កម្ពុជាដំណឹង

សម រង្ស៊ី និង​មន្ត្រី CNRP នឹង​វិលចូល​កម្ពុជា​វិញ នៅ​ខែ​មេសា​ខាង​មុខ?

អ្វីដែលគ្រោងកើត ច្បាស់ជានឹងកើត! នេះ បើតាមអ្នកស្រី មូរ សុខហួរ អនុប្រធានគណបក្សសង្គ្រោះជាតិ ដែលបង្ហើបពីគម្រោងរបស់អ្នកស្រី និងលោក សម រង្ស៊ី ក្នុងការវិលត្រឡប់ ចូលមកក្នុងប្រទេសកម្ពុជាវិញ ក្នុងពេលខាងមុខ ដោយគ្រាន់តែរង់ចាំមើល ថានឹងការវិលចូលកម្ពុជាវិញនោះ នឹងត្រូវធ្វើ នៅពេលណាប៉ុណ្ណោះ។

យ៉ាងណា អនុប្រធានគណបក្សប្រឆាំងរូបនេះ បានទម្លាយឲ្យដឹងថា គម្រោងវិលត្រឡប់ចូលកម្ពុជា អាចនឹងត្រូវធ្វើ នៅក្នុងខែមេសា ឆ្នាំ២០១៩ខាងមុខ។ ថ្លែងក្នុងកិច្ចសម្ភាសន៍មួយ ជាមួយវិទ្យុអាស៊ីសេរី អ្នកស្រី មូរ សុខហួរ បានអះអាងឡើងថា អ្នកស្រីអាចនឹងត្រឡប់ចូលកម្ពុជាវិញ នៅក្រោយបុណ្យចូលឆ្នាំ ប្រពៃណីខ្មែរ។

តែអ្នកស្រី បានបញ្ជាក់ទៀតថា អ្នកស្រីនឹងជួបពិភាក្សា អំពីគម្រោងវិលត្រឡប់ ចូលស្រុកខ្មែរវិញនេះ ជាមួយលោក សម រង្ស៊ី ប្រធានស្ដីទីគណបក្ស។ អ្នកស្រីថា៖

«ប្រហែលជាក្រោយចូលឆ្នាំ ខ្ញុំនឹងត្រឡប់ទៅវិញ ទោះបីជាខ្ញុំ ត្រូវជាប់ពន្ធនាគារក៏ដោយ។ ប៉ុន្តែពួកខ្ញុំ កំពុងរៀបចំធ្វើផែនការ ជាមួយលោកប្រធានស្ដីទី សម រង្ស៊ី ជាមួយនឹងសហការីទាំងអស់គ្នា ដើម្បីជូនដំណើរលោកប្រធាន ចូលទៅក្នុងប្រទេស [កម្ពុជាវិញ] ដែលលោកប្រធានមានប្រសាសន៍ហើយ។»

«អ្នកឯងជាសត្វឆ្កែសុទ្ធ»

ការថ្លែងបង្ហើបរបស់អ្នកស្រី មូរ សុខហួរ ហាក់មិនបានខ្វល់ខ្វាយ នឹងការគម្រាមរបស់លោក ហ៊ុន សែន កាលពីព្រឹកថ្ងៃទី២៦ ខែធ្នូ ឆ្នាំ២០១៨ ដែលត្រៀមបញ្ជា ឲ្យកងកម្លាំងអាជ្ញាធរ ត្រូវវាយខ្នោះ «ជម្រះបញ្ជី» លោក សម រង្ស៊ី ប្រសិនបើមេដឹកនាំប្រឆាំង ដែលបុរសខ្លាំងកម្ពុជា ហៅថា​«អាចង្រៃ»​ម្នាក់នេះ មានវត្តមាននៅកម្ពុជា។ នាយករដ្ឋមន្ត្រីកម្ពុជា បានថ្លែងខ្លាំងៗ​ថា៖

«ខ្ញុំ​ក៏​ចង់​ជម្រះ​បញ្ជី​ ជា​មួយ​អា​ជន​នេះ​ ឲ្យ​បាន​ច្បាស់ ខ្ញុំ​បាន​ប្រាប់​អាកាសចរណ៍​ស៊ីវិល ​កុំ​ហាម​ឃាត់​អា​ចង្រៃ​នេះ​​ ព្រោះ​យើង​ត្រូវ​ដាក់​ខ្នោះ​វា​ ព្រោះ​យើង​តាម​ចាប់​វា​យូរ​ហើយ​ ចាប់​មិន​បាន ​ឥឡូវ​វា​មក​ឲ្យ​យើង​ចាប់​ហើយ​ រឿង​អី​វា​មិន​ស្រួល​ សុំ​អញ្ជើញ​មក ​ខ្ញុំ​ក៏​បាន​ត្រៀម​ខ្លួន​ហើយ​ដែរ​។ ប៉ុន្តែ​បើសិន​អ្នក​ឯង​មិន​​មក​ ក្រោយ​ថ្ងៃ​១មីនា​ទេ ​ដែល​ជា​ឱសានវាទ​ នៃ​ការ​ភ្នាល់ ​អ្នក​ឯង​ជា​សត្វ​ឆ្កែ​សុទ្ធ​ ខ្ញុំ​ហៅ​ថា​អ្នក​ឯង​ជា​ឆ្កែ​ គ្រាន់​តែ​ព្រូស។»

«លក្ខណៈភ្ញាក់ផ្អើល»

សម្រាប់លោក សម រង្ស៊ី វិញ លោកមិនបានបង្ហើប ឲ្យដឹងពីថ្ងៃពិតប្រាកដ នៃការ​វិលត្រឡប់ ចូលប្រទេសកម្ពុជាវិញទេ ដោយគ្រាន់តែបញ្ជាក់ថា លោកនឹងត្រឡប់ចូលកម្ពុជា ក្នុងឆ្នាំខាងមុខ។ យ៉ាងណា លោកបានអះអាងថា ការវិលចូលស្រុករបស់លោក ត្រូវតែជាព្រឹត្តិការណ៍ ដ៏ភ្ញាក់ផ្អើលមួយ ដែលសូម្បីលោកនាយករដ្ឋមន្ត្រី ហ៊ុន សែន ក៏មិនអាចស្មានត្រូវដែរ។ មេដឹកនាំប្រឆាំង បានថ្លែងឡើងថា៖

«ឥឡូវនិយាយ ពីការកំណត់ពេលវេលា កំណត់ចូលតាមរបៀបណា ថ្ងៃណា យើងត្រូវប្រៀបធៀប ដូចប្រតិបត្តិការសិកអញ្ចឹង (…) បើកងទ័ពមួយ ដែលចង់វាយលុកទីណាមួយ គេមិនដែលប្រាប់មុនទេ ទៅតាមផ្លូវនេះ ទៅតាមច្រកនោះ ម៉ោងប៉ុន្មានទៅដល់ របៀបយ៉ាងម៉េច មានកម្លាំងប៉ុន្មាន បើយើងជាមេទ័ព បើយើងប្រកាសប្រាប់ឲ្យខ្មាំង ឲ្យសត្រូវ ដឹងមុនទាំងអស់ ថាយើងធ្វើអីៗ អាហ្នឹងគេរង់ចាំវាយឆ្មក់ គេរង់ចាំកម្ទេចយើងហើយ បើយើងប្រាប់គេមុន។ អញ្ចឹង ត្រូវមានលក្ខណៈ ឲ្យភ្ញាក់ផ្អើល។ លក្ខណៈភ្ញាក់ផ្អើលហ្នឹង ជាលក្ខណៈមួយ ដើម្បីជោគជ័យ នៃប្រតិបត្តិការ។»៕



លំអិតបន្ថែមទៀត

កម្ពុជា

ខៀវ កាញារីទ្ធ៖ «អ្នកវិភាគខ្លះ ហេតុតែ​ចង់បាន​អំណាច បន់ឲ្យខ្មែរស្លាប់»

តើអ្នកវិភាគរូបណាទៅ រងការឌឺដង ពីរដ្ឋមន្ត្រីព័ត៌មាន របស់ប្រទេសកម្ពុជា? ការឌឺដងនោះ រហូតលោករដ្ឋមន្ត្រីសន្និដ្ឋានថា អ្នកវិភាគទាំងនោះ ហេតុតែ​ចង់បាន​អំណាច បែរជាបន់ឲ្យខ្មែរស្លាប់។  លោក ខៀវ កាញារីទ្ធ រដ្ឋមន្ត្រីក្រសួងមួយ ...
កម្ពុជា

ហ៊ុន សែន៖ «ហ្អែង​មិន​ពេញចិត្ត​ទេ ហ្អែង​ទៅនៅក្រៅ​ទៅ […] កុំនៅស្រុកខ្មែរ»

«ហ្អែងពេញចិត្ត ក៏នៅស្រុកខ្មែរ ហ្អែង​មិន​ពេញចិត្ត​ទេ ហ្អែងទៅនៅក្រៅទៅ» នេះ ជាសារនយោបាយ របស់មេដឹកនាំកម្ពុជា លោក ហ៊ុន សែន ទៅកាន់​អ្នកវិភាគទាំងឡាយ ដែលតែងរិះគន់ ចំពោះជំហររដ្ឋាភិបាលរបស់លោក ...
កម្ពុជា

ហ៊ុន សែន អះអាង​ទទួលបាន Licence ពី​សហព័ន្ធ​កីឡា​កូនគោល​បារាំង

ពិតជាមិនធម្មតា បើសិនជាគេឃើញថា លោកនាយករដ្ឋមន្ត្រី ហ៊ុន សែន ទទួលបាន «Licence» មួយ ពីសហព័ន្ធកីឡាកូនគោលបារាំង ហៅកាត់តាមភាសាបារាំង «FFGOLF»។ កាន់តែមិនធម្មតាទៀត បើសិនជាគេឃើញលោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...