ដើម្បី​ពង្រឹង​និង​ពង្រីក​មិត្តភាព ៖ បន្ទាប់ពីទស្សនកិច្ចពីរថ្ងៃ នៅក្នុងប្រទេសឡាវ លោកនាយករដ្ឋមន្ត្រី ហ៊ុន សែន នឹងបន្តដំណើរទស្សនកិច្ចរបស់លោក សម្រាប់រយៈពេល២ថ្ងៃទៀត ទៅកាន់រដ្ឋធានី ហាណូយ ប្រទេសវៀតណាម នៅរសៀលថ្ងៃទី៦ ខែធ្នូ ឆ្នាំ២០១៨នេះ។

ក្នុងអំឡុងពេលទស្សនកិច្ចនេះ លោក ហ៊ុន សែន នឹងជួបលោក ង្វៀន ហ្វ៊ូជុង (Nguyễn Phú Trọng) ប្រធានរដ្ឋ និងជាអគ្គលេខាគណបក្សកុម្មុយនីស្ដិ៍ និងជួបអ្នកស្រី ង្វៀន ធីគឹមងិន (Nguyễn Thị Kim Ngân) ប្រធានរដ្ឋសភា នៃសាធារណរដ្ឋសង្គមនិយមវៀតណាម។ ជាពិសេស ប្រមុខរដ្ឋាភិបាលកម្ពុជា នឹងមានគម្រោង ជួបពិភាក្សាទ្វេភាគី ជាមួយលោក ង្វៀន សួនហ្វ៊ុក (Nguyễn Xuân Phúc) នាយករដ្ឋមន្ត្រីវៀតណាម។

លោក ហ៊ុន សែន ខ្លួនលោក បានសរសេរដោយផ្ទាល់ដៃ នៅលើទំព័រហ្វេសប៊ុករបស់លោកថា៖

«ដំណើរទស្សនកិច្ចរបស់ខ្ញុំ នៅវៀតណាម គឺដើម្បីពង្រឹង និងពង្រីក នូវចំណងទាក់ទង ជាមិត្តភាព និងសហ​ប្រតិបត្តិការ​ ព្រមទាំងពិភាក្សាការងារ ដែលនាំមកនូវផលប្រយោជន៍ សម្រាប់ប្រជាជាតិទាំងពីរផង និង​ ពិភាក្សា លើបញ្ហា​អន្តរជាតិមួយចំនួន ដែលជាកង្វល់រួមផង»។

បុរសខ្លាំងកម្ពុជា បានបន្តថា៖

«ក្រៅពីនេះ ខ្ញុំគ្រោងនឹងចូលរួម កិច្ចសន្ទនាធុរកិច្ច កម្ពុជា-វៀតណាម និងជួប​សមាគម​មិត្តភាព កម្ពុជា-វៀតណាម ផងដែរ»៕



លំអិតបន្ថែមទៀត

កម្ពុជា

អយ្យការបារាំង ថាសំណេរ សម រង្ស៊ី ពិតជា​ការបរិហារកេរ្ដិ៍ ហ៊ុន សែន

ស្ថាប័នអយ្យការបារាំង បានរកឃើញថា សំណេររបស់មេដឹកនាំគណបក្សប្រឆាំង លោក សម រង្ស៊ី បង្ហោះលើបណ្ដាញសង្គម កាលពីថ្ងៃទី២ ខែមិថុនា ឆ្នាំ២០១៩ ពិតជា​ការបរិហារកេរ្ដិ៍ ចំពោះលោកនាយករដ្ឋមន្ត្រី ហ៊ុន ...
កម្ពុជា

ហ៊ុន សែន ថា​«គ្មាន​នរណា​ផ្សេង»​ចេះគ្រប់គ្រង​ប្រទេស​ដូចលោក

នាយករដ្ឋមន្ត្រីបីទសវត្សន៍ជាង របស់កម្ពុជា បានបង្ហាញជំនឿថា គ្មាន​នរណា​ផ្សេង ចេះគ្រប់គ្រង​ដឹកនាំប្រទេសកម្ពុជា ដូចរូបលោកឡើយ និងបានថ្លែងចំអក ឲ្យទៅមេដឹកនាំប្រឆាំងថា គ្រាន់តែចេះស្រែក ចង់ចាប់អ្នកនេះ ឬអ្នកនោះប៉ុណ្ណោះ។ ជាការអះអាងដោយខ្លួនលោក នៅប៉ុន្មានថ្ងៃក្រោយលោកឧបនាយករដ្ឋមន្ត្រី ...
កម្ពុជា

ហ៊ុន សែន៖ «មិន​ជម្លៀស»​ពលរដ្ឋ​ចេញ​ពីចិន ព្រោះ​ខ្លាចនាំ​​ជំងឺ​ចូល​ស្រុក

«ខ្ញុំមានមោទនភាពក្រៃលែង ដែលធ្វើការសម្រេចចិត្តត្រូវ!» នេះ ជាការថ្លែងឡើងរបស់លោកនាយករដ្ឋមន្ត្រី ហ៊ុន សែន ដើម្បីពន្យល់ ពីការបដិសេធរបស់លោក ក្នុងពេលកន្លងមក ក្នុងការ«មិន​ជម្លៀស»និស្សិត និងពលរដ្ឋខ្មែរចេញពីប្រទេសចិន នៅខណៈពេលដែលមេរោគ «កូរូណា» ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.