កម្ពុជាដំណឹង

ទំព័រហ្វេសប៊ុក«មាតាធម្មជាតិ» បាន​បាត់រូប​ពីបណ្ដាញសង្គម

ទំព័រហ្វេសប៊ុករបស់ចលនាមាតាធម្មជាតិ នៅមុន និងក្រោយការបាត់រូប ពីលើបណ្ដាញសង្គម។ (រូបថតផ្តិតពីអេក្រង់)
ទំព័រហ្វេសប៊ុករបស់ចលនាមាតាធម្មជាតិ នៅមុន និងក្រោយការបាត់រូប ពីលើបណ្ដាញសង្គម។ (រូបថតផ្តិតពីអេក្រង់)

នៅពេលនេះ ទំព័រហ្វេសប៊ុកផ្លូវការ របស់ចលនា​«មាតាធម្មជាតិ» ដ៏ល្បីល្បាញ បាន​បាត់រូប​ពីបណ្ដាញសង្គម បន្ទាប់ពីសកម្មជនរបស់ចលនានេះ ចំនួន៣នាក់ ត្រូវបាន​អាជ្ញាធរ​​របបក្រុងភ្នំពេញចាប់ខ្លួន កាលពីថ្ងៃព្រហស្បត្តិ៍ ទី៣ ខែកញ្ញាម្សិលម្ងៃ។

ទំព័រហ្វេសប៊ុករបស់ចលនា«មាតាធម្មជាតិ» មានអាស័យដ្ឋាន «https://www.facebook.com/mothernaturecambodia»។ ប៉ុន្តែរាប់មកដល់​ពេល​អត្ថបទ​នេះចេញផ្សាយ ទំព័រហ្វេសប៊ុកខាងលើ មិនត្រូវបានបើកឃើញទេ ដោយហ្វេសប៊ុក​បានបញ្ចេញ​សារពន្យល់​(ជាទូទៅ)​ថា ទំព័រមួយនេះ បាន​បាត់រូប​ពីបណ្ដាញសង្គម ដោយ​ទំនង​ជាវា​​​ត្រូវបាន«បិទ» ឬ«លប់ចោល»។

កាលពីរសៀលម្សិលម៉ិញ សហស្ថាបនិករបស់ចលនា«មាតាធម្មជាតិ» លោក អាឡិច ហ្គន់សាឡេស ដេវិតសុន (Alejandro G.Davidson) បានបរិហារ​ពីការលួចចូល ទៅ​កាន់កាប់​ទំព័រ​ខាងលើ ដោយចាត់ទុកថា វាគឺជាស្នាដៃ​របស់បក្ខពួកលោក ហ៊ុន សែន។

លោក អាឡិច បានពន្យល់ថា ក្រុមអាជ្ញាធរ​«ចោរ» ដែលដឹកនាំដោយ​បុរសខ្លាំង​នៅ​កម្ពុជា បានសួរចម្លើយ​លោក ថុន រដ្ឋា នៅក្នុងពេលឃុំខ្លួន ហើយទំនងជាបានបង្ខំ ឲ្យសកម្មជនរូបនេះ ប្រាប់លេខសម្ងាត់ ក្នុងនាមជា«អភិបាលទំព័រ» ដើម្បីក្រុមអាជ្ញាធរ​ទាំងនោះ អាចចូលទៅក្នុងទំព័រខាងលើ និងផ្លាស់ប្ដូរទិន្នន័យនានា។

នៅលើគណនេយ្យផ្ទាល់របស់លោក ស្ថាបនិកចលនាមាតាធម្មជាតិរូបនេះ បានសរសេរថា៖

«កាលពីប៉ុន្មានម៉ោងមុននេះ (រសៀលម្សិលមិញ) បក្សពួករបស់លោកហ៊ុន សែន បានលួច​ចូល ក្នុង​គណនីគេហទំព័ររបស់មាតាធម្មជាតិ (Mother Nature Cambodia Facebook page) ហើយបានដកខ្ញុំ ចេញពីការគ្រប់គ្រងផេក (Page admin)។ ទង្វើរដ៏ថោកទាប​នេះ បានកើតឡើង​បន្ទាប់ពីលោក ថុន រដ្ឋា កញ្ញា ឡុង គន្ធា និង កញ្ញា ភួន កែវរស្មី ត្រូវបាន​គេចាប់ខ្លួន​តាមអំពើចិត្ត កាលពីម្សិលមិញ។»

មិនអាចទាក់ទងមន្ត្រីអ្នកទទួលខុសត្រូវ របស់របបក្រុងភ្នំពេញ ដើម្បីប្រតិកម្មតប​នឹង​ការលើកឡើង របស់លោក អាឡិច បានទេ មកទល់នឹងមុន​អត្ថបទនេះចេញផ្សាយ។

យ៉ាងណា លោក អាឡិច អះអាងបន្តថា លោកកំពុងទាក់ទងក្រុមហ៊ុនហ្វេសប៊ុក ដើម្បី​សង្គ្រោះ​ទំព័រហ្វេសប៊ុក របស់ចលនា«មាតាធម្មជាតិ» ឲ្យបានត្រឡប់មកវិញ។

ជំរាបជូនដំណឹងដល់សារធារណៈជនទាំងអស់ កាលពីប៉ុន្មានម៉ោងមុននេះ បក្សពួករបស់លោកហ៊ុន សែន…

Gepostet von អាឡិច ហ្គន់សាឡេស ដេវិតសុន am Freitag, 4. September 2020

សកម្មជនចលនា«មាតាធម្មជាតិ» លោក ថុន រដ្ឋា, កញ្ញា ឡុង គន្ធា និងកញ្ញា ភួន កែវរស្មី ត្រូវបានអាជ្ញាធររបបលោក ហ៊ុន សែន ចាប់ខ្លួន ក្រោមហេតុផលថា រៀបចំ​ដំឡើង​ស្ទូឌីយោផ្សាយវីដេអូ និងព័ត៌មាន ដោយគ្មានច្បាប់អនុញ្ញាត និងការបង្ហោះ​ព័ត៌មាន ពីយុទ្ធនាការ ដើរទៅភូមិគ្រឹះនាយករដ្ឋមន្ត្រី ដើម្បីសុំឱ្យដោះស្រាយ​ករណីលុប​បឹងតាមោក នៅជាយរាជធានី។

កាលពីរសៀលថ្ងៃសុក្រ ទី៤ ខែកញ្ញា អ្នកនាំពាក្យស្នងការ​ដ្ឋាន​នគរបាល​រាជធានី លោក សាន សុខ សីហា ត្រូវបានស្រង់សំដី ដោយសារព័ត៌មានក្នុងស្រុកថា សកម្មជនទាំងបីនាក់ នឹងត្រូវ​បញ្ជូន​ទៅ​តុលាការ ក្រោមការចោទប្រកាន់ ពី​បទ​«ញុះញង់»។

សម្រាប់ក្រុមអ្នកឃ្លាំមើលសិទ្ធិមនុស្ស បានអះអាងថា យុវជន​ទាំងបីរូប​មិនបានប្រព្រឹត្តិ​ទង្វើខុសច្បាប់អ្វី ក្រៅពីការអនុវត្តសិទ្ធិសេរីភាពរបស់ពួកគេ ដូចដែលរដ្ឋធម្មនុញ្ញកម្ពុជា បានចែងការពារ​ពលរដ្ឋ​គ្រប់រូប​នោះឡើយ៕

ពេលជួបជុំគ្នាច្រើន​ អាជ្ញាធរហាមប្រាមថាប៉ះពាល់សណ្តាប់ធ្នាប់សង្គម​ ថាខុសគោលការណ៍បង្ការជំងឺរាតត្បាត​…

Gepostet von Chak Sopheap am Donnerstag, 3. September 2020


លំអិតបន្ថែមទៀត

កីឡា និងបច្ចេកវិទ្យា

ហ្វេសប៊ុក​អះអាងថា ពិតជាមាន​ចោរ​«លួចចូលទៅគ្រប់គ្រង»​ទំព័រ ហ៊ុន សែន

ទំព័រហ្វេសប៊ុករបស់លោកនាយករដ្ឋមន្ត្រី ហ៊ុន សែន ដែលមានអ្នកតាមដានប្រមាណជា ១១លាននាក់ ពិតជាត្រូវបានចោរ នៅលើបណ្ដាញអ៊ិនធើណែត លួចចូលទៅគ្រប់គ្រង នោះមែន។ នេះ បើតាមការអះអាងរបស់ក្រុមហ៊ុនហ្វេសប៊ុក ពីសហរដ្ឋអាេមរិក ដែលត្រូវបានស្រង់សំដីដោយវិទ្យុអាស៊ីសេរី។ ...
កម្ពុជា

កូនស្រី កឹម សុខា ចង់​ឲ្យ​ហ្វេសប៊ុក​បញ្ជាក់​ពី​អត្តសញ្ញាណ​ខ្លួន

កូនស្រីពៅរបស់ប្រធានគណបក្សប្រឆាំង កញ្ញា កឹម សម្មាធីតា មានបំណងចង់ឲ្យក្រុមហ៊ុន ហ្វេសប៊ុក បញ្ជាក់ពីអត្តសញ្ញាណ នៃទំព័រ ឬគណនីរបស់កញ្ញា ក៏ដូចជារបស់បងស្រីកញ្ញា ដើម្បីកុំឲ្យអ្នកផ្សេង អាចបន្លំបាន។ នៅលើបណ្ដាញសង្កម ...
កីឡា និងបច្ចេកវិទ្យា

គណនី​ហ្វេសប៊ុក ម៉ម សូណង់ដូ ត្រឡប់​មករក​ឈ្មោះ​ដើម​វិញ

បន្ទាប់ពីត្រូវបានប្ដូរឈ្មោះ ពី «ម៉ម សូណង់ដូ» ទៅកាន់ «រក្សា សន្តិភាព» កាលពីចុងខែមករាកន្លងមកនោះ គណនី​ហ្វេសប៊ុក របស់លោក ម៉ម សូណង់ដូ ប្រធានគណបក្សសម្បុកឃ្មុំសង្គមប្រជាធិបតេយ្យ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...