កម្ពុជាដំណឹង

Covid-19៖ កម្ពុជា​រកឃើញ​អ្នកជំងឺ​ម្នាក់ទៀត​ក្នុង​ថ្ងៃនេះ – សរុប​១២៤នាក់

ក្នុងថ្ងៃសៅរ៍ទី២៣ ខែឧសភានេះ អ្នកជំងឺ«Covid-19»នៅកម្ពុជា បានកើនឡើង ដល់​ចំនួន​ សរុប​១២៤នាក់ បន្ទាប់ពីក្រសួងសុខាភិបាល ទើបនឹងប្រកាសថា បានរកឃើញ​អ្នកឆ្លងជំងឺ «Covid-19» ម្នាក់ទៀត នៅក្នុងខណ្ឌសែនសុខ រាជធានីភ្នំពេញ។

សេចក្តីប្រកាសព័ត៌មាន របស់ក្រសួងសុខាភិបាល បានឲ្យដឹងថា អ្នកជំងឺដែល​ទើប​ត្រូវបាន​​រកឃើញ ថាមានផ្ទុកមេរោគកូរូណាថ្មីនេះ ជាស្ត្រីជនជាតិខ្មែរ អាយុ៣៩ឆ្នាំ រស់នៅ​សង្កាត់ទឹកថ្លា ខណ្ឌសែនសុខ រាជធានីភ្នំពេញ និងទើបវិលត្រឡប់ មកពី​សហរដ្ឋ​អាមេរិក​វិញ ដោយ​ឆ្លងកាត់តាម ប្រទេសកូរ៉េខាងត្បូង។

ក្រសួងអះអាងថា ស្ត្រីអ្នកជំងឺខាងលើ បានមកដល់កម្ពុជា កាលពីថ្ងៃទី៨ខែឧសភា ឆ្នាំ២០២០។​

បើរាប់តាំងពី ការរាតត្បាតដំបូង មកទល់នឹង​ថ្ងៃទី​២៣ ខែឧសភានេះ កម្ពុជាមាន​ចំនួន​​អ្នកជំងឺ «Covid-19» សរុប១២៤នាក់ ខណៈអ្នកជំងឺ​ទី១២៣ ត្រូវបានធ្វើតេស្ដិ៍រកឃើញ កាលពីថ្ងៃទី២១ ខែឧសភា បន្ទាប់ពី​អ្នកជំងឺ ជាជនជាតិខ្មែររូបនេះ បានធ្វើដំណើរ​វិល​ត្រឡប់ ពីប្រទេស​ហ្វីលីពីន ដោយកាត់តាមប្រទេស​កូរ៉េខាងត្បូង។

បើតាមតួលេខផ្លូវការដដែល ឲ្យដឹងទៀតថា មនុស្ស១២២នាក់ បានជាសះស្បើយ​ពីជំងឺ​ គិតត្រឹម​ថ្ងៃតី១៦ ខែឧសភាកន្លងទៅ។ នៅថ្ងៃនោះដែរ រដ្ឋាភិបាលក្រុងភ្នំពេញ បានធ្វើ​វីដេអូអបអរសាទរ ពីការជាសះស្បើយ នៃអ្នកជំងឺទាំងអស់ ដោយ​អួតអាង ​ពីការដឹកនាំ «ប្រកបដោយគតិបណ្ឌិត» របស់លោកនាយករដ្ឋមន្ត្រី ហ៊ុន សែន ក្នុងការគ្រប់គ្រង និងប្រឆាំង ទល់នឹងជំងឺដ៏ចង្រៃ៕

រហូតដល់ថ្ថ្ងៃទី​ ២៣​ ឧសភា​ ២០២០​ យេីងរកឃេីញករណីកូវីដ-១៩​ ១នាក់ថ្មីទៀត​ គាត់ជាស្រ្តី​ ជនជាតិខ្មែរ​…

Gepostet von នាយកដ្ឋានប្រយុទ្ធនឹងជំងឺឆ្លង CDC am Freitag, 22. Mai 2020


លំអិតបន្ថែមទៀត

ដំណឹង

Covid-19៖ នៅអ៊ីតាលី គ្រូពេទ្យ​១៥១នាក់ បាន​ទទួល​មរណភាព

នៅប្រទេសអ៊ីតាលី គ្រូពេទ្យ​១៥១នាក់ បាន​ទទួល​មរណភាព ដោយសារពួកគេបានឆ្លងជំងឺ ព្រោះស្ថិតនៅជួរមុខ នៅផ្ទាល់ជាមួយអ្នកជំងឺ«Covid-19»។ នេះ បើតាមរបាយការណ៍ចេញផ្សាយ កាលពីដើមសប្ដាហ៍ ដោយសហព័ន្ធជាតិ នៃគណៈគ្រូពេទ្យ (FNOMCEO) របស់ប្រទេសអ៊ីតាលី។ ...
វប្បធម៌ និងជីវិត

ក្រសួងសុខាភិបាលបង្ហាញ ពី​វិធាន​១០ចំណុច សម្រាប់ធ្វើចត្តាឡីស័ក

តើការធ្វើចត្តាឡីស័ក ត្រូវធ្វើឡើង តាមរបៀបណា? ខាងក្រោមនេះ ជាការពន្យល់របស់ក្រសួងសុខាភិបាលកម្ពុជា ដែលបង្ហាញ ពីវិធាន១០ចំណុច ដើម្បីអ្វីមួយ ដែលក្រុមអ្នកជំនាញផ្នែកសុខភាព លើកឡើងថា ជាការបំបាក់ការរាតត្បាត នៃជំងឺ«Covid-19»។ ទស្សនាវដ្ដីមនោរម្យ.អាំងហ្វូ ...
ដំណឹង

ចូ បៃដេន៖ «ខ្ញុំនឹងក្លាយជា​ប្រធានាធិបតី នៃពលរដ្ឋអាមេរិក​គ្រប់ស្រទាប់»

«ខ្ញុំនឹងក្លាយជា​ប្រធានាធិបតី នៃពលរដ្ឋអាមេរិក​គ្រប់ស្រទាប់» នេះ ជាការលើកឡើង របស់លោក ចូ បៃដេន (Joe Biden) បេក្ខជន​ប្រធានាធិបតី មកពី​គណបក្ស​ប្រជាធិបតេយ្យ ក្នុងយប់ថ្ងៃសុក្រ ទី៦ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...
កម្ពុជា

ហ៊ុន សែន ឲ្យប្រគល់​«សត្វតោ»​ទៅម្ចាស់វិញ ខណៈ​មន្ត្រីថា​អនុវត្តច្បាប់

ប្រសិនជាមន្ត្រីក្រសួងកសិកម្ម និងបរិស្ថាន ខិតខំពន្យល់ថា ទង្វើរឹបអូស«សត្វតោ» ជាការអនុវត្តច្បាប់នោះ ទីបំផុតទៅ លោក ហ៊ុន សែន បានចេញបញ្ជាឲ្យប្រគល់សត្វតោនេះ ត្រឡប់ទៅឲ្យម្ចាស់ដើម ដែលជាជនជាតិចិនវិញ។ បុរសខ្លាំងនៅកម្ពុជា ...