កម្ពុជាដំណឹង

ហ៊ុន សែន ត្រឡប់​ពីទស្សនកិច្ច​នៅចិន​ដោយ​អះអាង​ថា បាន​«ទទួលជោគជ័យ»

នាយករដ្ឋមន្ត្រីកម្ពុជា លោក ហ៊ុន សែន បានវិលត្រឡប់ មកដល់រាជធានីភ្នំពេញវិញហើយ នៅព្រឹកថ្ងៃពុធ ទី២៣ ខែមករា ឆ្នាំ២០១៩នេះ បន្ទាប់ពីលោកបានធ្វើទស្សនកិច្ច រយៈពេល៣ថ្ងៃ នៅក្នុងសាធារណរដ្ឋប្រជាមានិត ចិន។ ហើយបើតាមការលើកឡើង របស់បុរសខ្លាំងកម្ពុជា ដំណើរទស្សនកិច្ចរបស់លោក នៅក្នុងប្រទេសមហាអំណាច បាន«ទទួលជោគជ័យ» ជាផ្លែផ្កាធំធេងណាស់។

មកដល់កម្ពុជាវិញ លោក ហ៊ុន សែន បានរៀបរាប់ថា លោកបានជួបពិភាក្សាការងារ ជាមួយលោកប្រធានាធិបតីចិន ស៊ី ជិនពីង (Xi Jinping) លោកនាយករដ្ឋមន្រ្តី លី ឃឺឈាង (Li Keqiang) និងលោកប្រធានសភាប្រឹក្សានយោបាយ វ៉ាង យ៉ាង (Wang Yang) ដើម្បីការរិតចំណងមិត្តភាព រវាងប្រទេសទាំងពីរ ឲ្យកាន់តែល្អរឹងមាំថែមទៀត ជាពិសេសទៅលើវិស័យសំខាន់ៗ ដូចជា កសិកម្ម, ពាណិជ្ជកម្ម ,វិនិយោគ, ទេសចរណ៍ និងហេដ្ឋារចនាសម្ព័ន្ឋជាដើម។

«ទំហំពាណិជ្ជកម្ម… ១០ពាន់លានដុល្លារ»

លោក ហ៊ុន សែន បានសរសេរនៅលើទំព័រហ្វេសប៊ុករបស់លោកថា៖

«កម្ពុជាបានត្រៀមខ្លួន ជាស្រេចរួចហើយ ដើម្បីជំរុញគម្រោង ផ្លូវ១ខ្សែក្រវាត់១ ជាមួយប្រទេសចិន ឲ្យបានជោគជ័យ។ ទន្ទឹមនឹងនេះដែរ ប្រទេសយើងទាំងពីរ នឹងខិតខំជំរុញទំហំពាណិជ្ជកម្ម ឲ្យឡើងដល់១០ពាន់លានដុល្លារ នៅឆ្នាំ ២០២៣។»

ផ្ដល់ជំនួយជិត៦០០លានដុល្លារ និងតម្លើងកូតានាំអង្ករចូលជិត៤០ម៉ឺនតោន ដល់កម្ពុជា

លោកនាយករដ្ឋមន្ត្រី បន្តអះអាង ពីការ«ទទួលជោគជ័យ» នៅក្នុងទស្សនកិច្ចលើកនេះ ទៀតថា រដ្ឋាភិបាលចិន បានផ្តល់នូវជំនួយ ជិត៦០០លានដុល្លារ ហើយបានតំឡើងកូតាអង្ករ នាំចូលមកក្នុងប្រទេសចិន រហូតដល់៤សែនតោន ដល់ប្រទេសកម្ពុជា។ លោកថា៖

«កម្ពុជានិងចិន គឺគោរពស្រឡាញ់គ្នា ដូចជាបងប្អូន។ ការរីកចម្រើនរបស់កម្ពុជា មកទល់សព្វថ្ងៃ គឺមិនអាចកាត់ផ្តាច់ ចេញពីទំនាក់ទំនងដ៏ល្អ និងការចូលរួមរបស់មិត្តចិនបានឡើយ។»

បុរសខ្លាំងកម្ពុជា បន្តថា៖

«ក្នុងនាមប្រជាពលរដ្ឋ និងប្រទេសកម្ពុជា និងក្នុងនាមខ្ញុំផ្ទាល់ សូមអរគុណរដ្ឋាភិបាល​ចិន និងប្រជាជនចិន ដែលជានិច្ចជាកាល គឺតែងតែយកចិត្តទុកដាក់ ជួយដល់កម្ពុជា ឲ្យបានរីកចម្រើន មកទល់សព្វថ្ងៃ។»៕



លំអិតបន្ថែមទៀត

កម្ពុជា

ទ្រង់ ធម្មិកោ ស្នើ ហ៊ុន សែន ឲ្យ​ដូរឈ្មោះ​ក្រុង​ព្រះសីហនុ

នៅចំពោះការប្ដូរមុខមាត់ នៃខេត្តមួយនៅជាប់សមុទ្រកម្ពុជា អតីតព្រះរាជលេខាផ្ទាល់ របស់អង្គមហាវីរៈក្សត្រ គឺព្រះអង្គម្ចាស់ ស៊ីសុវត្ថ ធម្មិកោ បានស្នើសុំនាយករដ្ឋមន្ត្រីកម្ពុជា លោក ហ៊ុន សែន នៅថ្ងៃនេះ ឲ្យប្ដូរឈ្មោះក្រុងព្រះសីហនុចេញ ...
ដំណឹង

យន្ដហោះ​ក្រុមហ៊ុនចិន​មួយ​ធ្លាក់បោកខ្លួន ជាមួយ​អ្នកដំណើរ​១៣២នាក់

យន្ដហោះមួយគ្រឿង របស់ក្រុមហ៊ុនអាកាសចរណ៍ចិន «China Eastern Airlines» បានធ្លាក់បោកខ្លួន ជាមួយ​អ្នកដំណើរ​១៣២នាក់ នៅក្នុងតំបន់មួយ ស្ថិតក្នុងភាគខាងត្បូងនៃប្រទេសចិន។ ក្នុងពេលភ្លាមៗ មិនទានមានតុល្យភាពជាផ្លូវការ បង្ហាញឲ្យដឹងអំពីចំនួនជនរងគ្រោះ ឬយ៉ាងណាទេ។ ...
កម្ពុជា

ហ៊ុន សែន ប្រកាស​ឈប់​លេង​​«ភ្នាល់»​​ជាមួយ សម រង្ស៊ី

នាយករដ្ឋមន្ត្រីកម្ពុជា បានសំដែងកំហឹង ក្នុងការថ្លែងរបស់លោក នារសៀលថ្ងៃអង្គារនេះ ដាក់«អាខ្លះ»ណាមួយនោះ ដែលលោកអះអាងថា មិនហានស្បថជាមួយលោកទេ តែមកបបួល«ភ្នាល់»ជាមួយលោក។ បើទោះជា«អាខ្លះ»នោះ មិនត្រូវបានបញ្ចេញឈ្មោះឲ្យដឹងក្ដី តែដំណើររឿង​«ភ្នាល់»​និង​«ស្បថ» ដែលបានកើតឡើង ក្នុងមជ្ឈដ្ឋានអ្នកនយោបាយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...