«យុទ្ធសាស្ត្រ របស់លោក ហ៊ុន សែន បរាជ័យ ទាំងស្រុង ក្នុងការប៉ុនប៉ងកម្ទេចគណបក្សសង្គ្រោះជាតិ ពីខាងក្នុង» ដោយសារការវិលត្រឡប់ របស់លោក សម រង្ស៊ី មកដឹកនាំគណបក្សសង្គ្រោះជាតិវិញ ក្នុងឋានៈជាប្រធានស្តីទី។

មេដឹកនាំប្រឆាំង បានធ្វើអត្ថាធិប្បាយដូច្នេះ កាលពីប៉ុន្មាននាទីមុន នៅលើទំព័រហ្វេសប៊ុករបស់លោក ដោយពន្យល់ថា លោកនាយករដ្ឋមន្ត្រី បានប្រើកលល្បីចជាច្រើន មានដូចជា «មធ្យោបាយគំរាមកំហែងគ្រប់បែបយ៉ាង និងមានមធ្យោបាយ ដាក់សម្ពាធផ្លូវចិត្ត ផ្លូវកាយ និងផ្លូវសម្ភារៈ ច្រើនយ៉ាងណាស់» មកលើលោក កឹម សុខា និងមកលើអ្នកនៅជុំវិញលោក កឹម សុខា (គឺក្រុមគ្រួសារ និងជំនួយការ ដែលមិនអាចចេញរួច ពីប្រទេស​កម្ពុជា) ដើម្បីជម្រុញឲ្យប្រធានគណបក្សសង្គ្រោះជាតិ [លោក កឹម សុខា] សម្លាប់គណបក្ស​ខ្លួនឯង ពីក្នុងមកវិញ។

លោក សម រង្ស៊ី សរសេរបន្តថា៖

«ដើម្បីសម្រេចបានបំណងនេះ លោក ហ៊ុន សែន គ្រាន់តែបង្ខំ ឬក៏បង្វិលលោក កឹម សុខា តាមរបៀបច្រើនយ៉ាង ដែលគេប្រើចំពោះ ចំណាប់ខ្មាំង ឬឈ្លើយសឹក ដើម្បីឲ្យលោក កឹម សុខា បែកចេញពីលោក សម រង្ស៊ី ឬក៏ឲ្យលោក កឹម សុខា ឈប់ទាមទារ ឲ្យគណបក្សសង្គ្រោះជាតិ ដំណើរការឡើងវិញ ដោយលោក កឹម សុខា នេះ យល់ព្រមទៅដឹកនាំគណបក្សផ្សេងមួយទៀត ដែលមានស្រាប់ ឬក៏នឹងបង្កើតថ្មី។»

មេដឹកនាំប្រឆាំង បានពន្យល់ទៀតថា៖

«ពេលនោះ លោក ហ៊ុន សែន ងាយស្រួលទៅបញ្ចុះបញ្ចូល សហគមន៍អន្តរជាតិ ដោយប្រាប់គេថា មិនចាំបាច់ទាមទារ ឲ្យគណបក្សសង្គ្រោះជាតិ ដំណើរការឡើងវិញទេ ពីព្រោះគណបក្សនេះ វាស្លាប់ដោយខ្លួនវាទៅហើយ។»

«ដូច្នេះ ការវិលត្រឡប់មកវិញរបស់លោក សម រង្ស៊ី នេះ ធ្វើឲ្យយុទ្ធសាស្ត្ររបស់លោក ហ៊ុន សែន បរាជ័យទាំងស្រុង ក្នុងការប៉ុនប៉ងកម្ទេចគណបក្សសង្គ្រោះជាតិ ពីខាងក្នុង។ ពេលនេះ លោក ហ៊ុន សែន មិនអាចពង្រឹងអំណាចផ្តាច់ការ របស់គាត់បានទេ ហើយក៏មិនអាចជៀសវាងបានទេ នូវសម្ពាធអន្តរជាតិ ដែលកំពុងតែជំរុញ ឲ្យគណបក្សសង្គ្រោះជាតិ ដំណើរការឡើងវិញ ដើម្បីឲ្យលទ្ធិប្រជាធិបតេយ្យ រស់ឡើងវិញ នៅប្រទេសកម្ពុជា។»៕



លំអិតបន្ថែមទៀត

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

ដើម្បីដាក់បញ្ចប់ នូវយុទ្ធនាការកម្ចាត់លោក សម រង្ស៊ី ចេញពីសង្វៀននយោបាយ លោកនាយករដ្ឋមន្ត្រី ហ៊ុន សែន បានប្រកាសឲ្យគូបដិបក្ខរបស់លោក ត្រូវចេញមុខធ្វើការ«សុំទោស»លោក ជាសាធារណៈ ដោយអះអាង​នៅក្នុងការសុំទោស​នោះថា លោក ...
កម្ពុជា

ហ៊ុន សែន បដិសេធ​ព័ត៌មាន​ពី​«ហត្ថលេខា​សម្ងាត់»​ឲ្យចិន​ប្រើ​មូលដ្ឋាន​ទ័ព

បុរសខ្លាំងកម្ពុជា បានចេញមុខបដិសេធ​ដោយផ្ទាល់ ដើម្បីប្រតិកម្មតប នឹងការចុះផ្សាយរបាយការណ៍មួយ របស់សារព័ត៌មានអាមេរិកដ៏ធំ ឈ្មោះ «The Wall Street Journal» ដែលអះអាងថា កម្ពុជាបានចុះ«ហត្ថលេខា​សម្ងាត់» ដើម្បីអនុញ្ញាតឲ្យចិនកុម្មុយនីស្ដិ៍ ...
ដំណឹង

រដ្ឋាភិបាលហុងគ្រីថា ​ប្រមុខការទូត​ខ្លួន​«អវិជ្ជមានកូវីដ»​មុនមកដល់​កម្ពុជា

រដ្ឋាភិបាលហុងគ្រី បានអះអាងថា លោក ភីតធ័រ ស្ស៊ីយ៉ាតូ (Peter Szijjarto) ​​រដ្ឋមន្ត្រី​ការបរទេស និង​ពាណិជ្ជកម្ម​ របស់ខ្លួន មានលទ្ធផលតេស្ដិ៍​«អវិជ្ជមានកូវីដ» នៅមុនលោក​ធ្វើដំណើរ មកបំពេញទស្សនកិច្ចផ្លូវរដ្ឋ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.