កម្ពុជាដំណឹង

សម រង្ស៊ី ចង្អុល​បង្ហាញថា តុលាការ​ក្រុង​ភ្នំពេញ​«ពិតជាអាយ៉ង​ ហ៊ុន សែន»

ប្រធាន​ស្ដីទី​គណបក្ស​សង្គ្រោះជាតិ បានពន្យល់ថា បើចង់ដឹងស៊ីជម្រៅ ពីករណី​ចោទប្រកាន់ ទៅលើលោក កឹម សុខា តុលាការក្រុងភ្នំពេញ គួរកោះហៅរូបលោក ទៅសាកសួរ ដោយហេតុថា នៅក្នុងពេលដែលលោក កឹម សុខា ថ្លែងទៅកាន់អ្នកគាំទ្រ នៅកោះអូស្ត្រាលី គឺរូបលោក (សម រង្ស៊ី) ជាប្រធានគណបក្ស ហើយលោក កឹម សុខា គ្រាន់តែជា អនុប្រធានប៉ុណ្ណោះ។

នៅលើបណ្ដាញសង្កម កាលពីប៉ុន្មានម៉ោងមុន លោក សម រង្ស៊ី បានធ្វើសេចក្ដីសន្និដ្ឋាន ដូច្នេះថា៖

«បើតុលាការ មិនចង់ដឹងការពិត ពីខ្ញុំទេ មានន័យថា តុលាការទីក្រុងភ្នំពេញនេះ ពិតជាអាយ៉ងមែន ហើយជនផ្តាច់ការ ហ៊ុន សែន ពិតជាយកតុលាការអាយ៉ងនេះ ធ្វើជាឡប់ឡែ​មែន ដើម្បីធ្វើបាប​អ្នកស្លូតត្រង់ នៅប្រទេសកម្ពុជា ក្នុងគោលបំណង ​ការពារអំណាចផ្តាច់ការ​របស់គាត់។»

មេដឹកនាំប្រឆាំង ដែលកំពុងនិរទេសខ្លួន នៅក្រៅប្រទេស បានសរសេរទទួលខ្លួនលោកថា៖

«ក្នុងសំណុំរឿងចោទប្រកាន់លោក កឹម សុខា ពីបទ “សន្និដ្ឋិភាពជាមួយបរទេស” ស្មើទៅនឹងបទ “ក្បត់ជាតិ” និងពីបទបំផុសបំផុលកម្មករ ឲ្យធ្វើបាតុកម្ម នៅទីក្រុងភ្នំពេញ កាលពីដើមខែមករា ឆ្នាំ ២០១៤ សាក្សីដែលដឹងរឿង ច្រើនជាងគេ គឺរូបខ្ញុំ សម រង្ស៊ី តែម្តង។»

លោកបន្តថា៖

«មិនចាំបាច់កោះហៅលោក គង់ គាំ មកសាកសួរទេ ពីព្រោះគាត់គ្រាន់តែបានធ្វើ ជាទីប្រឹក្សារបស់ខ្ញុំទេ ហើយគាត់មិនសូវដឹងរឿងអ្វីទេ ហើយក៏មិនបានចូលរួម ធ្វើសេចក្តីសម្រេច ដ៏សំខាន់អ្វីឡើយ។»

លោក សម រង្ស៊ី បានថ្លែងទទួលខ្លួនលោកទៀតថា៖

«ខ្ញុំ សម រង្ស៊ី ដឹងរឿងច្រើនជាងគេបង្អស់ ហើយខ្ញុំក៏ទទួលខុសត្រូវ ខ្ពស់ជាងគេបង្អស់ដែរ ពីព្រោះខ្ញុំ ជាអ្នកធ្វើសេចក្តីសម្រេច ចុងក្រោយ ក្នុងការអនុវត្តន៍យុទ្ធសាស្ត្រ របស់គណបក្សសង្គ្រោះជាតិ។ ក្នុងឋានៈខ្ញុំជាប្រធាន ខ្ញុំមានទំនាក់ទំនង ជាមួយដៃគូអាមេរិកាំង របស់គណបក្សសង្គ្រោះជាតិ ច្រើនជាងលោក កឹម សុខា ទៅទៀត ហើយខ្ញុំក៏មានទំនាក់ទំនង ជាមួយកម្មករនៅស្រុកខ្មែរ ច្រើនជាងលោក កឹម សុខា ទៅទៀតដែរ។»

«ដូច្នេះ បើចង់ស៊ីជម្រៅ ក្នុងសំណុំរឿង ចោទប្រកាន់លោក កឹម សុខា ពីបទល្មើសទាំងពីរដូចបានបញ្ជាក់ខាងលើនេះ តុលាការអាយ៉ង ត្រូវតែហៅខ្មុំមកសាកសួរ មុនគេបង្អស់។ ខ្ញុំ សម រង្ស៊ី ត្រៀមខ្លួនផ្តល់ព័ត៌មាន ពាក់ព័ន្ធសំណុំរឿងលោក កឹម សុខា នេះ តាមរយៈប្រព័ន្ធវីដេអូ Skype ពីសហរដ្ឋអាមេរិក ដែលខ្ញុំកំពុងតែស្ថិតនៅ ពេលនេះ។»៕



លំអិតបន្ថែមទៀត

ទស្សនៈប្រិយមិត្ត

ទស្សនៈអ្នក​អាន៖ «ចំណេះ​ជិះ​ក​ឯង»

«ចំណេះ​ជិះ​ក​ឯង»៖ ក្នុងយុទ្ធនាការឃោសនាបោះឆ្នោត ការប្រើការសន្យាខ្លីៗថា នឹងផ្ដល់នេះនោះជូនពលរដ្ឋ ដែលបោះឆ្នោត​ឲ្យ​គណបក្សខ្លួន ក្នុងន័យទាក់ទាញសន្លឹក​ឆ្នោត​ផង បន្លំពលរដ្ឋផង ជាលទ្ធផលមុខជា​មានអ្នក​អង្គុយ​ចាំទារ​ការ​អនុវត្ដសន្យា​ទាំងនោះ​មិនខាន។ ជាក់ស្ដែងដូចគណបក្សសង្គ្រោះជាតិ ដែលពេលនេះ ​កំពុង​តែវ័ណ្ឌក​​ដោះ​សារ គេច​ពីការផ្ដល់កញ្ចប់ថវិកា កន្លះលានដុល្លារមួយឆ្នាំ ...
កម្ពុជា

ហ៊ុន សែន ព្រមាន​ឈប់​និយាយ​រក​​គណបក្ស​ប្រឆាំង

នាយករដ្ឋមន្ត្រីកម្ពុជា ដែលអង្គុយក្នុងតំណែង តាំងពីជាង ៣ទសវត្សន៍មកនោះ បានព្រមាននៅព្រឹក ថ្ងៃពុធ ទី៩ ខែមករា ឆ្នាំ២០១៩​ នេះ ថាលោកបាននិយាយរួចរាល់ អស់ហើយ ហើយនឹងមិននិយាយបន្ថែម ...
កម្ពុជា

ហ៊ុន សែន មិនប្រកាសអាសន្ន បន្ទាប់ពី​ផ្ទុះឆ្លងចូល​សហគមន៍​«៣២ករណី»

មកដល់ម៉ោងនេះ នាយករដ្ឋមន្ត្រីកម្ពុជា លោក ហ៊ុន សែន នៅមិនទាន់ប្រកាស ដាក់ប្រទេស​ឬតំបន់មួយចំនួន ឲ្យស្ថិត​ក្នុង​ភាពអាសន្ន​នៅឡើយ បន្ទាប់ពីកម្ពុជា​បានរកឃើញការឆ្លងមេរោគកូវីដ-១៩ (Covid-19) ចំនួន​«៣២ករណី» ក្នុងថ្ងៃសៅរ៍ទី២០ ខែកុម្ភៈ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...
កម្ពុជា

ហ៊ុន សែន ឲ្យប្រគល់​«សត្វតោ»​ទៅម្ចាស់វិញ ខណៈ​មន្ត្រីថា​អនុវត្តច្បាប់

ប្រសិនជាមន្ត្រីក្រសួងកសិកម្ម និងបរិស្ថាន ខិតខំពន្យល់ថា ទង្វើរឹបអូស«សត្វតោ» ជាការអនុវត្តច្បាប់នោះ ទីបំផុតទៅ លោក ហ៊ុន សែន បានចេញបញ្ជាឲ្យប្រគល់សត្វតោនេះ ត្រឡប់ទៅឲ្យម្ចាស់ដើម ដែលជាជនជាតិចិនវិញ។ បុរសខ្លាំងនៅកម្ពុជា ...