ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។

អ្នកជំងឺទាំង៣៩នាក់ ដែលបានទទួលមរណភាព ដោយសារជំងឺរាតត្បាត ជាចំនួនច្រើនបំផុតក្នុងមួយថ្ងៃ រាប់ចាប់ពី​កម្ពុជារងការឆ្លងក្នុងសហគមន៍ អស់រយៈពេលប៉ុន្មានខែមកនេះ និងបានធ្វើឲ្យអ្នកជំងឺស្លាប់សរុប មានចំនួនកើនឡើង​ដល់ ១០២៥នាក់។ តួលេខសរុបនេះ បានធ្វើឲ្យភាគរយ​នៃអ្នកស្លាប់នៅកម្ពុជា មានអាត្រាខ្ពស់ជាងគេបំផុត ១,៥៨% បើធៀបនឹងប្រទេសជិតខាង (តារាងបង្ហាញជូនខាងក្រោម)។

ទន្ទឹមនឹងចំនួនអ្នកជំងឺស្លាប់ ដែលបានកើនឡើងជាបន្តបន្ទាប់ ករណី​ឆ្លង​ថ្មីវិញក៏បន្តហក់ឡើង ក្នុងកម្រិត​ខ្ពស់​ដែរ។ សេចក្ដីប្រកាសព័ត៌មានដដែល បានបញ្ជាក់ថា ចំនួនអ្នកជំងឺដែលបានឆ្លងមេរោគដ៏ចង្រៃ ក្នុងថ្ងៃនេះ មានចំនួន ៩៩៦នាក់ ក្នុង​នោះ ១៦៧នាក់ ជាករណីនាំចូលពីក្រៅប្រទេស និងក្រៅពីនេះ សុទ្ធសឹងជា​ករណី​ឆ្លង ​ក្នុង​សហគមន៍។

គិត​ត្រឹម​​​ថ្ងៃ​ទី១៥ ខែកក្កដា ឆ្នាំ២០២១ កម្ពុជា​មាន​អ្នក​ជំងឺ​សរុប ចំនួន ៦៤.៦១១នាក់ ក្នុង​នោះអ្នក​ជា​សះ​ស្បើយ ​មានចំនួន ៥៦.១៧៨នាក់៕

តារាងប្រៀបធៀបករណីឆ្លង-ស្លាប់ នៅកម្ពុជា និងនៅប្រទេសជិតខាង៖



You may also like

កម្ពុជា

Covid-19៖ កម្ពុជាមានករណី​ស្លាប់​ម្នាក់ សង្ស័យបឋម​ថាមកពី​«ខ្យល់គរ»

យុវជនខ្មែរម្នាក់​បាន​ស្លាប់​ នៅក្នុង​​មណ្ឌល​ចត្តាឡីស័​ក​​មួយកន្លែង ស្ថិតក្នុងមណ្ឌល​ស្វាយឃ្លាំង ស្ថិត​ក្នុង​​ស្រុក​ក្រូចឆ្មារ​ ខេត្ត​ត្បូងឃ្មុំ កាលពី​យប់​ថ្ងៃពុធ ទី២២ ខែកក្កដា​ម្សិលមិញ។ នេះ បើតាម​ការអះអាង របស់លោក កែវ វណ្ណៈ ...
កម្ពុជា

EU នឹង​មិនផ្អាក​ការសម្រេច​របស់ខ្លួន ក្នុង​ការព្យួរ​«EBA»​ពីកម្ពុជា​ឡើយ

គ្មានទេ! គ្មានការឆ្លើយតប ជាវិជ្ជមានឡើយ ពីសំណាក់សហភាពអ៊ឺរ៉ុប (EU) ចំពោះ​សំណើរ​​​របស់​​ក្រុម​​សហគ្រិនកម្ពុជា ដែលចង់ឲ្យសហភាព​អ៊ឺរ៉ុបយោគយល់ ដោយផ្អាក ឬពន្យាពេល​​ការសម្រេចព្យួរ ប្រព័ន្ធអនុគ្រោះពន្ធ ហៅថា «EBA» ពីប្រទេសកម្ពុជា ...
កម្ពុជា

កម្ពុជា ជាប់ក្នុង«បញ្ជីខ្មៅ» នៃក្រុមប្រទេស​ដែលរាំងខ្ទប់​គេហទំព័រសារព័ត៌មាន

«កម្ពុជា»ក្រោមការដឹកនាំ របស់លោកនាយករដ្ឋមន្ត្រី ហ៊ុន សែន កំពុងសាងកេរ្ដិ៍ឈ្មោះ​បន្ថែមទៀត នៅជុំវិញ​ពិភពលោក ដោយបានជាប់នៅក្នុង«បញ្ជីខ្មៅ» នៃក្រុមប្រទេស​មេកន្ទ្រាញ និងផ្ដាច់ការ ដែលធ្វើការ​រាំងខ្ទប់​គេហទំព័រ​សារព័ត៌មានឯករាជ្យ។ ការចាត់ព្រះរាជាណាចក្រអច្ឆរិយៈ ទៅក្នុងបញ្ជីដែលមានឈ្មោះដ៏អាក្រក់ ធ្វើឡើង​ដោយ​អង្គការ​អ្នកយកព័ត៌មាន​គ្មានព្រំដែន ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...