កម្ពុជាដំណឹង

គង់ ម៉ាស់ បានចេញ​ពីពន្ធនាគារ​ខេត្តស្វាយរៀង​ កាលពីល្ងាច​ថ្ងៃទី៤​សីហា

លោក គង់ ម៉ាស់ សកម្មជនគណបក្សសង្គ្រោះជាតិ ត្រូវបានឆ្មាំពន្ធនាគារខេត្តស្វាយវៀង ដោះលែងឲ្យមានសេរីភាព កាលពីល្ងាចថ្ងៃទី៤ ខែសីហាម្សិលម៉ិញ បន្ទាប់ពីលោកបាន​អនុវត្តន៍​ទោស រួចជាស្ថាពរហើយនោះ។ នេះ បើតាមប្រភព ពីអ្នកជិតដិតរបស់លោក ដែលបានឲ្យដឹង នៅក្រោយពេល​ការដោះលែងនោះ។

លោក ម៉ៃ ហុងស្រៀង សកម្មជនគណបក្សប្រឆាំង ដែលត្រូវអាជ្ញាធររបបក្រុងភ្នំពេញ ចាប់ខ្លួនយកទៅឃុំ នៅក្នុងពន្ធនាគារព្រៃសដែរនោះ បានបង្ហោះសារ រួមនឹង​រូបថត​មួយសន្លឹក ​នៅលើគណនី​ហ្វេសប៊ុករបស់លោក បង្ហាញពីដំណឹងនេះថា៖

«នៅវេលាម៉ោង ០៦និង៣០នាទី ល្ងាចថ្ងៃទី៤ សីហា ២០២០ នេះ លោក គង់ ម៉ាស់ បាន​ត្រូវដោះលែង ឱ្យមានសេរីភាព និងបានចាកចេញផុត ពីគុកនៅខេត្ត​ស្វាយរៀង​ហើយ បន្ទាប់ពីត្រូវបានឃុំខ្លួន អស់រយៈពេល ១ឆ្នាំកន្លះ នៅគុកព្រៃស។ ហើយខណៈនេះ លោក​យាយ​របស់គាត់​ទទួលមរណៈកាល និងត្រូវបូជា នាយប់នេះផងដែរ!»

នៅវេលាម៉ោង ០៦.៣០ នាទីល្ងាចថ្ងៃទី ០៤ សីហា ២០២០ នេះ លោក គង់ ម៉ាស់…

Posted by ទោះស្លាប់ ក៏ជាខ្មែរ on Tuesday, 4 August 2020

បើតាមដីកាផ្ដន្ទាទោស របស់តុលាការគ្រប់ជាន់ថ្នាក់ របស់របបក្រុងភ្នំពេញ បានកំណត់​ឲ្យសកម្មជននយោបាយ មកពីខេត្តស្វាយរៀងខាងលើ ជាប់ក្នុងពន្ធនាគារព្រៃស ក្នុង​រយៈពេល​១៨ខែ។ ការអនុវត្តន៍​ទោស នៅពន្ធនាគារ​ព្រៃស ដែលស្ថិតនៅ​ក្បែរ​រាជធានី​ភ្នំពេញ បានរួចផុតសព្វគ្រប់ តាំងពីពាក់កណ្ដាល ខែកក្កដាមកម្លេះ។

ប៉ុន្តែលោក ម៉ាស់ នៅមាន​សំនុំរឿង​មួយផ្សេង ក្នុងខេត្តស្វាយរៀង ដែលតម្រូវឲ្យ​លោក​អនុវត្តន៍ទោស នៅទីនោះ ចំនួន១៥ថ្ងៃថែមទៀត ជុំវិញសាលក្រមផ្ដន្ទាទោស របស់សាលា​ដំបូងខេត្តស្វាយវៀង ពី​បទ​បរិហារ​កេរ្តិ៍ និង​ញុះញង់​ ឱ្យ​ពលរដ្ឋ​ស្អប់​អ្នករាជការ​សាធារណៈ តាម​បណ្ដឹង​​របស់​អតីត​អភិបាល​ស្រុក​រមាសហែក លោក ពេញ ជា។

ក្នុងពេលភ្លាមៗ មិនអាចទាក់ទងសកម្មជនគណបក្សប្រឆាំងរូបនេះ ដើម្បីធ្វើ​អត្ថាធិប្បាយ អំពីការទទួលបាន​សេរីភាពជាថ្មីឡើងវិញនេះទេ ដោយហេតុថា លោកនិង​គ្រួសារ កំពុងធ្វើបុណ្យសពជីដូនរបស់លោក។

លោក គង់ ម៉ាស់ ត្រូវបានចាប់ខ្លួន នៅថ្ងៃទី​១៦ ខែមករា ឆ្នាំ២០១៩ ហើយត្រូវបាន​សាលា​ដំបូងរាជធានីផ្តន្ទាទោស នៅថ្ងៃទី១៨ ខែតុលាឆ្នាំដដែល  ឱ្យជាប់​ពន្ធនាគាររយៈពេល ១៨ខែ ពីបទ«ញុះញង់» តាមមាត្រា៤៩៥ និង៥០២ នៃក្រម​ព្រហ្មទណ្ឌ ទាក់ទងនឹង​ការបង្ហោះ​សារ នៅលើបណ្ដាញសង្គម ដោយប្រើពាក្យ​«ធ្ងន់ៗ»​រិះគន់លោក ហ៊ុន សែន និង​របបដឹកនាំរបស់លោក។

សកម្មជនគណបក្សប្រឆាំងរូបនេះ បានប្ដឹងឧទ្ធរណ៍ និងប្ដឹងសារទុក្ខ ឡើងទៅ​តុលាការ​ជាន់​លើ​បន្តទៀត តែមិនមានលទ្ធផលអ្វីទេ៕

លោក គង់ ម៉ាស់ មកលាងជម្រះកាយក្រោយចេញពីគុកហើយខណៈខ្ញុំនិងក្រុមគ្រួសារក៏សូមចូលរួមរំលែកទុក្ខផងដែលលោកត្រូវបាត់បងជីដូនជាទីស្រលាញ់ និងត្រូវបូជានៅវេលាយប់នេះផងដែរ។ សូមវិញ្ញាណកន្ធជីដូនរបស់លោកបានទៅកាន់ទីបរមសុខ!

Posted by ទោះស្លាប់ ក៏ជាខ្មែរ on Tuesday, 4 August 2020


លំអិតបន្ថែមទៀត

ក្រុមយុវជនសមាជិកចលនាមាតាធម្មជាតិ ដែលត្រូវបានចាប់ខ្លួន និងបញ្ជូនទៅតុលាការ។ (រូបថតលើហ្វេសប៊ុក)
កម្ពុជា

ស្ថានទូតស៊ុយអែដ ប្រតិកម្ម​ចំពោះ​ការចាប់ខ្លួន​សកម្មជន​ ជាបន្តបន្ទាប់

ស្ថានទូតនៃប្រទេសស៊ុយអែដ ប្រចាំនៅកម្ពុជា បានប្រតិកម្មភ្លាមៗ នៅចំពោះ​ការចាប់​ខ្លួន​ក្រុមសកម្មជន ដែលត្រូវបានធ្វើឡើង ជាបន្តបន្ទាប់ នៅប៉ុន្មានថ្ងៃចុងក្រោយ។ នៅថ្ងៃអាទិត្យនេះ​ អាជ្ញាធរបានចោទ​ប្រកាន់​យុវជន​ជាសកម្មជន​បរិស្ថាន​ចំនួន៣នាក់​ពី “ញុះញង់​ បង្កឱ្យមានភាព​វឹកវរធ្ងន់ធ្ងរ​ ដល់សន្តិសុខ​សង្គម​” និង​បង្គាប់ឱ្យ​បញ្ជូន​អ្នក​ទាំងបី​​ទៅឃុំខ្លួន​បណ្ដោះអាសន្ ...
កម្ពុជា

សម រង្ស៊ី ពន្យល់​ពី​«ការ​បោកបញ្ឆោត»​របស់ ហ៊ុន សែន

ប្រធានស្តីទីគណបក្សសង្គ្រោះជាតិ លោក សម រង្ស៊ី បានចេញលិខិតអំពាវនាវមួយ ទៅកាន់ថ្នាក់ដឹកនាំ សកម្មជន និងអ្នកគាំទ្រគណបក្សសង្គ្រោះជាតិទាំងអស់ ត្រូវ «រក្សាជំហរឲ្យរឹងមាំ កុំចាញ់ការសម្លុត និងការបោកបញ្ឆោត» ពីលោក ...
វិភាគ អត្ថាធិប្បាយ

អ្នកវិភាគនិយាយពីនយោបាយ​«ចងសម្លាប់មុខ» នៃបុរសខ្លាំងកម្ពុជា

អ្នកវិភាគនយោបាយកម្ពុជា បានសំដែងទុទ្ទិដ្ឋិនិយម ចំពោះដំណើរទស្សនកិច្ចលើកទី២ របស់គណៈប្រតិភូសហភាពអ៊ឺរ៉ុប ក្នុងសប្ដាហ៍នេះ នៅកម្ពុជា។ ពីប្រទេសហ្វាំងឡង់ លោក គីម សុខ បានពន្យល់ថា ដំណើរទស្សនកិច្ចនេះ គ្រាន់តែជាការអនុវត្ត ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...