កម្ពុជាដំណឹង

ហ៊ុន សែន ថាបណ្ឌិត មាស នី ជា​«អាយ៉ងបរទេស»

លោក ហ៊ុន សែន នាយករដ្ឋមន្ត្រីកម្ពុជា។ (រូបថតលើហ្វេសប៊ុក)

នាយករដ្ឋមន្ត្រីកម្ពុជា លោក ហ៊ុន សែន បានចោទប្រកាន់ អ្នកវិភាគឯករាជ ដ៏ល្បីឈ្មោះមួយរូប គឺលោកបណ្ឌិត មាស នី ថាជា«អាយ៉ងបរទេស»។

លោក ហ៊ុន សែន បានថ្លែងឡើងដូច្នេះ ក្នុងសារពិសេសមួយ ដែលលោកធ្វើចេញ ពីវិមានសន្ដិភាព (រាជធានីភ្នំពេញ) មុននឹងមានកិច្ចប្រជុំ ​ប្រចាំឆមាសទី៣ របស់ឧត្តមក្រុមប្រឹក្សាពិគ្រោះ និងផ្តល់យោបល់ ក្នុងព្រឹកថ្ងៃចន្ទ ទី២៤ ខែកុម្ភៈ ឆ្នាំ២០១៩នេះ។

លោកថា៖

«ខ្ញុំផ្តាំទៅ មាស នី គឺ មាស នី ឯងកុំជ្រុលហួស ការវិភាគរបស់ មាស នី ឯងមិនមែនជាខ្មែរទេ គួរតែជាជនជាតិបរទេសវាត្រឹមត្រូវជាង។ ខ្ញុំហ៊ានវាយតម្លៃ អ្នកឯងគឺជា​អាយ៉ងបរទេស​ពិតប្រាកដ មិនមែនជាខ្មែរទេ […] ហើយអ្នកឯង មិនអាចក្លាយជា មេដឹកនាំកម្ពុជាបានទេ។»

បុរសខ្លាំងកម្ពុជា បានបន្តលើកឡើងថា លោក មាស នី រួមនឹងអ្នកបណ្ដាអ្នកវិភាគឯករាជផ្សេងទៀត មិនមានចំណេះដឹង ស្មើនឹងកូនចៅរបស់លោកផងទេ និងស្នើឲ្យអ្នកវិភាគទាំងនោះ ត្រូវរៀនសូត្របន្ថែមទៀត មុននឹងធ្វើការវិភាគ ជាពិសេស បើសិនជាធ្វើការវិភាគ ទាក់ទងនឹងកិច្ចការការបរទេស។

ក្នុងពេលភ្លាមៗ លោក មាស នី មិនមានប្រតិកម្មតប នឹងការថ្លែងរបស់លោក ហ៊ុន សែន ខាងលើទេ។ ប៉ុន្តែក្នុងការឆ្លើយតបមុនៗ អ្នកវិភាគល្បីឈ្មោះរូបនេះ បានបញ្ជាក់ថា លោកគ្រាន់តែយកទស្សនកម្មនានា មករំលឹកដល់រដ្ឋាភិបាល និងលោក ហ៊ុន សែន ប៉ុណ្ណោះ។ លោកថា លោកគ្មានបំណងធ្វើការវិភាគ ដើម្បីដណ្ដើមអំណាច ឬលាភសង្ការៈអ្វីឡើយ៕



លំអិតបន្ថែមទៀត

លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៥ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ព្រឹត្តិការណ៍២០កុម្ភៈ៖ ហ៊ុន សែន ឲ្យបិទសាលារៀន និងបន្ថែមវិធានការ

ក្រៅពីសម្រេច​«ឲ្យបិទសាលារៀន» ក្នុងរយៈពេលពីរសប្ដាហ៍ លោកនាយករដ្ឋមន្ត្រី ហ៊ុន សែន បានប្រកាស​ចាត់​វិធានការ​​បន្ថែមមួយចំនួនទៀត នៅក្នុងរាជធានីភ្នំពេញ និងខេត្តកណ្ដាល។ នេះ បើតាមរយៈសារពិសេសមួយ ដែល​លោកបានបង្ហោះ នៅលើបណ្ដាញសង្គម នៅយប់ថ្ងៃចន្ទ​ទី២២ ...
កម្ពុជា

ហ៊ុន សែន៖ «ឪស្ដេច ម៉ែស្ដេច ក៏ខ្ញុំដាក់ដែរ»

នៅក្នុងការលូកដៃ ចូលទៅកកូរកកាយ ស្ថាប័នទូរទស្សន៍ឯកជនមួយ ដើម្បីគម្រាមអគ្គនាយកនៃស្ថាប័ននោះ ឲ្យចាកចេញពីតំណែង លោកនាយករដ្ឋមន្ត្រី ហ៊ុន សែន បានប្រើពាក្យខ្លាំងៗ ថា បើទោះជាជននោះ ជា«ឪស្ដេច ម៉ែស្ដេច» ...
កម្ពុជា

សម រង្ស៊ី និយាយពី​«នយោបាយ ចាញ់-ចាញ់ របស់ ហ៊ុន សែន»

មេដឹកនាំប្រឆាំង បានចំអកឲ្យនាយករដ្ឋមន្ត្រីចាស់វស្សា នៅកម្ពុជា អំពីនយោបាយ «ចាញ់-ចាញ់» ក្នុងគម្រោងដាក់បណ្ដឹង ឡើងទៅតុលាការបារាំង ជុំវិញករណីការធ្លាក់ឧទ្ធម្ភាគចក្រ ដែលបណ្ដាលឲ្យលោក ហុក ឡងឌី ស្លាប់កាលពីឆ្នាំ២០០៨។ លោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...