កម្ពុជាដំណឹង

ម៉ាស៊ីនឃោសនា​ក្រុង​ភ្នំពេញ ផ្សាយ​ពីដំណោះស្រាយ​មួយ… យឺត​១ខែ

ប្រព័ន្ធឃោសនារបស់របបក្រុងភ្នំពេញ បានចេញផ្សាយកាលពីមុននេះ នូវដំណោះស្រាយមួយ របស់អង្គការអ្នកប្រជាធិបតេយ្យនិយមកណ្តាលអន្តរជាតិ ដែលជំរុញឲ្យសហភាពអ៊ឺរ៉ុប «EU» សម្រេចដោយយុត្តិធម៌ ចំពោះការព្យួរប្រព័ន្ធអនុគ្រោះពន្ធ «EBA» ចេញពីប្រទេសកម្ពុជា។ បញ្ហា? នៅត្រង់ថា ដំណោះស្រាយ ដែលម៉ាស៊ីនឃោសនាអះអាងថា ទើបនឹងចេញផ្សាយ ក្នុងថ្ងៃទី១០ ខែឧសភា ឆ្នាំ២០១៩នេះ បានចុះថ្ងៃតាំងពីថ្ងៃទី១០ ខែមេសាកន្លងទៅ ពោលគឺចេញផ្សាយ «យឺត១ខែ»។ 

ម៉ាស៊ីនឃោសនាមួយនេះ របស់របបដឹកនាំនៅកម្ពុជា បានសរសេររាងហំថា៖

«សមាជិកនៃអង្គការអ្នកប្រជាធិបតេយ្យនិយមកណ្តាលអន្តរជាតិ (IDC-CDI) នៅថ្ងៃទី១០ ខែឧសភា ឆ្នាំ២០១៩នេះ បានចេញសេចក្តីថ្លែងការណ៍ ជំរុញឲ្យសហភាពអឺរ៉ុប (EU) ប្រព្រឹត្តដោយយុត្តិធម៌ចំពោះកម្ពុជា ពាក់ព័ន្ធនឹងប្រព័ន្ធអនុគ្រោះពន្ធ ក្រោមកម្មវិធី «គ្រប់មុខទំនិញ លើកលែងតែសព្វាវុធ (EBA)»។ នេះ បើតាមសេចក្តីថ្លែងការណ៍ [ដែល] បណ្តាញព័ត៌មាន Fresh News ទើបទទួលបាននៅយប់ថ្ងៃទី១០ ខែឧសភានេះ។»

«យឺត​១ខែ»

ផ្ទុយទៅវិញ វាមិនមែនជាសេចក្ដីថ្លែងការណ៍ទេ តែជាដំណោះស្រាយមួយ របស់អង្គការនយោបាយ​​ខាងលើ ដែល​មានគណបក្សប្រជាជនកម្ពុជា និងគណបក្សហ្វុនស៊ីនប៉ិច ជាសមាជិក។ ដំណោះស្រាយនេះ ត្រូវបានសម្រេចនៅថ្ងៃទី១០ ខែមេសា ឆ្នាំ២០១៩ និងចេញផ្សាយនៅមួយថ្ងៃក្រោយ​មក (មើលឯកសារភ្ជាប់មកជាមួយ)។

នៅលើអត្ថបទដំណោះស្រាយ ផ្នែកខាងក្រោម ក៏មានបញ្ជាក់ ពីថ្ងៃខែជាភាសាអង់គ្លេសដែរ ដោយសរសេរថា៖ «Brussels, April 10, 2019»។

អង្គការ​អ្នកប្រជាធិបតេយ្យ​និយម​កណ្ដាល​អន្តរជាតិ ជាអ្វី?

ជាអង្គការនយោបាយ-ក្រៅរដ្ឋាភិបាលមួយ មានអតីតភាពពីអង្គការអ្នកប្រជាធិបតេយ្យ និយមសាសនាគ្រឹស្ដិ៍អន្តរជាតិ (Internationale démocrate-chrétienne)។ អង្គការនេះ ប្រកាន់និន្នាការកណ្ដាល ផ្អៀងទៅស្ដាំនិយម និងមានទីស្នាក់ការកណ្ដាល នៅរាជធានីព្រុយហ្សែល ប្រទេសប៊ែលហ្សិក។

ដំបូងឡើយ អង្គការនេះ​មានចលនា​នយោបាយ របស់ខ្លួន តែនៅក្នុងទ្វីបអ៊ឺរ៉ុប និងនៅទ្វីបអាមេរិកឡាទីន។ តែនៅពេលនេះ អង្គការខាងលើ បានពង្រីកសមាជិកភាព​របស់ខ្លួន ទៅកាន់ទ្វីបដទៃទៀត ដែលមានចំនួនសរុប ៧៣គណបក្សនយោបាយ នៅក្នុងពិភពលោក។

ក្នុងប្រទេសកម្ពុជា គណបក្សពីរបានក្លាយខ្លួន ជាសមាជិក​របស់អង្គការនេះ គឺគណបក្សប្រជាជន​កម្ពុជា ដែលកំពុងកាន់អំណាច និងគណបក្ស​ហ្វុនស៊ីនប៉ិច។ ផ្ទុយពីគណបក្សរាជានិយម ដែលចូល​ជាសមាជិក​របស់អង្គការនេះ តាំងពីច្រើនឆ្នាំ​កន្លងមកនោះ គណបក្ស​ប្រជាជនកម្ពុជា ទើបទទួលបាន​សមាជិកភាពខ្លួន នៅថ្ងៃទី៥ ខែមេសា ឆ្នាំ២០១៦ប៉ុណ្ណោះ។

កាលពីថ្ងៃទី២៩ ខែមិថុនា ឆ្នាំ២០១៨ ទំព័រទ្វីសធើរផ្លូវការ របស់អង្គការខាងលើ បានសរសេរថា គណៈអភិបាលរបស់ខ្លួន បានធ្វើការស្មឹងស្មាធ​១នាទី ដើម្បីឧទ្ទិសដល់លោក «Edgardo Angara» អតីតអនុប្រធានអង្គការ ដែលបាន​ទទួល​មរណភាព នៅថ្ងៃទី១៣ ខែឧសភា ឆ្នាំ២០១៨ (ជាងមួយខែមុន)។

តែទំព័រនោះ បានសរសេរថា លោក «Edgardo Angara» ជាឥស្សរជនមកពីប្រទេស«កម្ពុជា» ដែលខុសស្រឡះពីការពិត ព្រោះបុរសជាតិហ្វីលីពីនរូបនេះ គឺជាអ្នកនយោបាយ និងជាអតីតប្រធានរដ្ឋសភា របស់ប្រទេសហ្វីលីពីន។

ភាពច្រឡំបល់នេះ ធ្វើឲ្យសំនួរមួយចោទសួរឡើងថា តើអង្គការនយោបាយ-ក្រៅរដ្ឋាភិបាល​ខាងលើ​ ស្គាល់ប្រទេសកម្ពុជា បានដល់កម្រិតណា? ទស្សនាវដ្ដីមនោរម្យ​.អាំងហ្វូ បានព្យាយាមទាក់ទង​អង្គការខាងលើ ដើម្បីស្នើសុំការបំភ្លឺ តែមិនមាន​ការឆ្លើយតប​​នៅឡើយ។

ជាការកត់សម្គាល់មួយទៀត គឺគេមិនឃើញអង្គការនេះ បញ្ជូនតំណាងខ្លួន ជាលក្ខណៈ​«ផ្លូវការ» ឲ្យមកឃ្លាំមើល និងសង្កេត​ការបោះឆ្នោត​ជាតិ ជ្រើសតាំង​សមាជិកសភា ខែកក្កដា ឆ្នាំ២០១៨ នៅកម្ពុជាទេ ដែលខុសពីការបោះឆ្នោតជាតិ ជ្រើសតាំង​ក្រុមប្រឹក្សា​-ឃុំសង្កាត់ ឆ្នាំ២០១៧៕



លំអិតបន្ថែមទៀត

កម្ពុជា

វៀតណាម​ផ្ដល់១០លាន​ដុល្លារ ដើម្បី​ជួយ​សង់​ទីស្ដីការ​ក្រសួង​ការពារជាតិ

ប្រទេសវៀតណាមកុម្មុយនីស្ដ៍ បានផ្ដល់ថវិកា១០លានដុល្លារ មកឲ្យប្រទេសកម្ពុជា ដើម្បីជួយសាងសង់អគារទីស្ដីការក្រសួងការពារជាតិ។ នេះ បើតាមការអះអាងរបស់លោក ង៉ូ ស៊ុនលិច្ស (Ngo Xuanlich) រដ្ឋមន្រ្តីការពារជាតិវៀតណាម នៅក្នុងជំនួបពិភាក្សាការងារ ជាមួយលោកនាយករដ្ឋមន្ត្រី ហ៊ុន ...
កម្ពុជា

EU រំឭក​កម្ពុជា​ចុងក្រោយ​អំពី​កាតព្វកិច្ច​សិទ្ធិមនុស្ស ដើម្បី​រក្សាទុក EBA

ប្រទេសកម្ពុជាត្រូវតែបង្ហាញ ពីភាពជឿនលឿនពិតប្រាកដ និងគួរឱ្យជឿជាក់បាន លើបញ្ហាដែលគួរឲ្យព្រួយបារម្ភ ទាក់ទងបញ្ហាសិទ្ធិមនុស្ស និងសិទ្ធិការងារ ដើម្បីចៀសវាងការដកចេញ នូវប្រព័ន្ធអនុគ្រោះពន្ធហៅថា «EBA»។ នេះ បើតាមសេចក្ដីប្រកាសព័ត៌មាន ចុះថ្ងៃទី១១ ខែមិថុនា ...
ពិសេស

ទស្សនាវដ្ដី​ដាក់​ដំណើរការ នូវ​សេវា​ធ្វើ​«បច្ចុប្បន្នភាព​ដំណឹង​ដោយ​ផ្ទាល់»

សូមមេត្តាកុំខ្វល់អ្វីឡើយ បើប្រិយមិត្ត​កំពុង​ពិគ្រោះគេហទំព័រ «MONOROOM.info» នៃទស្សនាវដ្ដីមនោរម្យ.អាំងហ្វូ ហើយប្រិយមិត្តបានឃើញ ប្រអប់មួយលោតចេញមក ដូចនៅក្នុងរូបភាពខាងលើ។ នោះ ជាប្រអប់មួយ នៃសេវាដើម្បីទទួល ​«បច្ចុប្បន្នភាព​ដំណឹង​ដោយ​ផ្ទាល់»។ វាជាសេវាថ្មីមួយ ដែលទស្សនាវដ្ដីទើបនឹងដាក់បញ្ចូល ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...