កម្ពុជាដំណឹង

ព្រះសង្ឃ ប៊ុត ប៊ុនតិញ មាន​សង្ឃដីកា​ចំអក​ឲ្យ ហ៊ុន សែន ដែល​នៅតែ​ឆ្លងឆ្លើយ​ជាមួយ សម រង្ស៊ី

ការអះអាង របស់លោកនាយករដ្ឋមន្ត្រី ហ៊ុន សែន ថាឈប់ឆ្លើយឆ្លង ជាមួយលោក សម រង្ស៊ី មិនមែនជារឿងថ្មីទេ តែការអះអាងដូច្នេះ របស់បុរសខ្លាំងកម្ពុជា បានកើតមាន ជាច្រើនដងរួចមកហើយ។

ការអះអាងលើកចុងក្រោយបំផុត របស់លោក ហ៊ុន សែន គឺធ្វើឡើង នៅថ្ងៃទី១២ ខែធ្នូ ឆ្នាំ២០១៨ នៅចំពោះកម្មករ-កម្មការិនី ច្រើនពាន់នាក់ ក្នុងខេត្តកំពង់ស្ពឺ ដែលមានអត្ថន័យជាអាទិ៍ថា៖

«ខ្ញុំមិនចង់តមាត់តក ជាមួយនរណាទាំងអស់ ព្រោះវាក្មេងពេក ខ្ចីពេក។ អត់និយាយ! ហើយទុកឲ្យគេ វិនិច្ឆ័យ​សភាពការណ៍ ​ខ្លួន​គេ​ចុះ (…) ខ្ញុំបាននិយាយហើយថា ខ្ញុំមិនតបតរ ខ្ញុំនៅស្ងៀម។»

តែនៅថ្ងៃទី២៦ ខែធ្នូ ឆ្នាំ២០១៨នេះ ប្រមុខរដ្ឋាភិបាល និងជាប្រធានគណបក្សកាន់អំណាច ក្នុងប្រទេសកម្ពុជា បានឆ្លើយឆ្លងយ៉ាងចាស់ដៃ ជាមួយមេដឹកនាំប្រឆាំង លោក សម រង្ស៊ី ដោយប្រើប្រាស់ភាសា «ជម្រះបញ្ជី» ជាមួយនឹងមនុស្ស​«ចង្រៃ»​នេះ ប្រសិនណាជាអតីតប្រធាន គណបក្សសង្គ្រោះជាតិ រូបនេះ វិលត្រឡប់ចូលស្រុកវិញ។

នៅចំពោះការផ្លាស់ប្ដូជំហរចុះឡើង របស់លោក ហ៊ុន សែន ព្រះសង្ឃ ប៊ុត ប៊ុនតិញ បានមានសង្ឃដីកាចំអក ឲ្យបុរសខ្លាំងកម្ពុជាថា កំពុង​«ច្រឡំមាត់​និយាយ​ទៀត»​ហើយ។ ព្រះតេជគុណ បានបង្ហោះរូបថតលោក ហ៊ុន សែន និងមានសង្ឃដីកា​បញ្ឆិតបញ្ឆៀង ហៅលោក ហ៊ុន សែន ថាជា«សម្ដេចអ៊ួ»ដូច្នេះថា៖

«សម្ដេចអ៊ួ ថាឈប់ឆ្លេីយឆ្លង នឹងទណ្ឌិត សម រង្សី។ មិនបានប៉ុន្មានថ្ងៃ ច្រឡំមាត់និយាយទៀត។ នេះជាយុទ្ធសាស្រ្ត សេះដុះស្នែង របស់អ៊ួ។»៕

សម្ដេចអ៊ួ ថាឈប់ឆ្លេីយឆ្លងនិងទណ្ឌិតសម រង្សីមិនបានប៉ុន្មានថ្ងៃច្រឡំមាត់និយាយទៀត។ នេះជាយុទ្ធសាស្រ្តសេះដុះស្នែងរបស់អ៊ួ។

Gepostet von But Buntenh am Mittwoch, 26. Dezember 2018


លំអិតបន្ថែមទៀត

កម្ពុជា

តុលាការព្រមាន កឹម សុខា ជុំវិញ​ដំណើរ​របស់​លោក ចុះទៅតាម​​ខេត្ត​​ជាច្រើន

តុលាការរបបក្រុងភ្នំពេញ បានចាត់ទុកដំណើរ របស់មេដឹកនាំ​គណបក្ស​សង្គ្រោះ​ជាតិ លោក កឹម សុខា ចុះទៅតាម​​ខេត្ត​​ជាច្រើន ក្នុងរយៈពេលចុងក្រោយនេះ ថាជា«ការឈាន​ទៅ​ហួសព្រំដែន ឬនាំទៅដល់​ការបំពាន លើកាតព្វកិច្ច» នៃការត្រួតពិនិត្យតាម​ផ្លូវ​តុលាការ ដែលតម្រូវដាក់​លើ​លោក ...
កម្ពុជា

ហ៊ុន សែន ធ្លោយឲ្យដឹង​ពី​សម្ព័ន្ធភាព រវាង​កងទ័ព​និង​ក្រុមហ៊ុន​ឯកជន

ការប្រកាសប្រើលុយ របស់ក្រុមហ៊ុនឯកជន ឬក្រុមឧកញ៉ា ដើម្បីទិញរថយន្ដ​យោធា​ពីចិន យកមក​បំពាក់​ឲ្យកងកម្លាំងជាតិ បានតម្រូវឲ្យលោក ហ៊ុន សែន បញ្ចេញប្រតិកម្ម ដើម្បីការពារ​នយោបាយ​របស់លោក​មួយនេះ រហូតលោកបានធ្លោយមាត់ ឲ្យដឹងថា នៅ​ក្នុងព្រះរាជាណាចក្រ​អច្ឆរិយៈ ...
កម្ពុជា

ដំណឹង​«ហ៊ុន សែន អាចនៅមិនបានយូរទៀត»​បង្កកំហឹង

«ហ៊ុន សែន អាចនៅមិនបានយូរទៀត» ជាការបង្ហើបចេញ ដោយក្រុមមន្ត្រីជាន់ខ្ពស់គណបក្សសង្គ្រោះជាតិ ដែលធ្វើឲ្យលោកនាយករដ្ឋមន្ត្រី ហ៊ុន សែន ឆេះដុំ។ នាយករដ្ឋមន្ត្រីដែលកាន់អំណាច តាំងពីជាង៣០ឆ្នាំ បានប្រតិកម្ម​តបទៅវិញ ដោយឲ្យក្រុមមន្ត្រីទាំងនោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...