កម្ពុជាដំណឹង

ហ៊ុន សែន អះអាងថាពូជលោក មិនដែលមាន«ជំងឺខួរក្បាល»ទេ

មេដឹកនាំរបបក្រុងភ្នំពេញ លោក ហ៊ុន សែន បានថ្លែងចំអក ឲ្យក្រុមអ្នកនយោបាយប្រឆាំង ដែលលោកអះអាងថា រង់ចាំឲ្យលោកស្លាប់នោះ ថា«សូមរង់ចាំជាតិក្រោយចុះអូន» ដោយលោកអះអាងថា ពូជរបស់លោក តាំងពីជីដូនជីតាមក មិនដែលមាននរណាម្នាក់ មាន«ជំងឺខួរក្បាល»នោះទេ។

ថ្លែងនៅចំពោះកម្មករ-កម្មការិនីច្រើននាក់ នៅភូមិព្រៃរកា ឃុំឆក់ឈើនាង ស្រុកអង្គស្នួល ខេត្តកណ្តាល ក្នុងព្រឹកថ្ងៃពុធ ទី២០ ខែកុម្ភៈ ឆ្នាំ២០១៩នេះ លោក ហ៊ុន សែន បានអួតអាងទៀតថា លោកមិនងាយស្លាប់ឡើយ ហើយអ្វីដែលក្រុមអ្នកនយោបាយប្រឆាំង កាន់តែមិនដឹងពីលោកនោះ គឺមិនដឹងថា លោកគិតពីអ្វី ឬថាតើលោកត្រូវងាកឆ្វេង ឬងាកស្ដាំ។

បុរសខ្លាំងកម្ពុជា បានថ្លែងឡើងថា៖

«ហើយឃើញខ្ញុំញើសសំបោរនេះ គេថាខ្ញុំឈឺទៀតហើយ! យី អានេះ (…)បើរង់ចាំ ហ៊ុន សែន ងាប់ ដើម្បីបង្កើតឲ្យមានចលនាតស៊ូ គ្រប់គ្រងដណ្ដើមតំណែង រង់ចាំជាតិក្រោយទៅ។ ហ៊ុន សែន មិនងាយងាប់ទេ។ ហើយពូជ ហ៊ុន សែន គ្មាននរណាមួយមាន”ជំងឺខួរក្បាល”ទេ។ តាំងពីជីដូនជីតា ឪពុកម្ដាយមក អត់មាននរណា មានជំងឺដ៏គួរឲ្យតក់ស្លុតទេ។»

«ពិបាកណាស់ ព្រោះមិនដឹងថា លោក ហ៊ុន សែន គាត់កំពុងងាកឆ្វេង ឬងាកស្ដាំ នេះហើយជាបញ្ហា។ ដែលអ្នកឯងរហូតដល់ថ្ងៃងាប់ទៀត ក៏អ្នកឯងនៅតែមិនយល់ពី ហ៊ុន សែន។ ប៉ុន្តែ ងាកឆ្វេង ឬងេកស្ដាំ ប្រទេសនេះមិនបានក្រឡាប់ចាក់ ដោយសារការងាកទៅមុខ ឬទៅក្រោយរបស់ ហ៊ុន សែន នោះទេ មិនដែលទេ។ មានតែដំណើរទៅមុខ បន្តិចម្ដងៗ។»

លោក ហ៊ុន សែន មិនបានបង្ហាញខ្លួនជាសាធារណៈ អស់រយៈពេល២០ថ្ងៃគត់ រាប់ពីចុងខែកន្លងមក។ លោកទើបនឹងបង្ហាញខ្លួនឡើងវិញ កាលពីចុងសប្ដាហ៍មុន ក្នុងពិធីបិទសន្និបាតត្រួតពិនិត្យការងារ ឆ្នាំ២០១៨ របស់ក្រសួងមហាផ្ទៃនេះប៉ុណ្ណោះ។

អវត្តមានខុសប្រក្រតីនេះ ត្រូវបានមន្ត្រីគណបក្សសង្គ្រោះជាតិជាច្រើននាក់ អះអាងស្រង់ប្រភពផ្ទៃក្នុងគណបក្សប្រជាជនកម្ពុជា មកបញ្ជាក់ថា លោក ហ៊ុន សែន មានជំងឺរលាកឆ្អឹងចង្កេះធ្ងន់ធ្ងរ ដែលចាំបាច់ ត្រូវសម្រាកជាប់​នៅលើគ្រែ​មួយរយៈ៕



You may also like

កម្ពុជា

ហ៊ុន សែន៖ «ស្ថានភាពរំជើបរំជួល និង​ធ្ងន់ធ្ងរ តែសូមកុំស្លន់ស្លោរ»

លោកនាយករដ្ឋមន្ត្រី ហ៊ុន សែន បានបញ្ចេញសារបន្ទាន់មួយ ក្នុងយប់ថ្ងៃទី៩ ខែវិច្ឆិកា​នេះ ដើម្បីបញ្ជាក់​ពី«ស្ថានភាពរំជើបរំជួល និងធ្ងន់ធ្ងរ» នៅក្នុងរាជធានី-ខេត្តមួយចំនួន បន្ទាប់ពី​ក្រសួងសុខាភិបាល បានអះអាង ពីការរកឃើញអ្នកជំងឺ«Covid-19» ចំនួនបីនាក់ ...
កម្ពុជា

លាងលុយកខ្វក់៖ សម រង្ស៊ី និយាយ​ពី​«ចោរាធិបតេយ្យ»​នៅ​កម្ពុជា

មេដឹកនាំប្រឆាំង លោក សម រង្ស៊ី បានលើកឡើងថា កម្ពុជាសព្វថ្ងៃ ជារដ្ឋ​«ម៉ាហ្វីយ៉ា» និងជារដ្ឋ​ដែលដឹកនាំ ដោយប្រព័ន្ធ«ចោរាធិបតេយ្យ» ដែលនាំទៅដល់ ការលាងលុយកខ្វក់ថ្នាក់រដ្ឋ និងរហូតត្រូវសហភាពអ៊ឺរ៉ុប ដាក់កម្ពុជា ...
លោក ហ៊ុន សែន ចាប់ឱបលោក ប្រយុទ្ធ ចន្ទអស្ចារ្យ នៅក្នុងវិមានរដ្ឋាភិបាល រាជធានីភ្នំពេញ កាលពីថ្ងៃទី៧ ខែកញ្ញា ឆ្នាំ២០១៧។ (រូបថតរដ្ឋាភិបាលថៃ)
កម្ពុជា

សម រង្ស៊ី អះអាងថា ហ៊ុន សែន ចាប់ពង្រត់ វ៉ាន់ឆាឡឺម ដើម្បី​សងគុណ ប្រយុទ្ធ

មេដឹកនាំប្រឆាំង លោក សម រង្ស៊ី បានអះអាងថា ការចាប់ពង្រត់​សកម្មជន​នយោបាយ​ថៃ លោក វ៉ាន់ឆាឡឺម សាតស័ក្តិសិទ្ធ (Wanchalearm Satsaksit) កាលពីថ្ងៃទី៤ ខែមិថុនា ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...