ដំណឹងពិភពលោក

រដ្ឋសភា​អង់គ្លេស​ទាត់ចោល កិច្ចព្រមព្រៀង​«Brexit»​ជាលើកទី៣

ការបញ្ចប់់ភាពទ័លច្រក នៃការចាកចេញ របស់ចក្រភពអង់គ្លេស ពីសហភាពអ៊ឺរ៉ុប (EU) រកមិនឃើញពន្លឺនៅឡើយ។ នៅរសៀលថ្ងៃសុក្រនេះ រដ្ឋសភាអង់គ្លេសបានបោះឆ្នោត ទាត់ចោលជាថ្មីទៀត នូវកិច្ចព្រមព្រៀង «Brexit» ដែលរដ្ឋាភិបាលអ្នកស្រី ថេរេសា ម៉េ (Theresa May) បានប្រើពេល៣ឆ្នាំ ដើម្បីចរចាទទួលបាន ជាមួយសហភាពអ៊ឺរ៉ុប។

តំណាងរាស្ត្រ ៣៤៤នាក់ បានបដិសេធ ខណៈមានតែអ្នកតំណាងរាស្ត្រ ២៨៦នាក់ប៉ុណ្ណោះ ដែលផ្ដល់ក្ដីទុកចិត្ត សម្រាប់កិច្ចព្រមព្រៀង «Brexit» ដែលភាគីចរចាទាំងសងខាង បានអះអាងថា បានផ្ដល់ប្រយោជន៍យ៉ាងច្រើន សម្រាប់ចក្រភពអង់គ្លេស។

យ៉ាងណា ការទាត់ចោលរបស់រដ្ឋសភា បង្ហាញពីបរាជ័យម្ដងទៀត សម្រាប់អ្នកស្រី ថេរេសា ម៉េ។ អ្នកស្រីបានប្រតិកម្មភ្លាមៗ ថាការសម្រេចនេះ មានសភាពធ្ងន់ធ្ងរណាស់ ហើយចាប់ពីពេលនេះតទៅ សេណារ៉េយូដែលនៅសេសសល់ គឺអង់គ្លេសត្រូវចេញ​ «ឆៅ» ​ពីសហភាពអ៊ឺរ៉ុប ដោយគ្មានកិច្ចព្រមព្រៀងអ្វីទាំងអស់។

ប្រធានក្រុមប្រឹក្សាអ៊ឺរ៉ុប លោក «Donald Tusk» បានប្រកាស​នៅលើ​បណ្ដាញសង្គមទ្វីសធើរ ក្រោយការបោះឆ្នោតនោះថា លោកកោះឲ្យមានជំនួបកំពូលមួយ នៅថ្ងៃទី១០ ខែមេសាខាងមុខ។

កាលពីល្ងាចថ្ងៃព្រហស្បត្តិ៍ សប្ដាហ៍មុន រដ្ឋសមាជិកទាំង២៧​នៃសហភាពអ៊ឺរ៉ុប បានយល់ព្រម ផ្ដល់ឲ្យចក្រភពអង់គ្លេស នូវជម្រើសចំនួនពីរ៖

១) បើកិច្ចព្រមព្រៀង ត្រូវបានរដ្ឋសភាយល់ព្រម នោះចក្រភពអង់គ្លេសនឹងចាកចេញ ពីសហភាពអ៊ឺរ៉ុប តាមសម្រួលនិងតាមគម្រោង រហូតដល់ថ្ងៃទី២២ ខែឧសភា ឆ្នាំ២០១៩។

២) តែបើកិច្ចព្រមព្រៀង នៅតែមិនត្រូវបានរដ្ឋសភាយល់ព្រមទេនោះ ចក្រភពអង់គ្លេសមានពេលរហូតដល់ ថ្ងៃទី១២ ខែមេសា ឆ្នាំ២០១៩ ដើម្បីសម្រេចថា ត្រូវរៀបចំការបោះឆ្នោត ជ្រើសតាំងសមាជិកសភាអ៊ឺរ៉ុប នៅចុងខែឧសភាខាងមុខ ឬយ៉ាងណា។

ក្នុងករណីដែលអង់គ្លេសសម្រេច ត្រូវចូលរួមបោះឆ្នោត ជាមួយក្រុមប្រទេសទាំងអស់ ក្នុងសហភាពអ៊ឺរ៉ុប បានសេចក្ដីថា អង់គ្លេសនៅតែជាសមាជិកសហភាពអ៊ឺរ៉ុប ហើយអាចសម្រេចដាក់ថ្ងៃចាកចេញពីសហភាព នៅពេលក្រោយវិញ។

ផ្ទុយទៅវិញ ក្នុងករណីដែលអង់គ្លេសសម្រេច មិនចូលរួមបោះឆ្នោតទេនោះ អង់គ្លេសចាំបាច់ត្រូវចេញ «ឆៅ» ពីសហភាពអ៊ឺរ៉ុប ដោយគ្មានកិច្ចព្រមព្រៀងអ្វីទាំងអស់ ហើយវានឹងធ្វើឲ្យរយៈពេល ៣ឆ្នាំ នៃការចរចា ក្លាយជាអាសារបង់៕



លំអិតបន្ថែមទៀត

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...
កម្ពុជា

ផៃ ស៊ីផាន ថារដ្ឋាភិបាល​មិនធ្វើ​ច្បាប់ ដើម្បី​«បំពេញចិត្ត​អង្គការ​ណា»ទេ

រដ្ឋាភិបាលក្រុងភ្នំពេញ បានប្រកាសថា ខ្លួនមិន«បំពេញចិត្ត​អង្គការ​ណា»ទេ នៅចំពោះ​ការអនុម័ត​យ៉ាងតក់ក្រហល់ នូវសេចក្ដីព្រាងច្បាប់​មួយទៀត ស្ដីពីការប្រឆាំង​ការសម្អាត​ប្រាក់ និងហិរញ្ញប្បទានភេរវកម្ម។ នេះ បើតាមការអះអាង របស់លោក ផៃ ស៊ីផាន អ្នកនាំ​ពាក្យ​រដ្ឋាភិបាល។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...
នាយករដ្ឋមន្ត្រីកម្ពុជា លោក ហ៊ុន សែន នៅសហភាពអ៊ឺរ៉ុប កាលពីខែតុលា ឆ្នាំ២០១៨។ (រូបថត AFP/Getty)
កម្ពុជា

EU៖ ការបិទវិទ្យុ«VOD»ប៉ះពាល់ធ្ងន់ធ្ងរ ដល់សេរីភាព​សារព័ត៌មាន

មិនត្រឹមតែសហភាពអ៊ឺរ៉ុបប៉ុណ្ណោះទេ តែបណ្ដាប្រទេសធំៗ នៅបស្ចឹមលោក សុទ្ធតែបានរួមគ្នា ប្រតិកម្មចំពោះការបិទវិទ្យុ«VOD» ថាបានប៉ះពាល់ធ្ងន់ធ្ងរ ដល់សេរីភាព​សារព័ត៌មាន និងប្រព័ន្ធពហុនិយម ដែលមានសារសំខាន់ណាស់ សម្រាប់សង្គមប្រជាធិបតេយ្យ។ សេចក្ដីថ្លែងការណ៍រួម របស់គណៈប្រតិភូសហភាពអឺរ៉ុប​ប្រចាំនៅកម្ពុជា និងស្ថានទូតរបស់ប្រទេសធំៗ ...