កម្ពុជាដំណឹង

ហ៊ុន សែន បង្ហើបថា​នៅមាន​មណ្ឌល​​កម្សាន្ដ​មួយទៀត​ បន្ទាប់ពី​«រ៉ុក»

លោក ហ៊ុន សែន នាយករដ្ឋមន្ត្រីកម្ពុជា។ (រូបថត AFP)

«យើងចាប់ផ្ដើមសកម្មភាព ពី”រ៉ុក”នេះមួយ» នេះ ជាការអះអាងឡើងរបស់លោកនាយករដ្ឋមន្ត្រី ហ៊ុន សែន ជុំវិញការបង្ក្រាបករណីគ្រឿងញៀន នៅមណ្ឌលកម្សាន្ដ«រ៉ុក» ក្នុងជំហាន​ឈានទៅបង្ក្រាបមណ្ឌលកម្សាន្ដមួយទៀត ដែលលោកមិនបានបញ្ចេញឈ្មោះឲ្យដឹង។

លោក ហ៊ុន សែន បានថ្លែងឲ្យដឹងដូច្នេះ នៅមុននេះបន្តិច ក្នុងពិធីបិទសន្និបាត បូកសរុបការងារ ឆ្នាំ២០១៨ និងលើកទិសដៅការងារ ឆ្នាំ២០១៩ របស់ក្រសួងសុខាភិបាល ពីសណ្ឋាគារសូហ្វីតែល​ភ្នំពេញ ដែលបានប្រព្រឹត្តិទៅ នាវេលារសៀលថ្ងៃអង្គារ ថ្ងៃទី១២ ខែមីនា ឆ្នាំ២០១៩។

បុរសខ្លាំងកម្ពុជា បានថ្លែងថា៖

«ករណីរ៉ុកត្រូវជីក (…) ដើម្បីរកមេក្លោង ក៏ត្រូវជីករកឲ្យឃើញ ព្រោះការបំផ្លិចបំផ្លាញ ដែលចេញពីកន្លែងនេះ វាធំធេងពេក វាធំធេងហួស។ ហើយតាមខ្ញុំដឹង នៅសល់មួយកន្លែងទៀត។ តែឥឡូវ វាសំងំ។ ពេលនោះបើបើកប្រតិបត្តិការ ម្ដងពីរកន្លែង គឺអាចចប់។»

ជាមួយនឹងការអះអាង ពីការអនុវត្តន៍នូវអភិក្រមទី៥របស់លោក ដើម្បី«វះកាត់»ចំពោះមន្ត្រីអសកម្មទាំងឡាយនោះ លោក ហ៊ុន សែន បានពន្យល់ថា៖

«តើក្រុមគ្រឿងញៀននេះ វាជ្រកកោននៅទីណា? វាជ្រកកោននៅទីកន្លែងណា ដែលវាគប្បីត្រូវជ្រក ដែលកើតចេញ ពីការគ្រប់គ្រងធូររលុងរបស់យើងតែម្ដង។ កន្លែងមួយចំនួន ដូចជាសណ្ឋាគារខ្លះ ក៏បានក្លាយជាកន្លែង ប្រើប្រាស់គ្រឿងញៀនដែរ។»៕



លំអិតបន្ថែមទៀត

កម្ពុជា

ហ៊ុន សែន ថាងាយ​បញ្ជា​ទាហាន ១ម៉ឺន​នាក់ ជាងឲ្យ​ចៅជាង​១០នាក់ជុំគ្នា

លោកនាយករដ្ឋមន្ត្រី ហ៊ុន សែន បានអួតអាងថា លោកមានសមត្ថភាព អាចប្រមូលទាហាន ១ម៉ឺននាក់ ចេញទៅច្បាំង ងាយជាងចាប់ចៅ​របស់លោក ទាំងជាង១០នាក់ ឲ្យមកថតរូបជុំគ្នា។ ការលើកឡើងរបស់បុរសខ្លាំងកម្ពុជា ធ្វើឡើងក្នុងថ្ងៃខួបកំណើត ...
កម្ពុជា

សម រង្ស៊ី ព្រមាន​ពី​អស្ថិរភាព បើ ហ៊ុន សែន បាញ់​សម្លាប់​រង្គាល​នៅ​ព្រំដែន

មេដឹកនាំប្រឆាំង លោក សម រង្ស៊ី បានបញ្ចេញប្រតិកម្មនៅថ្ងៃនេះ ចំពោះការគម្រាមប្រើកាំភ្លើងយន្ដ ចេញពីលេណដ្ឋាន បាញ់រូបលោក ប្រសិនជាលោកវិលចូលប្រទេសវិញ តាមព្រំដែនគោក។ ប្រធានស្ដីទីគណបក្សប្រឆាំង បានហៅចំណាត់ការរបស់លោក ហ៊ុន ...
កម្ពុជា

ហ៊ុន សែន ឲ្យចាក់​វ៉ាក់សាំងចិន​ជូន… ​រូបលោក និង​បក្ខពួកលោក​​មុខគេ!

លោក ហ៊ុន សែន បាន​ប្រកាសទទួលយក​វ៉ាក់សាំងចិន​ជាបន្ទាន់ ដើម្បីចាក់ឲ្យ… លោក ហ៊ុន សែន ខ្លួនលោក និង​បក្ខពួកលោក​​មុខគេ ! នេះ ជាការអះអាង​របស់បុរសខ្លាំង​នៅកម្ពុជា ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.