ការវិវត្តយ៉ាងតិច៧ចំណុច ដែល«មិនដែលមានពីមុន» បានបង្ហាញពីទំនោរនៃការដឹកនាំ បែប«ផ្ដាច់ការនិយម​ក្រោមឆ័ត្រអភិវឌ្ឍន៍»។ នេះ ជាការលើកឡើងរបស់អ្នកវិភាគចាស់វស្សា លោកបណ្ឌិត ឡៅ ម៉ុងហៃ។

គេតែងឮរដ្ឋាភិបាលកម្ពុជា រួមនឹងអ្នកគាំទ្រផង បានលើកឡើងមិនដាច់មាត់ អំពី«សន្តិភាព និងការអភិវឌ្ឍន៍ ដ៏សម្បើមមហិមា» នៅក្រោមការដឹកនាំ«ប្រកបដោយគតិបណ្ឌិត» របស់លោកនាយករដ្ឋមន្ត្រី ហ៊ុន សែន ដែលកាន់អំណាចនៅកម្ពុជា តាំងពី៣៦ឆ្នាំមកនោះ។

សម្រាប់លោក ឡៅ ម៉ុងហៃ បានពន្យល់ថា «សន្តិភាព និងការអភិវឌ្ឍន៍» មិនត្រូវកាត់ផ្ដាច់ចេញពី«យុត្តិធម៌ និងការគោរពសិទ្ធិមនុស្ស» នោះឡើយ។ នៅលើបណ្ដាញសង្គម លោកបណ្ឌិតដែលឧស្សាហ៍ បង្ហាញពីការចុះជាប់ ជាមួយពលរដ្ឋ នៅតាមមូលដ្ឋាននានា បានសរសេរឡើងថា៖

«សន្តិភាពអត់មានយុត្តិធម៌ អភិវឌ្ឍន៍អត់មានការគោរពសិទ្ធិមនុស្ស គឺ ផ្ដាច់ការនិយម​ក្រោមឆ័ត្រអភិវឌ្ឍន៍ [ ឬហៅតាមភាសាអង់គ្លេស : Develpmental(ist) dictactorship ]។» –

ផ្ទុយទៅវិញ វានាំឲ្យមានការវិវត្តជាច្រើន ដែល«មិនដែលមានពីមុនៗ» ដូចតាមការដកស្រង់​ទាំងស្រុង ពីសំណេររបស់លោក នៅខាងក្រោមដូច្នេះថា៖

១. ប្រជាពលរដ្ឋច្រើនលើសលប់ អស់ដី ឬសល់[តែ]ដីតូចៗធ្វើស្រែចំការ រីឯប្រជាពលមួយចំនួនតូច មានដីធំៗដល់ម៉ឺនហិចតា។ សង្គមបានក្លាយទៅជាសង្គមសក្តិភូមិ លើសឆ្ងាយពីសង្គមសក្តិភូមិ ដែលពពួកកុម្មុយនីស្តខ្មែរក្រហម ធ្វើបដិវត្តហិង្សា រំលំរំលាយ នៅឆ្នាំ១៩៧៥។
២. ប្រជាពលរដ្ឋច្រើនណាស់ក្លាយជាកម្មករ ហើយខ្ទង់១ភាគ៤ នៃមនុស្សពេញវ័យ ជាកម្មករចំណាកស្រុក ទៅក្រៅប្រទេស។
៣. ព្រៃ និងភោគទ្រព្យធម្មជាតិបាត់អស់ច្រើន យ៉ាងឆាប់រហ័ស។
៤. ប្រទេសជំពាក់លុយបរទេសច្រើនលើសលប់។
៥. គម្លាតធំឆ្ងាយរវាងអ្នកមាន និងអ្នកក្រ (ក្នុងវិស័យសិទ្ធិ ទ្រព្យសម្បត្តិ យុត្តិធម៌ សិក្សាធិការ សុខភាព)។
៦. ការហូរចូលនៃជនជាតិវៀតណាម និងជនជាតិចិន មករស់នៅរកស៊ីត្រួតត្រាសេដ្ឋកិច្ចខ្មែរ។
៧. គោលនយោបាយក្រៅប្រទេសបាត់អព្យាក្រឹត ជិតស្និតនឹងចិន ដែលទាញប្រទេស ឲ្យធ្លាក់ចូលក្នុងជម្លោះ រវាងមហាអំណាចចិន និងមហាអំណាចអាមេរិក (របៀបដូចមុនសង្គ្រាម នៅកម្ពុជា នៅឆ្នាំ១៩៧០-១៩៧៥)។

លោក ឡៅ ម៉ុងហៃ បានបញ្ចប់សំណេរររបស់លោក ដោយ«បេយ្យាល» ឬសញ្ញា«។ល។» ដែលទំនងជាលោករកឃើញការវិវត្ត ដែលមិនដែលមាន នៅក្នុងប្រទេសកម្ពុជាជាច្រើនទៀត តែលោកមិនអាចបរិយាយអស់ នៅក្នុងពេលនេះ៕



លំអិតបន្ថែមទៀត

កម្ពុជា

ហ៊ុន សែន ឌឺដង​ឲ្យ សម រង្ស៊ី «កុំ​រត់ចោល​ទីលាន​ប្រកួត»

បើទោះជាអះអាងមិនឆ្លើយឆ្លង ជាមួយលោក សម រង្ស៊ី ក៏ដោយ តែលោកនាយករដ្ឋមន្ត្រី ហ៊ុន សែន នៅតែបន្តផ្ញើរសារ​បែបបញ្ឆិតបញ្ឆៀង ឬដោយមិនចំឈ្មោះ ទៅកាន់មេដឹកនាំប្រឆាំងជាដរាប។ ហើយក្នុងវគ្គថ្មី នៅថ្ងៃនេះ ...
កម្ពុជា

ហ៊ុន សែន គ្រោង​«រក្សាទុក»​អាកាស​យានដ្ឋាន​ពោធ៍ចិនតុង តែមាន​មុខងារថ្មី

បើកម្ពុជាមានព្រលានយន្ដហោះថ្មី ធំនិងទំនើប ជាងព្រលានយន្ដហោះ ពោធ៍ចិនតុង តើព្រលាន​យន្ដហោះ​ចាស់មួយនេះ នឹងមានវាសនា ក្លាយជាអ្វី? លោកនាយករដ្ឋមន្ត្រី ហ៊ុន សែន បានឆ្លើយ​នឹងសំនួរនេះ ថារដ្ឋាភិបាល​លោក នឹងបន្ត​«រក្សាទុក»​​អាកាស​យានដ្ឋាន​ចាស់ ...
កម្ពុជា

ស ខេង បដិសេធ​​ជាថ្មី មិនបាន​នៅ​ពីក្រោយ​«ការនិរទេសខ្លួន»​របស់ សម រង្ស៊ី

ឧបនាយករដ្ឋមន្ត្រី និងជារដ្ឋមន្ត្រីមហាផ្ទៃ លោក ស ខេង បានប្រកាសសារជាថ្មី ថាលោកមិនបាន​នៅពីក្រោយ «ការនិរទេសខ្លួន»របស់លោក សម រង្ស៊ី មិនឲ្យវិលចូលប្រទេស​កម្ពុជា កាលពី​ចុងឆ្នាំ២០១៥ នោះទេ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...