កម្ពុជាដំណឹង

សម រង្ស៊ី ៖ «កុក ស និងខ្ញុំ យើងចាត់ទុកគ្នា​ដូច​បងប្អូន»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានសំដែងមរណទុក្ខ ចំពោះសពលោក កុក ស មេដឹកនាំ​ចលនាជនជាតិ​ដើម​ភាគតិច​ ម៉ុងតាញ៉ា (ឬ Degar) និងក្រុមគ្រួសារមិត្តភ័ក្រ​របស់សព។ មេដឹកនាំប្រឆាំងបានលើកឡើង ពីភាពក្រៀមក្រំដ៏ធំធេង នៃមរណភាពនេះ ហើយបានថ្លែងថា រូបលោក និងលោក កុក ស បានចាត់ទុកគ្នា ទៅវិញទៅមក ដូចជាបងប្អូនដូច្នោះ។

ប្រភពស្និតនឹងគ្រួសារសព បានបញ្ជាក់កាលពីម្សិលម៉ិញថា លោក កុក ស បានទទួល​មរណភាព កាលពីថ្ងៃទី០៩ ខែមករា ឆ្នាំ២០១៩កន្លងមក ដោយរោគាពាធ។

នៅចំពោះការបាត់បង់នេះ លោក សម រង្ស៊ី បានសំដែងពីការគោរព និងការកោតសរសើរ ចំពោះ​«ការតស៊ូដោយភាពក្លាហាន តាំងពីច្រើនទសវត្សរ៍មកហើយ ដើម្បីសេរីភាព និងភាពថ្លៃថ្នូរ សម្រាប់បណ្ដា​ជនភាគតិច​ទាំងឡាយ ដែលកំពុងរស់នៅភាគឦសាន នៃប្រទេសកម្ពុជា និងភាគកណ្ដាល នៃប្រទេសវៀតណាម»។

ប្រធានស្ដីទីគណបក្សប្រឆាំង បានថ្លែងបន្តថា៖

«កុក ស និងខ្ញុំ យើងបានចាត់ទុកគ្នា ដូចជាបងប្អូន។ យើងបានចែករំលែក នូវគោលការណ៍រួម ស្ដីពីសេរីភាព ភាពថ្លៃថ្នូរ ប្រជាធិបតេយ្យ និងសិទ្ធិមនុស្ស។ គាត់ (លោក កុក ស) បានគាំទ្រការតស៊ូរបស់ខ្ញុំ ដើម្បីការផ្លាស់ប្ដូរ តាមបែបប្រជាធិបតេយ្យ នៅកម្ពុជា។»

ផ្ទុយទៅវិញ ទំនាក់ទំនង​រវាងលោក កុក ស និងលោក សម រង្ស៊ី ត្រូវបានលោកនាយករដ្ឋមន្ត្រី ហ៊ុន សែន និងរដ្ឋាភិបាលកម្ពុជា ចាត់ទុកថា ជាអំពើក្បត់ជាតិ ហើយបានប្ដឹងមេដឹកនាំប្រឆាំងកម្ពុជា ឡើងទៅតុលាការ ក្នុងអំឡុងខែមីនា ឆ្នាំ២០១៨។

លោក ហ៊ុន សែន បានចោទគូបដិបក្ខនយោបាយ របស់លោកនៅពេលនោះថា បានកាត់ដី ចំនួន​៤ខេត្ត ទៅឲ្យបរទេស តាមរយៈការចុះកិច្ចព្រមព្រៀងមួយ ដែលចុះហត្ថលេខា រវាងលោក កុក ស និងលោក សម រង្ស៊ី កាលពីឆ្នាំ២០១៣ ក្នុងក្រុង «Greensboro» រដ្ឋការ៉ូលីន​ខាងជើង សហរដ្ឋអាមេរិក។

នៅចំពោះការចោទប្រកាន់ខាងលើ លោក សម រង្ស៊ី បានចេញសារបដិសេធ មួយលើកជាពីរលើក ​ថាលោក​មិន​បាន​ចុះ​ហត្ថលេខា​ កាត់​ដី ឲ្យ​ទៅ​បរទេសណា​ឡើយ​។

លោក រង្សី បន្ត​ថា ឯកសារដែល​លោក​ចុះ​ហត្ថលេខា ​ជាមួយលោក កុក ស ​នោះ គ្រាន់តែមាន​ខ្លឹមសារ ​ចង់​ឲ្យ​មាន​ការ​ទទួល​ស្គាល់​សិទ្ធិ​ស្រប​ច្បាប់ ​របស់​ជន​ជាតិ​ភាគតិច​ ម៉ុងតាញ៉ា ដែល​រស់​នៅ​ខេត្ត​ ភាគ​ឦសាន​ប្រទេស​កម្ពុជា ដូច​ជា​ខេត្ត​មណ្ឌល​គិរី រតនគិរី ក្រចេះ និង​ស្ទឹងត្រែងប៉ុណ្ណោះ​។

លោក សម រង្ស៊ី បានពន្យល់ ចំពោះ​ការ​លើក​ឡើង​ ពី«សិទ្ធិ​ស្វ័យភាព ​នៃ​ជនជាតិ​ដើម​ភាគតិច» ថាវា​គឺ​ជា​ការ​អនុវត្ត​ជាក់​ស្ដែង ​នៃ​អំណាច​វិមជ្ឈការ ដែលជា​ផ្នែក​មួយ ​នៃ​ដំណើរការ​លទ្ធិប្រជាធិបតេយ្យ ដែល​ការអនុវត្តន៍បែបនេះ មិនដែលមាន​ឡើយ នៅ​ក្រោម​រដ្ឋាភិបាល​​គណបក្ស​ប្រជាជន​កម្ពុជា ​ដឹក​នាំ​ដោយ​លោក ហ៊ុន សែន​៕



លំអិតបន្ថែមទៀត

កម្ពុជា

សម រង្ស៊ី អួតអាង​ថា បាន​«ប្រៀនប្រដៅ ហ៊ុន សែន បានខ្លះហើយ»

លោកនាយករដ្ឋមន្ត្រី ហ៊ុន សែន កំពុងទទួលយក ការប្រៀនប្រដៅ «បានខ្លះហើយ» ពីប្រធានស្ដីទី គណបក្សប្រឆាំង លោក សម រង្ស៊ី ដែលអះអាងទៀតថា យ៉ាងហោចណាស់ ...
កម្ពុជា

ហ៊ុន សែន ឲ្យគ្រប់ស្ថាប័ននិងពលរដ្ឋ កុំធ្វើដំណើរទៅ បស្ចឹមលោក

បន្ទាប់ពីហាមបណ្ដាជន ពីបស្ចឹមលោក កុំឲ្យធ្វើដំណើរចូលកម្ពុជា សម្រាប់រយៈពេល៣០ថ្ងៃ នៅថ្ងៃអាទិត្យនេះ នាយករដ្ឋមន្ត្រីកម្ពុជាបានណែនាំ ឱ្យគ្រប់ក្រសួងស្ថាប័នទាំងអស់ និងពលរដ្ឋកម្ពុជា កុំធ្វើដំណើរទៅ កាន់បស្ចឹមលោកវិញម្ដង។ នេះ បើតាមសារាចរណៃនាំ ចុះហត្ថលេខាដោយបុរសខ្លាំងកម្ពុជា ...
ទស្សនៈប្រិយមិត្ត

លិខិតប្រិយមិត្ត៖ ស្ថានទូតអាមេរិក ទាត់​ចោល​ការ​ចោទ​របស់​ក្រុងភ្នំពេញ

ស្ថានទូតអាមេរិក ប្រចាំនៅកម្ពុជា បានធ្វើសន្និសីទកាសែតមួយ កាលពីរសៀលថ្ងៃនេះ ទាត់ចោលការចោទប្រកាន់ទាំងឡាយ ដែលហាក់មានសន្ទុះ កាន់​តែ​ខ្លាំងឡើង ពីសំណាក់រដ្ឋាភិបាលកម្ពុជា ជាពិសេស ពីសំណាក់លោក​នាយករដ្ឋមន្ត្រី ហ៊ុន សែន ដោយ​ស្ថានទូតបានពន្យល់ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម​​ រង្ស៊ី បង្កើតសមាគមការពារ​សិទ្ធិ នៃអតីត​អ្នកជំងឺ​កូវីដ-១៩

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...