កម្ពុជាដំណឹង

តុលាការកម្ពុជា​កោះហៅ​«ម្ចាស់គណនេយ្យខ្មោច»​ហ្វេសប៊ុក ឲ្យឡើងសវនាការ

ពីក្នុងចំណោមមនុស្សទាំង៦៨នាក់ ដែលរងការកោះហៅ ពីសំណាក់សាលាដំបូង​រាជធានី​ភ្នំពេញ ឲ្យឡើងសវនាការ នៅចុងខែវិច្ឆិកាខាងមុខ មានមួយភាគ គឺជា​«ម្ចាស់​គណនេយ្យខ្មោច» នៅលើបណ្ដាញសង្គម។ នេះ បើតាមការអះអាង របស់អ្នកជំនាញ ដែលវិភាគ​ទៅលើដីកាកោះមួយច្បាប់ មាន៦ទំព័រ ដែលត្រូវបាន​ក្រុមនគរបាល យកទៅបិទ នៅខាងមុខ​ទីស្នាក់ការ​របស់គណបក្សសង្គ្រោះជាតិ ក្នុងសង្កាត់ចាក់អង្រែ​ក្រោម (ខណ្ឌមានជ័យ-រាជធានីភ្នំពេញ) កាលពីថ្ងៃសៅរ៍​ម្សិលម៉ិញ។

នៅក្នុងដីកាកោះ ឲ្យឡើងសវនាការ នៅថ្ងៃទី២៦ ខែវិច្ឆិកា ឆ្នាំ២០២០​ខាងមុខ ចុះ​ហត្ថលេខា​ដោយព្រះរាជអាជ្ញារង លោក សេង ហៀង បានឲ្យដឹងថា មនុស្សដែល​ត្រូវបាន​​កោះហៅ ចាប់ពីលេខរៀងទី ៣៧ រហូតដល់៥៩ (២២នាក់) ត្រូវបានសរសេរឈ្មោះ ជាអក្សរ​ឡាតាំង ដែលធ្វើឲ្យគេ​សម្គាល់ថា នោះគឺជាឈ្មោះ របស់គណនេយ្យ​ជាច្រើន នៅលើ​បណ្ដាញ​សង្គម​ហ្វេសប៊ុក។

បើទោះជាលោក អេង ឆៃអ៊ាង អនុប្រធានគណបក្សសង្គ្រោះជាតិ អះអាងថា ពួកគេ​ទាំង៦៨នាក់ ភាគច្រើន​ជាអ្នកគាំទ្រគណបក្សប្រឆាំង ដែលរស់នៅក្រៅប្រទេសក្ដី តែម្ចាស់​គណនេយ្យ ដែលមានឈ្មោះជាអក្សរឡាតាំង មិនមានទីលំនៅ​ច្បាស់លាស់ ហើយមួយភាគ គឺជាគណនេយ្យខ្មោច ដែលគេពិបាកកំណត់អត្តសញ្ញាណ។ នេះ បើតាម​ការផ្ទៀងផ្ទាត់ របស់អ្នកជំនាញខាងបច្ចេកវិទ្យា ដែលទស្សនាវដ្ដីមនោរម្យ.អាំងហ្វូ បានជួប​ពិគ្រោះ។

អ្នកជំនាញបានពន្យល់ ដោយលើកជាឧទាហរណ៍ថា ឈ្មោះ«ABC»មួយ អាចមាន​ច្រើន​គណនេយ្យ ដែលដាក់ឈ្មោះដូចៗគ្នា នៅលើបណ្ដាញ​សង្គម។ អញ្ចឹង (ទី១) គេមិនដឹងថា ឈ្មោះ​ដែលតុលាការកោះហៅ សំដៅទៅលើនរណា​ឲ្យប្រាកដ ហើយ(ទី២) បើរកឃើញឈ្មោះ ដូចដែល​តុលាការ​កោះហៅនោះពិតមែន ក៏មិនប្រាកដថា ម្ចាស់រូបថតឬម្ចាស់ឈ្មោះ ជាអ្នកកាន់​គណនេយ្យនោះដែរ។

មេធាវីមួយរូប ដែលសុំមិនបញ្ចេញឈ្មោះ បានថ្លែងថា ការកោះហៅរបស់តុលាការ ធ្វើឡើង​ដោយខុសនីតិវិធី ព្រោះអនុលោមតាមក្រមនីតិវិធីព្រហ្មទណ្ឌ របស់ប្រទេសកម្ពុជា បាន​ចែងថា ការប្រគល់ដីកាកោះហៅ ត្រូវធ្វើឡើង នឹងនៅគេហដ្ឋាន ឬដោយផ្ទាល់ដៃ​របស់​សាមីខ្លួន។ ដូច្នេះ តុលាការត្រូវស្គាល់អត្តសញ្ញាណ របស់ជនដែលខ្លួនត្រូវកោះហៅ ឲ្យ​ច្បាស់លាស់ ទាំងភិនភាគ ទាំងអាយុ ទាំងអាស័យដ្ឋាន មុននឹងចេញដីកា។

យ៉ាងណា លោកមេធាវី សំ សុគង់ បានថ្លែងតាមវិទ្យុក្នុងស្រុកថា មនុស្សចំនួន៤០នាក់ ពីក្នុងចំណោម៦៨នាក់​ បានពឹងពាក់ឲ្យលោកការពារក្ដីពួកគេ នៅក្នុង​សវនាការ​នោះ។

សម្រាប់អ្នកជំនាញខាងបច្ចេកវិទ្យា បានរៀបរាប់បន្ថែមថា ទិដ្ឋភាពកោះហៅ​របស់​តុលាការខាងលើ មានលក្ខណៈជាការគម្រាម ផ្នែកនយោបាយ ទៅដល់សមាជិក​របស់​គណបក្សប្រឆាំង នៅក្នុងប្រទេស​ ជាជាងចង់ហៅមនុស្ស ដែលជាម្ចាស់​គណនេយ្យ​ហ្វេសប៊ុក​ពិតប្រាកដ ឲ្យបង្ហាញខ្លួន នៅក្នុងសវនាការ។

លោកបានបញ្ជាក់ ពីមូលហេតុដ៏សំខាន់មួយថា ព្រោះហ្វេសប៊ុកគ្មានការិយាល័យប្រតិបត្តិ នៅក្នុងប្រទេសកម្ពុជា ដូច្នេះហ្វេសប៊ុកមិនស្ថិតក្រោមអំណាចច្បាប់ ឬតុលាការរបស់​ប្រទេស​នេះទេ ហើយហ្វេសប៊ុកក៏មិនបង្ហាញទិន្នន័យឯកជន របស់ម្ចាស់គណនេយ្យ​ទាំងនោះ ទៅតាមការចង់បាន របស់អាជ្ញាធរកម្ពុជានោះដែរ៕



លំអិតបន្ថែមទៀត

កម្ពុជា

ហ៊ុន សែន ថា«ទិវា​២០ឧសភា» ដើម្បី​រំលឹកពី​ជនរងគ្រោះ​ក្នុង​របប​ខ្មែរក្រហម

នាយករដ្ឋមន្ត្រីកម្ពុជា លោក ហ៊ុន សែន បានអះអាងថា ទិវាជាតិនៃការចងចាំ ថ្ងៃទី២០ ខែឧសភា ឬហៅថា «ទិវា​២០ឧសភា» ធ្វើឡើងដើម្បីរំលឹកដល់ជនរងគ្រោះ និងការឈឺចាប់ពីឧក្រិដ្ឋកម្ម ដែលបានកើតឡើង ...
កម្ពុជា

សម រង្ស៊ី ថ្លែង​ឲ្យបណ្ដាជន​លោតចេញ​ពី«កប៉ាល់ ហ៊ុន សែន»ដែល​កំពុងលិច

«យើងត្រូវតែជួយសង្គ្រោះ អ្នកដែលលោតចេញ មុនកប៉ាល់លិច ពីព្រោះជាខ្មែរដូចគ្នា» នេះ ជាការអះអាងឡើង របស់លោក សម រង្ស៊ី តបទៅនឹងការអះអាងរបស់លោកខ្លួនឯង ដែលប្រៀបធៀបស្ថានការណ៍ របស់រដ្ឋាភិបាលលោក ហ៊ុន ...
កម្ពុជា

កឹម សុខា ផ្ញើសារ​ចូលរួម​មរណទុក្ខ​សព​ម្ដាយក្មេក ហ៊ុន សែន

មេដឹកនាំប្រឆាំង លោក កឹម សុខា បានផ្ញើរសារមរណទុក្ខមួយច្បាប់ ជូនលោក ហ៊ុន សែន ដើម្បីសំដែងការសោកស្ដាយ និងទុក្ខយ៉ាងក្រៀមក្រំ ចំពោះមរណភាពរបស់លោកយាយ ប៊ុន ស៊ាងលី ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម​​ រង្ស៊ី បង្កើតសមាគមការពារ​សិទ្ធិ នៃអតីត​អ្នកជំងឺ​កូវីដ-១៩

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...