គាំ និងកូនប្រុសគាត់ម្នាក់។ លោកបានបន្តថា៖

«ដោយសារតែលោក ហ៊ុន សែន មិនចង់ខ្មាសគេពេក លឺសូរថាគាត់នឹងផ្តល់មួយម៉ឺនដុល្លារម្នាក់ ឲ្យទៅមន្ត្រីគណបក្សសង្គ្រោះជាតិណា ដែលយល់ព្រមមកសុំសិទ្ធិធ្វើនយោបាយ​ពីគាត់។»

បើទោះជាច្បាប់ធ្វើវិសោធនកម្មថ្មី ទៅលើច្បាប់ ស្ដីពីគណបក្សនយោបាយ ដែលបើកផ្លូវឲ្យមន្ត្រីគណបក្សប្រឆាំង ពីលទ្ធភាព​អាចធ្វើ​សកម្មភា​ពនយោបាយឡើងវិញ ត្រូវបានព្រះមហាក្សត្រឡាយព្រះហស្ថលេខា ចូលជាធរមានហើយក្ដី ក៏មន្ត្រីគណបក្សសង្គ្រោះជាតិ ទាំង១១៨នាក់ (តាមពិត នៅសល់តែ១១៧នាក់ ដោយមានមន្ត្រីម្នាក់ ទទួលមរណភាព) ហាក់មិនអើពើអ្វីឡើយ វៀលែងតែលោក គង់ គាំ និងលោក គង់ បូរា ដែលបានដាក់ពាក្យស្នើសុំនេះ ទៅកាន់ក្រសួងមហាផ្ទៃ កាលពីម្សិលម៉ិញរួច។

ច្បាប់ថ្មី បានតម្រូវឲ្យមន្ត្រីទាំងនោះ ធ្វើសំណើរផ្ទាល់ ទៅនាយករដ្ឋមន្ត្រី ឬតាមរយៈរដ្ឋមន្ត្រីមហាផ្ទៃ ដើម្បីអាចឲ្យនាយករដ្ឋមន្ត្រី ទូលស្នើទៅព្រះមហាក្សត្រ ពីការផ្ដល់សិទ្ធិ ធ្វើនយោបាយ​នេះឡើងវិញ។

កាលពីព្រឹកម្សិលម៉ិញ លោកនាយករដ្ឋមន្ត្រី ហ៊ុន សែន បានថ្លែងបញ្ជាក់ នៅក្នុងជំនួបឯខេត្តតាកែវ ​ជាមួយ​កម្មករ-​កម្មការិនី​រាប់ពាន់នាក់ថា លោកនឹងមិនតបតរ និងធ្វើអត្ថាធិប្បាយអ្វីទៀត ជាមួយមន្ត្រីគណបក្សប្រឆាំង ជាពិសេសជាមួយលោក សម រង្ស៊ី ទៀតទេ ដោយហេតុថា លោកបាននិយាយរួចអស់ហើយ អំពីករណីទាំងនេះ។ បុរសខ្លាំងកម្ពុជា បានបោះពាក្យឲ្យថា៖

«អាណាចង់ទៅងាប់ឯណា ក៏ងាប់ទៅ ! កុំទៅខ្វល់ពេក។»៕



លំអិតបន្ថែមទៀត

កម្ពុជា

រដ្ឋាភិបាល​នឹង​ចាត់​វិធានការ​ប្រឆាំង​«អ្នកប្រតិដ្ឋ»​ស្ថានភាព​ជំងឺ ហ៊ុន សែន

អ្នកប្រតិដ្ឋ ឬបង្កើតស្ថានភាពអាក្រក់ ពីសុខភាពរបស់លោកនាយករដ្ឋ ហ៊ុន សែន នឹងត្រូវជាប់ចោទ ពីការប្រព្រឹត្តិ​​បទល្មើសព្រហ្មទណ្ឌ ហើយនឹងរងវិធានការ​យ៉ាងម៉ឺងម៉ាត់ ពីរបបក្រុងភ្នំពេញ។ នេះ បើតាមលោក ផៃ ស៊ីផាន ...
របាយការណ៍

«សមិទ្ធិផល»នៃសម្តេច សីហនុ ត្រូវ​ខ្មែរក្រហម​បំផ្លាញ​អស់?

តើ«សមិទ្ធិផល»របស់សម្ដេច នរោត្ដម សីហនុ ណាខ្លះ ដែលបានបាត់បង់ និងសមិទ្ធិផល​ណាទៀត ដែល​នៅសេសសល់ ហើយក្លាយជាអ្វី នៅពេលបច្ចុប្បន្ននេះ? កាលពីថ្ងៃទី១៦ ខែតុលា ឆ្នាំ២០១២ ខណៈដែលប្រជាជនកម្ពុជាជាទូទៅ ...
កម្ពុជា

អាល្លឺម៉ង់៖ កម្ពុជា​មិនពិបាក កែ​លម្អ​បញ្ហា​សិទ្ធិមនុស្ស និង​ប្រជាធិបតេយ្យ​ទេ

រដ្ឋាភិបាលអាល្លឺម៉ង់ បានអះអាងថា បញ្ហាសិទ្ធិមនុស្ស និងលទ្ធិប្រជាធិបតេយ្យ នៅក្នុងប្រទេសកម្ពុជា នៅតែជា«មូលដ្ឋានគ្រឹះ» នៃកិច្ចសហប្រតិបត្តិការ រវាងប្រទេសអាល្លឺម៉ង់-កម្ពុជា។ ជាពិសេស ក្រុងប៊ែរឡាំង បានរំឭកក្រុងភ្នំពេញថា កម្ពុជា​មិនពិបាក ក្នុងការកែលំអបញ្ហាសិទ្ធិមនុស្ស ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...