កម្ពុជាដំណឹង

ហ៊ុន សែន ព្រមាន​ប្រទេស​មហាអំណាច «កុំធ្វើ​កំហុស​លើក​ទី៣»

កុំប្រើសិទ្ធិមនុស្ស និងលទ្ធិប្រជាធិបតេយ្យ ដើម្បីបំផ្លាញសន្តិភាពពេញលេញ ដែលកើតចេញពីនយោបាយ ឈ្នះ-ឈ្នះ។ នេះ ជាសាររបស់លោកនាយករដ្ឋមន្ត្រី ហ៊ុន សែន នៅព្រឹកថ្ងៃសៅរ៍ ទី២៩ ខែធ្នូ ឆ្នាំ២០១៨នេះ ព្រមានទៅបណ្ដាប្រទេសមហាអំណាច កុំឲ្យប្រព្រឹត្តិទង្វើ ដែលបុរសខ្លាំងកម្ពុជា ហៅថា ជា«កំហុសលើក​ទី៣»។

នៅក្នុងពិធីសម្ពោធវិមានអនុស្សាវរីយ៍ «នយោបាយឈ្នះ-ឈ្នះ» និងអបអរសាទរ​ខួប​២០ឆ្នាំ នៃការបិទបញ្ចប់ភ្លើងសង្គ្រាម នៅក្នុងប្រទេសកម្ពុជា ក្រោម «នយោបាយឈ្នះ-ឈ្នះ» របស់លោកនោះ នាយករដ្ឋមន្ត្រីបីទសវត្សរ៍ជាង របស់ប្រទេសកម្ពុជា បានថ្លែងព្រមានដោយមិនចេញឈ្មោះ ទៅលើបណ្ដាប្រទេសធំៗ ដែលកាន់លទ្ធិប្រជាធិបតេយ្យ ក្នុងលោក កុំឲ្យប្រើប្រាស់ឥទ្ធិពលរបស់ពួកគេ ចូលក្នុងកិច្ចការផ្ទៃក្នុងកម្ពុជា តាមអ្វីដែលលោកហៅថា អាចនាំកម្ពុជា ឲ្យត្រឡប់ទៅរកភ្លើងសង្គ្រាមជាថ្មី។

លោកថា ក្រុមប្រទេសទាំងនោះ បានប្រព្រឹត្តិកំហុស លើកទីមួយ គឺគាំទ្ររដ្ឋប្រហារ ថ្ងៃទី៣០ មិនា ឆ្នាំ១៩៧០  បង្កឡើងដោយរបប លន់ ណុល និងកំហុស​លើក​ទីពីរ គឺគាំទ្ររបបខ្មែរក្រហម ឲ្យបន្តមានអសនៈ នៅអង្គការសហប្រជាជាតិ អស់រយៈពេលជាង១០ឆ្នាំ។ លោក ហ៊ុន សែន បានថ្លែងបញ្ជាក់ថា ដូច្នេះ ពួកគេទាំងនោះ មិនត្រូវប្រព្រឹត្តិកំហុស ជាលើកទីបីនោះឡើយ។

ការព្រមានរបស់លោក ហ៊ុន សែន ទំនងជាសំដៅទៅសហរដ្ឋអាមេរិក និងសហភាព​អ៊ឺរ៉ុប ដែលបានដាក់ទណ្ឌកម្ម ប្រឆាំងរបបដឹកនាំ​របស់លោក ក្នុងជំហានដំបូងរួចហើយ និងកំពុងឈាន ទៅដាក់ទណ្ឌកម្ម យ៉ាងធ្ងន់ធ្ងរបន្ថែមទៀត ប្រសិនណាជារបបដឹកនាំមួយនេះ មិនបំពេញតាមលក្ខខណ្ឌ ដែលក្រុមប្រទេសលោកខាងលិចហៅថា ជាការធ្វើឲ្យរស់ឡើងវិញ នូវ «លទ្ធិប្រជាធិបតេយ្យរស់រវើក» នៅកម្ពុជាទេនោះ៕ 



លំអិតបន្ថែមទៀត

កម្ពុជា

មេធាវី កឹម សុខា ថា​កូនក្ដី​ខ្លួន​ទាមទារ​ឲ្យ​ទម្លាក់​បទ​ចោទ​ប្រកាន់​ជាមុន​សិន

«ត្រូវទម្លាក់ចោល បទចោទប្រកាន់ ជាមុនសិន» នេះ ជាការលើកឡើង របស់លោក កឹម សុខា ប្រធានគណបក្សសង្គ្រោះជាតិ តាមរយៈមេធាវីរបស់លោក នៅមួយថ្ងៃបន្ទាប់ពីការលើកឡើង របស់លោកនាយករដ្ឋមន្ត្រី ហ៊ុន ...
កម្ពុជា

ហ៊ុន សែន បដិសេធ​ព័ត៌មាន ពី​«ហត្ថលេខា​សម្ងាត់»​ឲ្យចិន​ប្រើ​មូលដ្ឋាន​ទ័ព

បុរសខ្លាំងកម្ពុជា បានចេញមុខបដិសេធ​ដោយផ្ទាល់ ដើម្បីប្រតិកម្មតប នឹងការចុះផ្សាយរបាយការណ៍មួយ របស់សារព័ត៌មានអាមេរិកដ៏ធំ ឈ្មោះ «The Wall Street Journal» ដែលអះអាងថា កម្ពុជាបានចុះ«ហត្ថលេខា​សម្ងាត់» ដើម្បីអនុញ្ញាតឲ្យចិនកុម្មុយនីស្ដិ៍ ...
កម្ពុជា

អាឡិចថា សោកនាដកម្ម​នឹង​បន្តមាន ព្រោះ​ឫសគល់​«បញ្ហា» គឺ ហ៊ុន សែន

តើការប្ដូរអភិបាលចាស់ ដាក់អភិបាលថ្មី នឹងអាចដោះស្រាយ«បញ្ហា» នៅខេត្តព្រះសីហនុ ដ៏សន្ធឹកសន្ធាប់នោះ បានឬទេ? សម្រាប់ស្ថាបនិកអង្គការមាតាធម្មជាតិ បានពន្យល់ថា លោកនាយករដ្ឋមន្ត្រី ហ៊ុន សែន អាចផ្លាស់ប្ដរមនុស្ស តាមចិត្តរបស់លោកចង់ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...