កម្ពុជាដំណឹង

CPP បដិសេធ​ឯកសារមួយ ដែលអះអាង​ជាផ្ទៃក្នុង​បក្ស​ហើយ​គាំទ្រ ​សម រង្ស៊ី

តាំងពីព្រឹកម៉ិញនេះមក ឯកសារមួយដែលសរសេរក្រោមស្លាកសញ្ញា របស់គណបក្សប្រជាជនកម្ពុជា ( CPP ) និងមានដាក់ឈ្មោះថា «អ្នកស្នេហាជាតិ គណបក្សប្រជាជនកម្ពុជា» ត្រូវបានទំព័រហ្វេសប៊ុកមួយឈ្មោះ «Ar Kambang Knong Ar Kambang (អាថ៌កំបាំងក្នុងអាថ៌កំបាំង)» យកមកបង្ហោះ មុននឹងត្រូវបានទំព័រហ្វេសប៊ុកផ្លូវការ របស់លោក សម រង្ស៊ី យកមកចែករំលែកបន្ត។

លិខិតនោះ មានសរសេរក្នុងនាម ជាថ្នាក់ដឹកនាំគណបក្សប្រជាជនកម្ពុជា ដែលមានចំនួន«ភាគច្រើន»នៃគណៈកម្មាធិការរកណ្ដាល និងគណៈអចិន្ត្រៃយ៍គណបក្ស បានសំដែង«ការខកចិត្តយ៉ាងខ្លាំង និងព្រួយបារម្មណ៍យ៉ាងក្រៃលែង ចំពោះទង្វើផ្ដាច់ការ និងក្បត់ជាតិរបស់បុគ្គល ហ៊ុន សែន ដែលជាមនុស្សឆ្កួតនឹងអំណាច វង្វេងជាតិ»។ 

ម្ចាស់លិខិត ដែលអះអាងថា មិនទាន់បញ្ចេញឈ្មោះក្នុងពេលនេះ បានសរសេរថា៖

«ពួកយើងនឹងដឹកនាំ​កម្លាំងផ្ទៃក្នុង​គណបក្សប្រជាជនកម្ពុជា ដ៏ច្រើនលើសលប់ ដើម្បីមករួមកម្លាំងជាមួយអ្នកស្នេហាជាតិ ស្នេហាប្រជាធិបតេយ្យ (…) ដើម្បីជំរុញឲ្យមានការផ្លាស់ប្ដូរជាវិជ្ជមាន នៅក្នុងឆ្នាំ២០១៩នេះ។»

ហៅ «ឯកឧត្ដម សម រង្ស៊ី» រួចក៏ហៅថា «លោក» វិញ…

បន្ទាប់មកលិខិតដដែល ដែលសរសេរក្នុងរបៀបជា «សេចក្ដីថ្លែងការណ៍» បានអះអាងទៀតថា នឹងរួមកម្លាំងជាមួយប្រជារាស្ត្រ ដែលគាំទ្រគណបក្សសង្គ្រោះជាតិ ដើម្បីស្វាគមន៍«ឯកឧត្ដម សម រង្ស៊ី ក្នុងដំណើរមាតុភូមិនិវត្តន៍ របស់លោក ក្នុងឆ្នាំ២០១៩​នេះ»។

ខ្លឹមសារ និងការបង្ហោះចេញ របស់លិខិតប្រកបដោយមន្ទិល ដែលមានការចែករំលែកច្រើនរយដង ក្នុងរយៈពេលតែប៉ុន្មានម៉ោងប៉ុណ្ណោះនោះ បានបង្កឲ្យប្រតិកម្មខ្លាំងៗមកវិញភ្លាមៗដែរ។ នោះគឺគណបក្សប្រជាជនកម្ពុជា បានប្រកាស«ទាត់ចោល»លិខិតខាងលើ ដោយចាត់ទុកលិខិតនោះ ថាជា«ឯកសារក្លែងក្លាយ» ដែលមានគោលបំណង «ញុះញង់បំបែកបំបាក់» «បង្កភាពវឹកវរក្នុងសង្គម» និង«បំផ្លាញដំណើរការអភិវឌ្ឍប្រទេសជាតិ»។

សេចក្ដីថ្លែងការណ៍របស់គណបក្សកាន់អំណាច ដែលទស្សនាវដ្ដីមនោរម្យ.អាំងហ្វូ ទទួលបានកាលពីមុននេះ បានប្រកាសថ្កោលទោស ចំពោះទង្វើក្លែងឯកសារខាងលើ និងប្ដឹងដល់អាជ្ញាធរមានសមត្ថកិច្ច ដើម្បីវែកមុខរកជនពាក់ព័ន្ធ មកផ្ដន្ទាទោសតាមច្បាប់។

អតីតគណបក្សកុម្មុយនីស្ដិ៍ បានប្រតិកម្មតបវិញទៀតថា៖

«គណបក្សប្រជាជនកម្ពុជាទាំងមូល មានសាមគ្គីភាព ឯកភាពផ្ទៃក្នុងខ្ពស់ និងគោរពនូវតួនាទីជាប្រវត្តិសាស្ត្រ​ដ៏ឧត្ដុងឧត្ដម របស់សម្ដេចអគ្គមហាសេនាធិបតីតេជោ ហ៊ុន សែន ដែលជាស្នូលនៃគណបក្សប្រជាជនកម្ពុជា និងជាអគ្គមគុទេសន៍ដ៏ឆ្នើម របស់ប្រជាជនកម្ពុជា។»

បើតាមឯកសារសំណៅព័ត៌មាន របស់ក្រុមហ៊ុន ហ្វេសប៊ុក បានបង្ហាញថា ទំព័រ «Ar Kambang Knong Ar Kambang (អាថ៌កំបាំងក្នុងអាថ៌កំបាំង)» ត្រូវបានបង្កើតឡើង ក្នុងខែវិច្ឆិកា ឆ្នាំ២០១៥ មានប្រិយមិត្តរបស់ខ្លួនចូលចិត្ត «Like» ប្រមាណជាង១០០នាក់ (តួលេខមុនថ្ងៃនេះ) និងមានការបង្ហោះចេញ តិចតួចបំផុត។

ករណីដែលគួរឲ្យចាប់អារម្មណ៍នោះ នៅត្រង់ថា ភ្លាមៗបន្ទាប់ពីឯកសាររបស់​«អ្នកស្នេហាជាតិ គណបក្សប្រជាជនកម្ពុជា ( CPP )»​ ត្រូវបង្ហោះចេញពីទំព័រខាងលើ ដែលមិនសូវមាននរណាស្គាល់ ឬចាប់អារម្មណ៍នោះ គឺទំព័រហ្វេសប៊ុកលោក សម រង្ស៊ី ជាអ្នកចែករំលែកឯកសារនេះមុនគេ៕



លំអិតបន្ថែមទៀត

លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
វិភាគ អត្ថាធិប្បាយ

សារព័ត៌មាន​បារាំង​៖ ត្រកូល​ហ៊ុន​មាន​ទ្រព្យ​មិន​តិច​ជាង ១ពាន់លាន​ដុល្លារ​

សារព័ត៌មានមួយរបស់ប្រទេសបារាំង បានលើកឡើងពីទំហំទ្រព្យសម្បត្តិ របស់ត្រកូល «ហ៊ុន» នៃនាយករដ្ឋមន្ត្រីកម្ពុជា ថាមានប្រមាណ​មិនតិចជាង ១ពាន់លាន​ដុល្លារ​ នោះ​ឡើយ។ ហើយនេះ គេនៅមិនទាន់រាប់ក្រុមគ្រួសារផៅសន្ដាន នៃអ្នកមាន​អំណាច​ផ្សេង​ទៀត ដែលត្រកូល ហ៊ុន ...
កម្ពុជា

ហ៊ុន សែន៖ «គ្មានការដកតំណែង សាយ ឈុំ និង ស ខេង ទេ»

នាយករដ្ឋមន្រ្តី នៃរបបក្រុងភ្នំពេញ បានថ្លែងច្រានចោល ដំណឹងលេចឮទាំងឡាយ ដែលថានឹងមានការដកតំណែង អនុប្រធានគណបក្សប្រជាជនកម្ពុជាទាំងពីររូប គឺលោក សាយ ឈុំ ប្រធានព្រឹទ្ធសភា និងលោក ស ខេង ...
កម្ពុជា

«មាន​មនុស្សក្បត់​២នាក់ ពីក្នុង​ចំណោម​មន្ត្រី CNRP ១១៨នាក់»

«មានមនុស្សក្បត់ តែ ២នាក់ទេ ក្នុងចំណោមមន្ត្រីគណបក្សសង្គ្រោះជាតិ ១១៨ នាក់» នេះ ជាការអះអាង របស់លោក សម រង្ស៊ី ប្រធានស្ដីទី​គណបក្សសង្គ្រោះជាតិ កាលពីប៉ុន្មានម៉ោងមុន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...