ដំណឹងពិភពលោក

Brexit៖ រាស្ត្រ​អង់គ្លេស​រាប់លាន​នាក់ ទាមទារ​ឲ្យធ្វើ​ប្រជាមតិ​ជាថ្មី

បន្ទាប់ពីបាតុកម្មរបស់ពលរដ្ឋច្រើនម៉ឺនសែននាក់ កាលពីថ្ងៃសៅរ៍ចុងសប្ដាហ៍នេះ ញត្តិមួយទៀតដែល ទាមទារ​ឲ្យធ្វើ​ប្រជាមតិ​ជាថ្មី ទទួលបានមនុស្សចុះហត្ថលេខា ប្រមាណជាង៥លាននាក់ហើយ មកទល់នឹងម៉ោងនេះ។ ញត្តិនឹងដាក់សម្ពាធ កាន់តែខ្លាំងថែមទៀត ទៅលើអ្នកស្រី ថេរេសា ម៉េ (Theresa May) នាយករដ្ឋមន្ត្រីអង់គ្លេស ដែលនឹងត្រូវឆ្លងកាត់សប្ដាហ៍ ដ៏ពិបាកមួយ នៅចំពោះរដ្ឋសភាអង់គ្លេស។

កាលពីល្ងាចថ្ងៃព្រហស្បត្តិ៍មុន រដ្ឋសមាជិកទាំង២៧​នៃសហភាពអ៊ឺរ៉ុប បានយល់ព្រម ផ្ដល់ឲ្យចក្រភពអង់គ្លេស នូវជម្រើសចំនួនពីរ សម្រាប់ការលើកថ្ងៃចាកចេញ ពីសហភាពអ៊ឺរ៉ុប (EU) ឬហៅថា «Brexit» ដែលបើតាមគម្រោង នឹងឈានមកដល់ ក្នុង៧ថ្ងៃខាងមុខនេះ។

ដើម្បីអនុញ្ញាតឲ្យអង់គ្លេស ទទួលបានផលប្រយោជន៍ ពីការពន្យាពេលចេញពីសហភាពអ៊ឺរ៉ុប អ្នកស្រី ម៉េ បានព្យាយាមបញ្ចុះបញ្ចូលក្រុមអ្នកតំណាងរាស្ត្រ ដើម្បីឲ្យពួកគេបោះឆ្នោតគាំទ្រកិច្ចព្រមព្រៀង «Brexit» ដែលនឹងត្រូវយកមកជជែកជាថ្មី ក្នុងអង្គប្រជុំសភា នៅប៉ុន្មានថ្ងៃខាងមុខ។

ប៉ុន្តែអ្នកស្រីនាយករដ្ឋមន្ត្រី បានទទួលបរាជ័យពីរដងរួចហើយ ទាក់ទងនឹងកិច្ចព្រមព្រៀងនេះ ដែលរដ្ឋាភិបាលអ្នកស្រី បានប្រើរយៈពេលដ៏យូរ ដើម្បីចរចាជាមួយសហភាពអ៊ឺរ៉ុប។ អ្នកស្រី ម៉េ បានព្រមានកាលពីថ្ងៃសុក្រថា បើសិនជាអ្នកស្រីស្ទាបស្ទង់ ដឹងថានឹងមិនមានការគាំទ្រគ្រប់គ្រាន់ទេនោះ អ្នកស្រីអាចនឹងមិនបង្ហាញកិច្ចព្រមព្រៀងនេះ ទៅកាន់រដ្ឋសភាសារជាថ្មីឡើយ។

ជម្រើសទាំងពីរ របស់រដ្ឋសមាជិកទាំង២៧ នៃសហភាអ៊ឺរ៉ុប ដែលផ្ដល់ទៅឲ្យចក្រភពអង់គ្លេស រួមមាន៖

១) បើកិច្ចព្រមព្រៀងត្រូវបានរដ្ឋសភាយល់ព្រម នោះចក្រភពអង់គ្លេសនឹងចាកចេញ ពីសហភាពអ៊ឺរ៉ុប តាមសម្រួលនិងតាមគម្រោង រហូតដល់ថ្ងៃទី២២ ខែឧសភា ឆ្នាំ២០១៩។

២) តែបើកិច្ចព្រមព្រៀង នៅតែមិនត្រូវបានរដ្ឋសភាយល់ព្រមទេនោះ ចក្រភពអង់គ្លេសមានពេលរហូតដល់ ថ្ងៃទី១២ ខែមេសា ឆ្នាំ២០១៩ ដើម្បីសម្រេចថា ត្រូវរៀបចំការបោះឆ្នោតជ្រើសតាំងសមាជិកសភាអ៊ឺរ៉ុប នៅចុងខែឧសភាខាងមុខ ឬយ៉ាងណា។

ក្នុងករណីដែលអង់គ្លេសសម្រេច ត្រូវចូលរួមបោះឆ្នោត ជាមួយក្រុមប្រទេសទាំងអស់ ក្នុងសហភាពអ៊ឺរ៉ុប បានសេចក្ដីថា អង់គ្លេសនៅតែជាសមាជិកសហភាពអ៊ឺរ៉ុប ហើយអាចសម្រេចដាក់ថ្ងៃចាកចេញពីសហភាព នៅពេលក្រោយវិញ។

ផ្ទុយទៅវិញ ក្នុងករណីដែលអង់គ្លេសសម្រេច មិនចូលរួមបោះឆ្នោតទេនោះ អង់គ្លេសចាំបាច់ត្រូវចេញ«ឆៅ»ពីសហភាពអ៊ឺរ៉ុប ដោយគ្មានកិច្ចព្រមព្រៀងអ្វីទាំងអស់ ហើយវានឹងធ្វើឲ្យរយៈពេល៣ឆ្នាំនៃការចរចា ក្លាយជាអាសារបង់។

នៅទន្ទឹមគ្នានេះ ពលរដ្ឋអង់គ្លេសកាន់តែច្រើនឡើង បានប្ដូរជំហររបស់ពួកគេវិញ ដោយចង់នៅជាសមាជិករបស់សហភាពអ៊ឺរ៉ុប ហើយ«ទាមទារ​ឲ្យធ្វើ​ប្រជាមតិ​ជាថ្មី»។ កាលពីថ្ងៃសៅរ៍ មនុស្សរាប់ម៉ឺនសែននាក់ បានចុះដើរនៅតាមដងផ្លូវនានា ក្នុងរាជធានីឡុង ដើម្បីស្រែកបំពងសម្លេងរបស់ពួកគេ និយាយរឿងល្អៗពីសហភាពអ៊ឺរ៉ុប និងសំដែងការស្ដយក្រោយ ចំពោះការសម្រេចចិត្ត ក្នុងការបោះឆ្នោតប្រជាមតិ កាលពីឆ្នាំ២០១៦។

មិនត្រឹមតែប៉ុណ្ណឹងទេ នៅលើគេហទំព័ររដ្ឋសភាអង់គ្លេស ញត្តិមួយដែលទាមទារឲ្យបោះបង់ចោល នូវគម្រោងចាកចេញពីសហភាពអ៊ឺរ៉ុប ទទួលបានហត្ថលេខាគាំទ្រ ច្រើនជាង៥លាន៣សែននាក់រួចហើយ តែក្នុងរយៈពេលតែប៉ុន្មានថ្ងៃប៉ុណ្ណោះ៕



លំអិតបន្ថែមទៀត

រូបភាពចំអក របស់សកម្មជនការពារសេរីភាពសារព័ត៌មាន នៅក្នុងប្រទេសវៀតណាម។ (រូបភាពរបស់ RSF)
ទស្សនៈប្រិយមិត្ត

លិខិតប្រិយមិត្ត៖ «ទិវាសិទ្ធិមនុស្ស ខណៈនិន្នាការ​ផ្ដាច់ការនិយម​កើនឡើង»

ក្នុងខែធ្នូនេះ​ នៅពេលដែលអង្គការ​សហប្រជាជាតិ​ប្រារព្ធ«ទិវាសិទ្ធិមនុស្ស» ពិភពលោក​ទាំងមូល​​កំពុងតែពើបប្រទះ នូវបញ្ហាប្រឈមនានា ចំពោះមុខ​លទ្ធិប្រជាធិបតេយ្យ និងសិទ្ធមនុស្ស។ របបផ្តាច់ការនានា កំពុងតែបន្តគាបសង្កត់សង្កិន ពួកអ្នកប្រឆាំង ឬអ្នកដែលតវ៉ា​ទាមទារសិទ្ធិស៊ីវិល ជាមូលដ្ឋាន។ បណ្តារដ្ឋដែលប្រកាន់របបប្រជាធិបតេយ្យ ក៏កំពុង​ដោះស្រាយនូវរលក ...
កម្ពុជា

EU ទាមទារជាថ្មី ឲ្យក្រុងភ្នំពេញ​ផ្ដើម«ដំណើរការ​ផ្សះផ្សារជាតិ»

សហភាពអ៊ឺរ៉ុប «EU» បានបញ្ចេញប្រតិកម្មរបស់ខ្លួន នៅថ្ងៃទី២ ខែមីនានេះ នៅចំពោះព្រឹត្តិការណ៍ផ្ដន្ទាទោស ទៅលើក្រុម​​មេដឹកនាំ​គណបក្ស​សង្គ្រោះជាតិ ដោយតុលាការនៅកម្ពុជា ដោយស្នើឲ្យរបបដឹកនាំក្រុងភ្នំពេញ ផ្ដើម​«ដំណើរការ​ផ្សះផ្សារជាតិ» តាមរយៈ​កិច្ចសន្ទនារួម និងពិតប្រាកដ ជាមួយគណបក្សប្រឆាំង។ ...
កម្ពុជា

ហ៊ុន សែន ថាកម្ពុជាមិនដូរ​«ឯករាជភាព និងអធិបតេយ្យភាព»​ទៅនឹងអ្វីផ្សេង

នៅចំពោះការបើកនីតិវិធីផ្លូវការ របស់សហភាពអ៊ឺរ៉ុប ក្នុងជំហានដើម្បីដកកម្ពុជា ចេញពីកម្មវិធីអនុគ្រោះពន្ធរបស់ខ្លួននោះ លោកនាយករដ្ឋមន្ត្រី ហ៊ុន សែន បានចេញមកប្រកាស​ជំហរ​របស់របបដឹកនាំ​របស់លោក​ថា កម្ពុជា​នឹងមិនយក​«ឯករាជភាព និងអធិបតេយ្យភាព»របស់ខ្លួន ទៅដោះដូរ​ជាថ្នូរ​នឹងអ្វីមួយ​ឡើយ។ នៅបណ្ដាញសង្គម លោក ហ៊ុន ...

Comments are closed.

យល់ស៊ីជម្រៅផ្នែក ដំណឹង

ដំណឹង

ព្រះអង្គម្ចាស់ ហ្វីលីព ស្វាមី​ព្រះមហាក្សត្រីយានី​អង់គ្លេស បានសោយទីវង្គត

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...